- 在線時間
- 122 小時
- 最後登錄
- 17-6-19
- 國民生產力
- 67
- 附加生產力
- 287
- 貢獻生產力
- 0
- 註冊時間
- 07-6-18
- 閱讀權限
- 10
- 帖子
- 887
- 主題
- 19
- 精華
- 0
- 積分
- 1241
- UID
- 143080
|
我囡囡在幼稚園中班時上公文英和中,來年升小三;公文數大約學了半年,反而數真係唔係好記得幾耐.
我發覺其他版面成日激辯公文的好和壞,唔係好對"嘴形",但這個標題對"嘴形",所以就入來分享,唔想為左父母D個人喜好,成日同人辯論,死好多細胞,一個銀有多面睇.
我曾經介紹過朋友上,但得出來的效果不理想,所以不再推廌給朋友了,自己知囡囡的效果好吧了!只在此分享囡囡上了公文的效果和經驗.
初初學公文中,是親人叫的,說是普通話敎授,推行不久的,詳細內容想其他媽咪都知啦,不再重覆,囡囡d普通話全由公文中得回來(講一聲,應該是因人而易,我諗女仔學語文容易上手啩),她的拼音底子已很成熟,一般沒有事前看過的文章,如果d詞語不是太深,不需怎思考即可落筆寫拼音,我都覺得很神奇,早前上北京自由行,有當地人讚過她的普通話發音準和好,囡囡唔覺特別,只覺開心,因有人讚她.但係在此聲明,必須恆之而久,囡囡是差不多日日聽cd(除了去旅行或有其他活動),是"日日",不是一日讀晒六日功課,囡囡都幾喜歡聽公文中的故事(對不起,唔記得提囡囡公文中現是上CII的),幾有趣和得意,有D我仲未聽過.囡囡程度去到邊?唔知各位媽咪知唔知"普通話水平測試"呢樣野?囡囡可以應付入面D不太深的文章,事前是沒有看過的.所以對我囡囡來說,是有效的;但亦有人說這並不是惟一方法學好普通話的,我是在職媽咪,時間有限,亦不知怎敎好囡囡D普通話(因我一D都唔識普通話拼音);可能有人不覺甚麼,內地的小朋友都識啦,但囡囡是"香港"出世的小朋友,環境亦不能接觸到普通話,所以得到此效果,我怎不稱奇呢?在此亦要提一提,囡囡二年級學校是以普通話敎授中文的.
我驚太長氣,會令其他媽咪瞓著,所以英和數不再講了!
我給囡囡學公文,起初原因是學多一樣無衰咁解!後來發覺公文訓練到她做功課快,時間控制方面亦幾好;囡囡因為要看電視,所以做功課亦"起勁",趕及某卡通片前完成.此外,公文其中一理念是由小朋友全程做主動,去到敎室自己拿CD,聽-->讀-->做,最後去導師處改正,沒人會跟著小朋友,當然有人會說如果小朋友不做,亦沒有人會知,但我想當小朋友去到導師處,如果甚麼也沒有做,應該工作紙是不識做啩;學公文的益處不單學了知識,還學了自覺性,但我亦提醒各媽咪,不能全放手給小朋友去學某一樣知識,我在家中是間中監察囡囡學習情況,例如有否聽CD和朗讀,"人"天生是有隋性的,你怎可要求一個小朋友可以完全自律去完成一項工作呀?早期是頗辛苦的,無論父母或小朋友.
最後,提醒媽咪們,不是全部小孩都適合此方法;諗清楚,如果選左某一個方法,就要定下一個時間觀察小朋友進度如何,不能以幾個月時間來定奪它的好和壞,我諗一年時間應可知度某一種方法是否對小朋友好與不好.
我都唔再講架啦!吧吧! |
|