荃灣幼稚園,希望各位比比意見同分享

ptrade

HI各位,BB 14年12月出世.唸住做大B. 所以依家先開始留意幼稚園.唸住比佢讀N班.即係下年17/18年度返N班.
想問下大家荃灣區有邊間幼稚園好?N班同K1既都想知道.睇左好多文但因為資料太多..所以想請教大家.
見比較多人講既有
JOYFUL,荃浸,荃灣聖母,荃灣領教,救世軍.綠楊,聖文嘉,慧中~

有冇讀緊呢幾間既媽媽可以分享下?
萬分感激~

Hailey2015

F

maxifoxy

你講既都各有捧場客，你可以去下open day, 報左先。人地收先決定讀邊間吧。

睇下你想入學券校定私校，學校離家路程，學校環境，第日target 咩小學…慢慢諗～

ptrade

我就係心大心細，好多野唸。

chingman313

我都住荃灣，諗緊

SCK824

原帖由 chingman313 於 16-02-23 發表
我都住荃灣，諗緊

方方校舍最好，不過好貴，同神秘，自理一般，不過學習環境好

maxifoxy

你想谷定happy school? 著重中文定英文？要學普通話嗎？要諗清楚。報左先，有offer 先諗啦

ptrade

回覆 SCK824 的帖子

太貴喇方方~

likeVo

考咗先唸...小朋友去到考, 有時會sleepy扭吓計, 有時會堅唔like間學校, 去吓先, 3月5日方方OPENDAY.

tsang_sandy33

方方K1寫字, K2每星期中+英文默生字, K2下學期開始, 每星期交圖書讀後感, K2學緊加數/Phonic, 如果想 FREE 啲, 方方就唔會係你杯茶... 但無可否認, 我覺得小朋友英文比我自己想像好好多.

kippykippy

tsang_sandy33 發表於 16-2-26 11:14
方方K1寫字, K2每星期中+英文默生字, K2下學期開始, 每星期交圖書讀後感, K2學緊加數/Phonic, 如果想 FREE  ...

請問小朋友係咪讀緊方方? 我想知佢師生比例, 同有冇室外活動空間? 佢D學費真係貴咗少少。

tsang_sandy33

kippykippy 發表於 16-3-1 15:17
請問小朋友係咪讀緊方方? 我想知佢師生比例, 同有冇室外活動空間? 佢D學費真係貴咗少少。
...

Yes ar. 我小朋友班有14人, 聽仔仔講, 通常都係兩個老師. 無室外地方... 我小朋友日日都話玩INSIDE PLAYGROUND. 只可以講方方一定唔係乜HAPPY SCHOOL, 因為寫字, 默書都多(我覺得), 但我小朋友都好鐘意學校, 好鐘意班主任. 學校學PHONIC, 我覺得佢學得幾好, 如果嗰D reader level 1 or 2, 佢可以自己讀到, 但應該唔係好明. 比我預期英文好. 佢好唔LIKE寫字/溫書, 但無覺佢唔LIKE學校; 有時老師有貼紙/糖, 佢好HAPPY.
學費貴...其他仲貴都有, 始終唔係學卷. 但我而家會方方係近小學啲做法, 即係佢K2已經個個星期溫默書, 都係嗰句, 想小朋友玩多幾年, 就唔係入方方喇.

kippykippy

tsang_sandy33 發表於 16-3-1 16:54
Yes ar. 我小朋友班有14人, 聽仔仔講, 通常都係兩個老師. 無室外地方... 我小朋友日日都話玩INSIDE PLAYGRO ...

14個小朋友2個老師又幾好。讀緊K2嗎? 係咪NET教PHONIC ? 有冇普通話? 唔好意思問咁多野。

tsang_sandy33

kippykippy 發表於 16-3-2 10:51
14個小朋友2個老師又幾好。讀緊K2嗎? 係咪NET教PHONIC ? 有冇普通話? 唔好意思問咁多野。 ...

K2... 方方NET, 都係黑皮膚人多喎, 多數唔係金頭髮的...有普通話堂, 基本我覺得小朋友聽到, 但佢係屋企唔肯講, 亦都唔比其他人講, 有時我無啦啦講吓, 佢會知我叫佢做乜, 但好快佢發現咗就要我轉返channel.
星期六(5th Mar 2016 14:00-17:00) OPENDAY, 可以去看看, 見吓D "NET".

(純分享吓: 我仔仔超細仔, 11年12月尾, 因為唔想跟龍年, 所以跟返11免年, 第一次IN學校時未夠1歲, 當年報咗8間, 只有4間有得IN, 方方及YORK 收, 但YORK 話無校車要我自己接送, 跟本無可能! 所以入咗方方, 方方N班已經寫線, K1已寫字, K2已默字... 好彩仔仔OK, LIKE學校, 所以都照讀, 有D同學仔K2上學期都轉咗校... 呢間一定唔係輕鬆學校. 所以有時考咗先唸讀邊間啦, 有時都係咁啱遇上又夾到先得..)

tsang_sandy33

見你有個LIST, 都講吓我當年有去既:

方方 - 10個月IN, 老師比玩具佢玩吓, 未試回答任何嘢, 係openarea一大班小朋右圍住唱歌仔, 比啲道具攞住,有坐係度搖吓身, 但唔肯攞道具...最後 讀咗.

JOYFUL- 有去睇openday, 但佢係英+普, 完全無粵語, 我唔like, 無考到.

荃浸- 有去聽TALK, 好似好HAPPY, 小朋友表演好好, 無怯場... 但見表演全部都係唱聖詩, 我唔like, 無考到.

荃灣聖母 - (無資料)
荃灣領教 - (無資料)
救世軍 - (無資料)

綠楊 - 去咗考, 家長&小朋友入課室, 但家長坐一邊, 小朋友自己出去枱仔玩完具,老師係課室睇小朋友,  我仔仔當時唔肯出去, 仲開始喊...最後唔收.

KM (九龍塘) - 入到去係inside playground 玩一陣先入課室, 入課室老師都係比玩具佢玩吓, 問吓佢顏色/動物, 但我記得仔仔當時好似好怕嗰個老師咁, 不斷想走&唔望老師, 要我講佢先做, 最後我叫佢推好chair 走, 佢好快手推好就拖我走... 最後waiting 亦無下文.

YORK (九龍塘) - 入去先到大禮堂圍大圈唱歌仔, 小朋友前排, 家長後排, 有玩吓"look" 波, 記得堂時有隻真RABBIT 比小朋友排隊出去摸吓! 之後去課室A, 一齊聽流程 & 要選2組提目 : 顏色/ 身體/ 交通工具 / 動物/水果 ... (太約呢啲, 唔係好記得喇), 等叫名出去. 之後再去課室B, 家長要填文卷, 如平時去邊到玩, 平日邊個帶小朋友咁; 而小朋友可以玩吓課室入面啲玩具先. 等咗一陣會一齊見老師, 老師比啲玩具考吓已選既提目... 最後散場可以去操場攞 popcorn !

kippykippy

tsang_sandy33 發表於 16-3-2 11:26
K2... 方方NET, 都係黑皮膚人多喎, 多數唔係金頭髮的...有普通話堂, 基本我覺得小朋友聽到, 但佢係屋企唔肯 ...

好的, 謝謝。咁我去OPENDAY 睇下。

QABABY

原帖由 ptrade 於 16-02-18 發表
HI各位,BB 14年12月出世.唸住做大B. 所以依家先開始留意幼稚園.唸住比佢讀N班.即係下年17/18年度返N班.
想 ...

swindon 今年派小學

QABABY

原帖由 ptrade 於 16-02-18 發表
HI各位,BB 14年12月出世.唸住做大B. 所以依家先開始留意幼稚園.唸住比佢讀N班.即係下年17/18年度返N班.
想 ...

你想要學術， 派直資私小定money concern先

ptrade

tsang_sandy33 發表於 16-2-26 11:14
方方K1寫字, K2每星期中+英文默生字, K2下學期開始, 每星期交圖書讀後感, K2學緊加數/Phonic, 如果想 FREE  ...

如果咁,我覺得方方都太谷喇~

ptrade

tsang_sandy33 發表於 16-3-2 12:01
見你有個LIST, 都講吓我當年有去既:

方方 - 10個月IN, 老師比玩具佢玩吓, 未試回答任何嘢, 係openarea一大 ...

JOYFUL完全冇廣東話? 咁你覺得JOYFUL係咪HAPPY SCHOOL 呀?因為我都有唸過JOYFUL~


荃浸冇N班,所以會遲D先唸~
綠楊我都聽人講幾好嫁..不過又係好似超谷...