經驗分享，給來年想考港同的人

oh_really

或許而家唔係best timing 出呢個post，但我趁仲記得就寫低，俾來年有心考港同的人參考吓。我女今年考，幸運地第一輪收咗佢，今年９月會去讀S1。

首先講申請流程：
－　12月初會有Admission Seminars & open classrooms，留意報名日期(大約11月中)，名額好快滿的。報名後即收到email 有 registration number，一星期左右會收到Confirmation email。

－　S1申請表可經網上或親身遞交，網上交的可在截止之前隨時更改資料，比較方便。

－　1st in 是全見，今年大約1500人，1月初收到email 通知，一個星期六見哂所有學生。

－　2nd in 是隨後的星期六，我女當時係1月12日first in，1月16日收email 通知1月19日　2nd in。大約在1st in 中揀一半人，即700幾人有2nd in。

－　3rd in 分三輪，第一輪是緊接的星期日，隨後兩輪是之後的兩個星期六。第一輪是校方認為最適合的學生，我女當時大約80人。之後第二、三輪每次大約再見200人，3rd in 名單要自己上網check，無email 的。每輪見完三、四日內就　offer，要一個星期內回覆，三輪總共收校外生70至80人。
（資料如有錯漏，歡迎補充。）

oh_really

再講報名表&面試模式：
－　報名表除咗個人基本資料，另外要填5項學習經歷、考生寫一篇不多於350字解釋為何報讀港同、家長寫一篇不多於350字簡述子女個性、強項等，兩篇都是中英皆可。另需附件包括身份證明、成績表、證書等等。

－　1st in 人山人海，排隊分批去見，家長在樓下等。阿女話上到班房先填寫名牌，然後分別見中、英文老師。中文抽一篇短文用普通話朗讀，然後回答相關問題。英文抽三張字卡，然後回答相關問題。

－　2nd in 四人一组，在限定時間內做一個簡單任務，例如疊紙杯，一間房有兩組人同時進行。2nd in 時，校長同高層團隊會向家長講解學校課程同教學理念。如果冇去admission seminar都唔緊要，因為2nd in 嗰日都有機會了解學校同問問題。

－　3rd in 由校長、副校或助理校長其中一位加一位老師，先見考生，然後再叫家長一起見。


我女讀傳統學校成績ok，但不是最top，也沒有什麼特異功能。如果大家有興趣知如何準備考港同 & 阿女在面試中如何突圉，我稍後可以再分享。

王家爸爸

oh_really 發表於 19-6-25 14:13
再講報名表&面試模：
－　報名表除咗個人基本資料，另外要填5項學習經歷、考生寫一篇不多於350字解釋為何報 ...

最終有無讀？

fionaytwong

恭喜晒，亦好多謝你分享

oh_really

王家爸爸 發表於 19-6-25 14:40
最終有無讀？

會呀，期待中。

retriever

oh_really 發表於 19-6-25 14:13
再講報名表&面試模：
－　報名表除咗個人基本資料，另外要填5項學習經歷、考生寫一篇不多於350字解釋為何報 ...

恭喜哂！

kittyBB2018

oh_really 發表於 19-6-25 14:13
再講報名表&面試模式：
－　報名表除咗個人基本資料，另外要填5項學習經歷、考生寫一篇不多於350字解釋為何 ...

等分享。

Step_C

回覆 oh_really 的帖子

等分享!

chkwu

恭喜

oh_really

謝謝各位的祝福！

wsxfr

恭喜樓主阿女一定叻叻，我們全家都心儀港同，無奈見完三次沒下文，放榜之後會再去叩門

Charlotte_mom

oh_really 發表於 19-6-25 18:52
謝謝各位的祝福！

希望你女讀得開心

Charlotte_mom

補充一句，其實仲有第四輪面試，見獎學金。但有家長分享，就算有份見獎學金，最後都無offer的

oh_really

wsxfr 發表於 19-6-25 19:07
恭喜樓主阿女一定叻叻，我們全家都心儀港同，無奈見完三次沒下文，放榜之後會再去叩門
...

加油！希望你成功！

oh_really

Charlotte_mom 發表於 19-6-25 19:08
希望你女讀得開心

多謝！你講出我心願！

oh_really

Charlotte_mom 發表於 19-6-25 19:09
補充一句，其實仲有第四輪面試，見獎學金。但有家長分享，就算有份見獎學金，最後都無offer的
...

我知前年有個case，係1st in 後收到電話，邀請喺2nd in 嗰日同家長一齊見埋獎學金，之後都要3rd in，跟著就正式收到offer & 獎學金。

chun_mum

請問報名表內須填寫5項學習經歷，何否講下你女點寫這5項經歷？

oh_really

chun_mum 發表於 19-6-25 23:15
請問報名表內須填寫5項學習經歷，何否講下你女點寫這5項經歷？

畫畫丶STEM丶ballet 丶piano丶義工（賣旗），前兩項有獎，都唔係D咩勁嘢

oh_really

同與其他直資相似，港同主要睇四、五年級成績表及課外活動，評分包括學術40%、非學術成就(包括公益服務)15%、面試40%、兄弟姊妹就讀港同5%。

學術方面，相信港同根據以往經驗，都知各間學校的大致水平，不是單睇成績表上有幾多A決定。我女成績唔錯，但由於90分先A，所以成績表都好多B嘅。如果係Band 1，其實已經ok，港同亦唔會等教育局呈一加呈二的排名，1月已經開始出offer。
非學術方面，我覺得有一項強項再加其他課外exposure 已經好好，唔一定要好精好叻。

bluesky1314

恭喜