阿仔上到小四 佢話太多功課 很不開心

santakit

IloveJJ 發表於 16-10-16 09:54
係架! 响私校，根本家長自己有方法跟有方法教，學校唔需要去做。但津校，就真係要學校去推。好似我仔小一 ...

所以我真係想train 小朋友做野學野要effieient係重要過去acheive d 咩好成績, 吾想花1個鍾溫默書其實溫得50%入腦，想學點樣較啱個mood一座底15min好專注地溫90%入腦，但實踐起上來又做吾到，我都吾知點教好。。

Yanamami

IloveJJ 發表於 16-10-16 09:54
係架! 响私校，根本家長自己有方法跟有方法教，學校唔需要去做。但津校，就真係要學校去推。好似我仔小一 ...

我地考前－周無功課，老師係課堂幫温書，家長都一样唔洗煩｡不过因教深教快，某部份能力稍遜学生都要煩……

山海兒女

其實，真係同真私國際，冇關係。

就算同一校，同一班，一樣可以有人要做到十一點，有人可以半小時內完成。

至於溫默書，有人星期六日唔出街去溫也未必合格，有人只係默之前一日睇一睇，已有八十分。

其實專注力的訓練，係好緊要，其次係要有良好的學習態度，才會著緊自己的學業。

hohoho36

講真，19樣2日時間我接受唔到，2日時間最多我接受10至11樣。

MrBeast

Kx1918 發表於 16-10-15 15:49
阿仔讀到四年級 越來越多功課 今個假期直頭有19樣功課 佢琴晚同我講好唔開心 話太多功課冇時間做 做晒都冇 ...

有冇聽過snoopy 校長講座？最容易的方法就是做parrot，只要講返佢的說話就得，eg ：
你好唔開心呀？
因為有成19樣功課咁多⋯

跟著不是找solution，而是認同佢感受:
咁多功課就慘。

其實你仔已講出個答案，只要work out 到佢有時間去玩就得

stockmike

通常小三開始會多功課，我間校話就唔多。但係寫作開始佔多，又有啲專題探討，份份都有番貢上下份量，加上每星期的額外運動興趣班(6.5 小時)及補習(2 小時)，今年已好少落到街玩，開始應付唔到，家人又唔肯 cut. 而家仲爭論緊。

MrBeast

stockmike 發表於 16-10-16 12:42
通常小三開始會多功課，我間校話就唔多。但係寫作開始佔多，又有啲專題探討，份份都有番貢上下份量，加上每 ...

我個小一時最辛苦，只有2 eca，但3個網上練習，又唔想skip nap，直情分秒必爭，但都manage到少少時間去玩（不是每天）。
今年小4，手腳快了，少了網上練習，差不多每星期有5-6日可arrange 到30-45mins tv 時間，但看書和去park就少了，一日只有24小時，我就講到明完成功課溫習後的時間是佢自己的，快手做哂就多d時間做自己野，我絕不會再塞其他活動（雖然我係想）。

babywoman

19樣聽落好多, 同仔講分三日,每日都係六七樣, 高小要訓練做事速度, 解難能力, 咁安慰仔

當我仔讀幼稚園時,去咗一個朋友家聚餐 ,佢個囡小三, 當日好似也是星期五, 有15樣功課, 我已同仔講, 要有心理準備.
點知我地真正讀初小時, 每日五六樣,甚至兩三樣, 除小一要適應外,小二小三比較少帶功課返屋企做(學校有功課堂)
小四前, 我同仔講, 我地蜜月期應該很快完, 因為你大個仔, 高小可能會多功課,果然, 平日與初小差不多,但星期五會明顯多咗, 記得有次最多有12樣(連改正) ,我仔小四手腳又快咗 ,基本上星期五晚會將所有功課做晒, 星期六日就玩.
因應我知可能高小功課及升中有壓力,所以cut剩一項活動(最喜歡的), 平日仔多數在食飯前(18:30)做晒功課, 其它時間(如有測默會利用多半小時)就自由活動

有時, 我地無法或短期唔會改變的事, 就有心理準備地迎合及正面面對.

HaYi

而家其實連我細的K3在happy Kinder 周未都有好多樣要寫的功課, 呢排成日去左P1 interview, 冇咩時間做, 但佢一坐定都好快起晒, 仲都算美觀.  大的大成幾年, 反而仍有拖拉, 問題不是他不識, 而是覺得悶, 無聊, 做完老師又要改又要再抄, 一見都冇心機......

所以絕對同意樓上, 良好的學習態度是最重要, 能力高, 但無心做 是最慢的, 而且惡性循環.  而做不做到是很個人同性格有關, 只有望欠的那兒, 就算慢D, 都會漸有進步.

mcl203

回錯post...deleted ~~~~

Soundervolt

我有興趣想知嗰19樣功課係乜野内容?喺乜野情況之下有19樣功課?周末?長假期?

Sassa

原帖由 santakit 於 16-10-16 發表
所以我真係想train 小朋友做野學野要effieient係重要過去acheive d 咩好成績, 吾想花1個鍾溫默書其實溫得5 ...

X2

Yanamami

Soundervolt 發表於 16-10-16 22:18
我有興趣想知嗰19樣功課係乜野内容?喺乜野情況之下有19樣功課?周末?長假期?
...

我估……
默書改正、copybook、作文謄寫、網上練习(中英数各－)、－般練习改正、報章阅讀報告、書法練习、中英数TSA練习、作業、工作紙……

Yanamami

santakit 發表於 16-10-16 11:19
所以我真係想train 小朋友做野學野要effieient係重要過去acheive d 咩好成績, 吾想花1個鍾溫默書其實溫得5 ...

就算再efficient, 長期俾1x样功課疲勞轟炸，心态係会变得疲累反感無动力，副作用係升中後出現。小学有得催有得逼，上到中学唔再听大人支笛，反效果就呈現哂出黎｡我朋友女升中後就所有野hea做、欠交……試諗下如果你老闆次次係你收工前俾一大叠野你執手尾，就算只係易如反掌，但唔係一曰半日，係每－日，再能幹既你都会遞辭職信｡

santakit

Yanamami 發表於 16-10-17 09:38
就算再efficient, 長期俾1x样功課疲勞轟炸，心态係会变得疲累反感無动力，副作用係升中後出現。小学有得催 ...

同意同意!
我都好驚第時會噤。。
樓主，我講下咋，吾知work吾work, 可吾可以想像個19樣功課是integrate埋成為一樣，另自己覺得係做一樣功課，只是份功課復習d,
定個時間eg 3個鍾， 將d功課分配到嗰3個鍾，eg工作紙用8%時間做etc，中間比d break, 切夠100% 時間。target3個鍾做完。。

tutik

我發覺有條理既小朋友相對較容易應付高小轉變。即係父母已經半放手既小朋友相對容易習慣，若不適應父母輕輕扶一把已經走回正軋。
呀仔都有埋怨多功課、老師惡要求高，同班也有上半同學感覺吃力，亦都有家長同老師提出，但亦有部份嘅小朋友覺得冇問題，應付自如。我同阿仔講其實呢個就係立見到高下，你唔去提升自己能力，就會畀人認頭趕上。還好呀仔自言已開始習慣。
我家小兒改正係用紙另外整句抄一次，原文係填一粒字，若然錯多，有機會寫得多過份功課，寫得多其實又有機會錯其他嘢，錯改正係要罰小息/導修課補番+狂丙！我從來唔敢小看改正。

little_yolky

洋蔥頭媽咪 發表於 16-10-15 18:21
星期六同日兩天 19樣功課 ? 是否名校 ? 如果太多可以嘗試聯絡老師了解同跟進下。
...

反映係完全無意義的。今年阿女小四, 多咗一個唔計分英默, 一次10個生字。因為今年減咗測默次數, 校長話係俾小朋友take it easy, 但又可以保持溫習習慣, 唔駛咁緊張。

好喇, 上有政策, 下有對策。阿女個英文老師同同學仔講, 錯多過一半, 就要全部範圍抄50次。當然, 阿女唔會係咁既人, 但問題係佢個人緊張丫嘛, 聽到就會好擔心, 好大壓力。C6打電話去了解下, 同時反映小四開始功課突然多咗好多, 唔夠循序漸進, 小朋友功力太大云云。但老師一句：間間學校都係咁的。今次C6又醒喎, 唔駛人教就識得反駁：唔好同我講間間都係咁, 我哋係貪你哋學校少功課至嚟考的, 唔係做乜要山長水遠嚟讀。老師當堂無以應。


不過, 過咗個幾月, 阿女又適應咗了, 佢係慢人幾拍, 要少少時間適應的。

mch411

我個仔今年小四, 功課數冇變6-10樣,
但量就多左, 例如作文上年最少四行,
今年最少8行, 佢以前16:30返到托管班,
18:00左右做完, 新學期個幾月, 日日都要過19:00先做完