請教孩子幾年班不用跟功課、默書、測考？

oooray

這不叫放手，叫放棄。誇張說句，自毁。

loveDD

我的意見是，遲早要放手！

你們一家的事亦是很多香港家庭發生的事一樣。正所謂知易行難，但如果唔襯小二放手，到了高年級，繫涉派位時更加難放。另外你咁做亦好容易令到小朋友倚賴，久而久之，他便會把自己的過失說成為家長的失職，香港地大把這種例子，所以試下放手，讓小朋友承擔他可承擔的錯和責任。

Yanamami

我从不跟功課、默書(P1开始，現已P6)。考試佢自己温，我会check佢係咪真係識~不过我个係女，女孩子成熟d, 自己有方向目標d, 男仔可能麻煩少少｡
中文字錯漏百出，你覚得係态度唔好求其、唔小心、定有讀寫问題？要知点解会禁先得，一直鬥獸困都改善唔到问題~

loveDD

Sorry，講漏左，對於考試，家長適當的跟進和幫忙是應該的。但功課，要他學識主動去求助。

oooray

原帖由 loveDD 於 15-11-18 發表
我的意見是，遲早要放手！

你們一家的事亦是很多香港家庭發生的事一樣。正所謂知易行難，但如果唔襯小二 ...

我不否定放手的重要性，但前題是孩子能有正面學習動機。但見樓主孩子學習態度有惡化跡象，有必要主動介入先導回正軌。或者樓主應退一步以宏觀角度提供指引改善學習態度，避免微觀地對抗每一個錯誤引至竭斯底里式爆發。

kp_sin2001

我都係雙識, 亦係我全權負責所有, 重要係仔, 成績中上左右, 我可以肯定話你聽, 錯漏你如何吵鬧, 問題係會依舊出現, 只會等待小孩成長, 情況才能改善, 我仔現小四, 問題已改善了9成, 至於功課和黙書, 小二我已開始放手, 現在已不用再看, 但仍然要時刻提甦, 但中間過程你必須要有心理準備驚嚇場面, 至於考試, 暫未能夠全放手, 因為小四有重大學習改變, 成績雖跌了, 但學習己比以前積極了, 我已感滿足, 我經驗話我聽, 小一至小三, 必須要學習自行處理讀書習慣和功課, 否則過份依賴, 但亦不能全放手, 應該用輔助態度教導, 成績亦不用過份著緊, 因為上到高小先真正開始

little_yolky

ailimama 發表於 15-11-18 10:17
我兒現7歲讀小二，我們是雙職父母，升小後功課、默書、測考都是我主力跟進的。 因為我們要上班，故升小後已 ...

我的也是女兒, 小一開始已不用跟了, 即5歲9個月吧, 不過她很自律就是了。
要看情況啊, 但我都不會跟功課, 很多時候, 看到她錯都故意不告訴她, 讓老師知道她是不懂的。功課、溫習她會主動做, 但不懂亦會主動問我。小女兒今年小一就比較惡夢, 她較心散, 但也會主動做功課, 只是樣樣做一半, 然後說不懂。不懂的我會教返, 至於錯漏、執書包也是沒理她啊, 給她一些自己的責任, 一些事情就可以媽媽幫。前幾天, 她說我忘了幫她帶枱墊, 害她沒得用, 被我駡了一頓狗血淋頭, 因為我從來不會幫她準備這些, 那是她自己的責任。

男孩子我不會教, 如果學校程度會適, 就只好慢慢來吧, 但也不可以突然一下子什麼也不理啊, 功課那些可以不理, 但也可以等他睡了看看他到底那些不明白, weekend再幫他補一補吧。爸爸可能是不想天天家嘈屋閉, 想他有男子氣慨, 自己的事自己負擔。你吵鬧完, 結果依舊, 仔仔仍然態度hea, 表示吵鬧唔work, 只好另用他法了。

Yanamami

ailimama 發表於 15-11-18 10:52
請教你怎樣知道她識唔識呢？不跟她温習的意思是否完全放手，連讀默批改這部分也由小孩自行處理呢



  ...

佢温完我会出題目或用補充練习(要揀过同学校題目形式相若或深—級的)，一做就知应唔識~功課佢自己做，真係好唔掂会问我~默書全自己温(小—時曾幫佢pre默一下)，連默d乜我都唔知……我諗大前題係改善佢个态度先，而唔係点做、同唔同佢溫。只要佢知讀書係佢責任、份內事，要認真同向自己交待，根本就会自动波做妈，唔洗催唔洗谷唔洗check~

little_yolky

ailimama 發表於 15-11-18 10:52
請教你怎樣知道她識唔識呢？不跟她温習的意思是否完全放手，連讀默批改這部分也由小孩自行處理呢



  ...

看功課就知道識唔識了, 錯什麼就表示不小心或唔識。我大女兒時係完全不用管測考默的, 到現在小三也不用跟。

Yanamami

ailimama 發表於 15-11-18 11:03
謝謝你寶貴經驗的分享，請問你仔初小時你已沒有跟他檢查功課錯漏嗎？明明見到他的功課錯漏不出，錯別字嚴重 ...

正常錯漏—定有，但改正後应無问題~如果情况厳重，錯漏百出、錯完又錯，完全唔知發生乜事，如我上边提过，或者要正視一下係咪有讀寫问題~Check左但求安心，無问題最好，有亦可盡早俾佢適當既幫助~

kp_sin2001

回覆 ailimama 的帖子

當然不會, 但如不錯得太誇張, 我會選擇又佢, 如太誇張, 我會叫他自行看一次, 睇吓揾唔揾到錯處, 如揾不到, 我會比TIPS, 但不能太惡, 如需我比TIPS, 你就要罸寫多3次左右咁..久而久之, 小孩係會懂找錯處的..你先生既態度過份消極, 而你態度又過份緊張, 兩個既中間就最好了

loveDD

好家長都提供了很多很有用的意見。

如果是錯了又錯，我會讓他在面前寫一次個字，了解下係心理因素(唔專心)定係身理因素(例如斜視)，前者當然要罰，後者要搵方法根治。

wan_sosin

對男仔要有耐性少少，接受佢哋錯漏，幫下佢哋，我仔小一都有錯完又錯，而家小二稍為好少少，我有觀察原因，係因為佢將錯字入咗腦，正確個字取代不到個舊記憶，所以首先，我反而睇實佢，見佢錯即教返佢正確個字，避免佢將錯字記實咗之後先知道係錯，所以唔會等功課派返來才改，因為功課隨時兩三日後才派，佢個錯字留係個腦兩三日，其實呢個同佢記性唔錯有關，記性好但又唔小心做成。
當然每個小朋友有佢嘅需要，只係我想講，唔係放手就一定解決問題，同意上面有家長講，小朋友需要輔助，其實小二7歲左右，仲好細個，點會唔錯唔洗教！
如佢態度唔好，可以關心佢是否佢對返學，學習有些負面想法，搵出原因去開導。