農圃道-不去音樂會放棄期考分10%

ceciwong2008

原帖由 ppmmbb 於 15-04-21 發表
本帖最後由 ppmmbb 於 15-4-21 15:01 編輯

校長好有腦架，佢最鐘意做show, 尤其佢覺得自己唱歌好好聽
係家長教師會嘅活動，但指明家長一定要帶仔女去，要做音樂科工作紙，同埋會計音樂科期考10%成績，你問佢保險問題佢一定東扯西扯講其他迴避問題。
有校車安排就好喇，即學校帶學生去，唔洗攪到我哋。

little_yolky

王家爸爸 發表於 15-4-21 14:02
做報告的應該係小朋友，但係現實係小學，尤其係初小，好多時都係親子製作。 ...

小一生真係盲字唔識多個, 都係親子製作。阿囡小二, 識多兩個大字, 我終於可以塞佢自己寫, 然後最多我幫佢打字。

little_yolky

ceciwong2008 發表於 15-4-21 12:09
想問依家所有小學係唔係一定要去「家教會」辦嘅音樂會，唔去就自動放棄期考分10%, 真係為難在職家長，兩個 ...

我真係為你難過。可唔可以請假早走兩個鐘?

我哋學校又有校慶表演, 但年年都安排星期六, 今年阿女唔好彩, 唔小心入咗要表演既課外活動, 星期四全校停課, 因為要去場地綵排, 無校車, 所以要請半日假接佢。突然又彈張通告話星期一二要留校練習, 一定要出席, 又再次無校車。我即時發颷, 响通告度寫無人接放學, 唔留校, 後再補多個電話, 免得老師硬要學生留底。


電話聯絡負責老師時, 係多麼的nice (阿囡話佢平時好惡), 好體諒我哋做雙職父母既難處等等, 唔駛阿女留校練習, 只著阿女正常練習時間時多專心而已。樓主我不是晒命, 不過, 真心為你難過, 遇到呢D事, 仲唔係得一次半次, 真係甚為氣結。

ceciwong2008

原帖由 little_yolky 於 15-04-21 發表
我真係為你難過。可唔可以請假早走兩個鐘?

我哋學校又有校慶表演, 但年年都安排星期六, 今年阿女唔好彩,  ...

其實我已經無參加任何學校嘅課外活動，因學校嘅課外活動全部係由家長教師會攪，佢揾果d老師係會貴過自己出面學一對一嘅老師，唔喺學校學又可以日日撘校車，唔洗煩。


今次最大問題係一定要去音樂會，否則音樂科期考成績放棄10%分，好對唔住囝囝。

我想問下大家，其實小學係唔係可以咁計考試分？呢d課外活動係唔係一定要參加？

MC1128

小女學校,記得五六年級時,音樂科有要求欣賞音樂會,計分的,但唔記得佔幾多分

只要求,去完音樂會後,交回票尾及介紹音樂會的單張,沒有工作紙或任何觀後感功課要做

沒有硬性要求去某一個音樂會,老師給充足的時間,例如聖誕新年、復活節長假期, 任何一個音樂會都可以


一向有帶孩子聽音樂會,所以並不困難

我們是雙職家長,都可以安排到時間去聽

由於所有同學都要聽,有熱心家長會相約一齊,幫忙接送

六年級,有十二歲,如果去香港大會堂,文化中心,或者居住就近的沙田大會堂、荃灣大會堂等等

可以放心同學們一齊去聽,最多家長接走

ppmmbb

ceciwong2008 發表於 15-4-21 16:30
其實我已經無參加任何學校嘅課外活動，因學校嘅課外活動全部係由家長教師會攪，佢揾果d老師係會貴過自己出 ...

唔知算不算！


《家庭崗位歧視條例》                 

                  《家庭崗位歧視條例》的作用是甚麼？                 

                  《家庭崗位歧視條例》(條例)於一九九七年六月二十六日制定。根據條例的規定，任何人如歧視具有家庭崗位的人，便屬違法。有關人士可以就指定活動範疇內的家庭崗位歧視提出投訴，投訴範圍並包括直接歧視和間接歧視。                 
                  任何人因另一人曾經或打算根據條例作出投訴，而給予該人較差的待遇，也屬違法。這項規定也適用於為投訴作證的人。                 

                  什麼是家庭崗位？                 

                  「家庭崗位」指負有照顧直系家庭成員的責任的崗位。                 
                  「直系家庭成員」，就任何人而言，指因血緣、婚姻、領養或姻親而與該人有關的任何人。這定義涵蓋了獲法律承認的各種關係，例如父親、母親、兄弟、姐妹、丈夫、妻子、兒子、女兒、祖父母或外祖父母、孫子女或外孫子女、姪女或甥女、姪兒或外甥、岳父或家翁、岳母或家姑、配偶的兄弟姐妹，以及其他上文未能盡錄的關係。                 

                  甚麼是直接歧視？                 

                  直接歧視是指在相同或無重大分別的情況下，任何人給予具有家庭崗位或某家庭崗位的人的待遇，差於他給予並無家庭崗位或相同家庭崗位的人的待遇。僱主歧視須照顧年老父母的求職者，就是「直接歧視」的例子。                 

                  甚麼是間接歧視？                 

                  當某項要求或條件表面上看似不帶歧視，而事實上對具有家庭崗位或某家庭崗位的人有不公平的影響時，便屬於間接歧視。舉例來說，如果一家公司只聘用可以不定時工作的職員，則很多負有照顧幼兒責任的人很可能未能符合這項工作要求。如果沒有合理的理由支持有關要求或條件，該項要求或條件便可能構成「間接歧視」。                 

                  條例涵蓋那幾個活動範疇？                 

                  條例訂明，任何人如果在指定的活動範疇內歧視另一人，即屬違法。有關範疇包括：                 

• 僱傭；
• 教育；
• 貨品、設施或服務的提供；
• 處所的處置或管理；
• 諮詢團體的投票資格及被選入或委入該等團體的資格；
• 會社的活動；
• 政府的活動。
  

                  提出申訴                 

                  平等機會委員會負責監察條例的執行情況。你如果受到你認為與條例規定有抵觸的待遇，可以向委員會尋求協助。                 
                  任何人可以向委員會提出書面申訴，委員會會隨即進行調查，並鼓勵爭議雙方和解。如果未能達成和解，而受害人決定訴諸法庭，委員會可以在法律程序上提供協助。委員會在處理所有申訴及查詢時，都會緊守保密原則。                 
                  除此之外，你也可以親自向法庭提出法律程序。                 

                  生效日期                 

                  《家庭崗位歧視條例》已於一九九七年十一月二十一日全面生效。                 

                  其他資料                 

                  平等機會委員會                 
                  香港太古城                 
                  太古灣道14 號                 
                  太古城中心三座19 樓                 
                  電話(熱線)：　2511 8211                 
圖文傳真：　2511 8142                 
〔本單張只供一般參考之用，內容或有未詳盡之處。讀者如果想得知條例的詳細內容，可以參閱《家庭崗位歧視條例》的條文。〕

ceciwong2008

原帖由 MC1128 於 15-04-21 發表
本帖最後由 MC1128 於 15-4-21 16:48 編輯

小女學校,記得五六年級時,音樂科有要求欣賞音樂會,計分的,但 ...

其實唔係規定睇邊個音樂會，我完全無問題，咪放假去囉，但依家係強迫去睇佢哋果d.

我知有好多小學都會要求家長帶子女去音樂會，同時係會計落考試分，情形就等同你囡囡學校；但農圃道官立小學真係好差，好多時為咗迎合家長教師會活動，就強迫家長同學生一定要去，完全無理會家長及學生感受。

ceciwong2008

原帖由 ppmmbb 於 15-04-21 發表
唔知算不算！

今日都問咗平機會，佢哋話唔係

marcuscyrus

原帖由 ceciwong2008 於 15-04-21 發表
想問依家所有小學係唔係一定要去「家教會」辦嘅音樂會，唔去就自動放棄期考分10%, 真係為難在職家長，兩個 ...

可否同老師傾下以另一些在周末舉行的音樂會代替?我兒學校音樂都要求聽音樂會，但不會規定你聽咩，只要貼返票尾，答返啲簡單問題，如呢首歌快定慢，最鍾意邊首等，有時我地都是用免費音樂會來做

ceciwong2008

原帖由 marcuscyrus 於 15-04-21 發表
可否同老師傾下以另一些在周末舉行的音樂會代替?我兒學校音樂都要求聽音樂會，但不會規定你聽咩，只要貼返 ...

老師只係話一定要去

little_yolky

ceciwong2008 發表於 15-4-21 16:30
其實我已經無參加任何學校嘅課外活動，因學校嘅課外活動全部係由家長教師會攪，佢揾果d老師係會貴過自己出 ...

小學可唔可以咁做, 你真係唯有問下教育局而已。但我哋教育局廢廢哋, 你哋學校又咁唔considerate, 你真係有排捱。

同樓上咁講, 我哋都有視藝科要睇展覽, 然後做工作紙, 但俾好長時間, 同埋睇乜展覽都得, 唔會要人一定要睇某一個。BTW, 有一個重點, 請問學校要去既音樂會家長駛唔駛俾錢? 呢個好重要。


我都係跨區上學, 星期六的課外活動無得上, 我都好難過, 因為有阿囡鐘意既中國舞。平時我哋學校又好好喎, 課外活動定响一三五下午上堂時間, D活動雖然唔算多, 但平過出面, 尤其學樂器, 平過外面單對單。只要唔參加童軍/基督少年軍, 就可以唔駛留校, 準時坐校車走。

ppmmbb

ceciwong2008 發表於 15-4-21 17:00
今日都問咗平機會，佢哋話唔係

向教局反映，cc「Apple」可能幫到你！

Yanamami

ceciwong2008 發表於 15-4-21 16:57
其實唔係規定睇邊個音樂會，我完全無問題，咪放假去囉，但依家係強迫去睇佢哋果d.

我知有好多小學都會要求 ...

好似之前HKU話要学生必須番大陸交流禁小五六就話怕呈分，小—就真係去唔到都當蝕d分俾佢算｡

little_yolky

Yanamami 發表於 15-4-21 17:08
好似之前HKU話要学生必須番大陸交流禁

副校道咗歉了。

Yanamami

little_yolky 發表於 15-4-21 17:10
副校道咗歉了。

呢句話根本就唔应該出街！明知实引起公忿｡未俾人鬧过禁~

hkpapa852

Yanamami 發表於 15-4-21 17:08
好似之前HKU話要学生必須番大陸交流禁小五六就話怕呈分，小—就真係去唔到都當蝕d分俾佢算｡ ...

小一成績雖胨唔係太緊要, 但萬一俾學校blacklist咗, 以後俾分手緊D, 甚至永不納入精英班..... 咁就大鑊了!

唯有出絕招: 請病假!

Yanamami

ppmmbb 發表於 15-4-21 17:04
向教局反映，cc「Apple」可能幫到你！

Post 上FB就夠了，—傳十，十傳百……

little_yolky

Yanamami 發表於 15-4-21 17:14
呢句話根本就唔应該出街！明知实引起公忿｡未俾人鬧过禁~

有D人係身痕想俾人鬧。樓主校長 / 家教會都應該鬧吓, 安排成咁。真係請唔到假, 就無端端無咗10分。

HMmummy

今時今曰，仲有校長、老師用昵個恩維，官逼民反！

Yanamami

hkpapa852 發表於 15-4-21 17:17
小一成績雖胨唔係太緊要, 但萬一俾學校blacklist咗, 以後俾分手緊D, 甚至永不納入精英班..... 咁就大鑊了!
...

絶对唔可以教坏細路：滥用病假係任何情况都唔应該。