邊到可以比家長學phonics?

sabina712

小朋友岩岩k1,學校用jolly phonics,但我未學過,有時教佢讀都怕自己錯左個音,布d咩地方or 網上可以學??

爸爸愛您

Letter_lalaland

個人經驗： 用圖像去記容易好多，大人自己買教材學，
總好過俾千幾二幾，甚至乎用咗四千幾五千蚊晒多幾個月都唔知自己學緊啲乜嘢，
人哋話學晒A-Z 短音 + AEIOU 長音 就 OK，夠用，
點知上完堂先發現自己連K1最簡單嘅字都拼唔出。

建議用 Letterland 教材, 特別係圖卡， 兩款都有需要用到（經常），
怕唔識讀有DVD 買；好幾年前三樣買齊千四左右， 舊版
我已經好耐冇上 ETC (Letterland 香港的總代理，Google好易搵到）
，我唔知而家要幾多錢，建議你直接打電話去問

我有買其他Letterland教材，重有Jolly 同本地/海外其他出版社有關拼音的書/教材，
不過今次題目係家長自學，呢三樣夠用。

如果你一定要用Jolly，可以去問WiseKids,
但唔好祈望玩具店嘅職員可以同你分析你嘅學習需要，然後按需要介紹你要買乜。

上完堂先發現自己連K1最簡單嘅字都拼唔出
例子： One  <-- O 有超過5個音
            Two  <---- o 又同上面哦個唔同音
            Three <--- 呢個 係用 th 拼， 唔係用 t 拼，但都有2 個唔同拼音        
             Eight <----- 呢個更加係個 e 完全唔係平時哦回事，i 唔出聲，連 gh 都唔出聲

             Apple <-- le 一齊拼
             Orange  <-- 當g 同 e 一齊又另有一個音
              Moon <--- 今次係oo
               Book <---- 呢個oo 同上面哦個又唔同

               Head <----- 呢個ea 同平時ea 唔同
                Knee <--- 呢個 K 係唔出聲

不過基本上K3 幼稚園生係有能力，能夠掌握到以上看似煩複嘅東東，如果學校有推開Letterland 的話 ，但除咗 th, oo 同 or  喺K3 有教 （教育出版社 Book 5），基本上 其他係 哦啲上到小學都唔教，
除非你嘅小朋友用 My Pals, 我見本6A 有教silent letter, 或者你小朋友學校有用開 紅書，綠書，橙書 （英國教材），咁你早少少買直接用呢學拼音都得。 幾年前，有見過有本中一嘅香港教材有相關的練習，但書局已經搵唔到

所以你會發現小朋友去外面上興趣班上咗12 堂，話學咗A-Z 嘅拼音，都拼唔到學校默書嘅字，
原因係根本大部分老師都唔知道個字要點拆同點樣教，冇教又點拼，唔識拼就死背，但都會記得頭同尾。


小朋友喜歡聽故事，重複、重複再重複，
Letterland 提供咗人物同小小背景俾你同小朋友一齊創作故事，背生字可以變得有趣味。

我自己哦套以前日日用咁濟，大部分英文字基本上可以用Letterland 圖卡講故事，
不過英文的 外借字  好多時都要解釋返俾小朋友聽，今次呢阿邊個邊個做緊乜嘢嘅時候就遇到佢住係外國返黎嘅表哥表姐，所以發音同平時唔同咗。

要記得學語文，包括英文係要多聽、多讀、多講，  唔係多拼，拼有幫助，但要多聽！

學中文都係聽故事，反覆咁聽，爸媽伴讀，小朋友唸口黃、慢慢認得個字形

Letterland 同 Jolly 都係好嘅工具，我用Jolly 先，但之後我覺得Letterland 對我本人比較輕鬆易記易教
Jolly 有的書都好用，但站在家長立場，冇必要令自己咁辛苦同緊張。

註： 我係用家，冇幫人補習 （請唔好pm問介紹，您可以自行上官方網站找你所需既資料）
，         我亦唔係ETC員工冇利益關係

cctung

回覆 Letter_lalaland 的帖子

Thank you for your sharing.
根據你的經驗, 一套Letterland教材已可以教你如何拆字? 又可以令用家知道點拼讀?

Letter_lalaland

回覆 cctung 的帖子

拆字要用字典，唔錯得，否則誤人子弟。

Letterland 嘅教材係一套好好嘅工具，
提供咗基本故事元素，令學習更加有趣味、容易上手。
用得好唔好要睇經驗、耐性、對像


成人自學，想知道點拆字拼，
先利用 圖卡 溫習 卡上列出嘅簡單生字
用Letterland 嘅DVD ，確認圖卡特定嘅讀音， <----- jolly 同 Letterland 都來自英國，腔調相近
再利用一般高階字典送既光諜， 對比相關嘅 音標<---- 整個字拆解同讀音


要講一個好嘅故事則靠你做爸媽百般智慧加愛心同耐性。
順便提提各位，如果學校英文默書係本地老師操刀，
你既拼音教得太凖的話，返到學校，小朋友有機會唔識拼返出嚟。
試過全班唔識拼個字，原來班主任嘅讀音同我之前教嘅完全地唔同，
當然班上醒哦幾個又有温書嘅,都大概知道要寫返邊個字出嚟，
但其他哦啲我要自己讀一次俾佢哋聽先至拼到。

輕鬆啲，有需要時要提醒小朋友本地化的差別。


同一木材+工具比唔同嘅工匠，成品可以相差甚遠。

http://www.cp1897.com.hk/product_info.php?BookId=9780193966345

http://www.letterland.com/distributors/hong-kong
http://www.letterland.com/phonics-books/Picture-Code-Cards-straight
http://www.letterland.com/phonics-books/Advanced-Picture-Code-Cards


http://www.wisekidstoys.com/taxonomy/term/brand/74

Letter_lalaland

回覆 cctung 的帖子

其實大人學拼音，方法同小朋友唔同；
大人有其他學習經驗去支緩自己，可以有更多素材去聯繫去加深記憶。

如果你係一個極度理性，極喜歡數、理、化既人，
商務嘅拼音教材可能會更加合適

Letterland 嘅自由度，比較適合兒童同喜歡聽/講故事嘅大人
所以挑選合適教材要因人而異 ： -）

ppmmbb

Letter_lalaland 發表於 14-10-16 01:56
個人經驗： 用圖像去記容易好多，大人自己買教材學，
總好過俾千幾二幾，甚至乎用咗四千幾五千蚊晒多幾個月 ...

謝謝你的經驗分享。

唔知Oxford RWI好不好呢？

Letter_lalaland

回覆 ppmmbb 的帖子

RWI 我以前個人有 7套書，諗住上堂分組用，但以前間學校嘅小朋友需要自由度高、靈活嘅教材，
所以學校上堂就轉咗用本地另一間出版社教材 + Letterland
RWI 啲書就當故事書送晒出去



RWI 啱 大個小小 嘅小朋友，
小學生較合適 （尤其睇外國卡通片/故事書嘅）
文化差異會影響小朋友享受閱讀故事的樂趣，
老師就要另外多費脣舌解釋課文有乜咁攪笑


Letterland 就喺一個大綱 (特定拼音組合）底下自己創作，小朋友自己話事
如果創作係苦差的話，可以考慮 floppy phonics,  可配合reading tree.不過價格比本地出版社貴同程度較深，所以冇推薦俾學校。

Letter_lalaland

回覆 ppmmbb 的帖子



其實我好耐冇覆關於教材嘅帖，近期多數去特殊教育/自閉寶寶/過動寶寶，
所以教材方面嘅資訊落後咗成1-2 年
咁我上咗去太古城，就見到原來 RWI 都有光碟，
不過真係只適合成人， 雖然有口形，但係使用唔方便


Oxford reading tree 隻光碟就有系統啲，有2隻碟要分開買，
買咗碟可以唔買書，成人自學比較方便


Letterland 隻光諜太過吸引人，成人自學冇問題，
但都建議買哦2 套卡，自己溫習，教小朋友都容易好多


溫馨提示：Letterland 隻光碟我唔建議俾小朋友自己一個人用，會上癮停唔到，
                 而且我本人係反對小朋友近距離對住部電腦、ipad 、手機 超過10 分鐘，
                 光線太強，大部分家長亦唔會容許小朋友咁近睇電視，怕損害視覺


所以你要自己睇吓邊樣合適你嘅需要再作決定

ppmmbb

原帖由 Letter_lalaland 於 14-10-18 發表
本帖最後由 Letter_lalaland 於 14-10-18 11:40 編輯

回覆 ppmmbb 的帖子

Thanks.

cctung

回覆 Letter_lalaland 的帖子

多謝你的分析！

Letter_lalaland

cctung 發表於 14-10-16 02:28
回覆 Letter_lalaland 的帖子

Thank you for your sharing.
根據你的經驗, 一套Letterland教材已可以教你如何拆字? 又可以令用家知道點拼讀?

多謝你嘅提點 ： -）
在分享嘅時候，關於實務運作嘅細節有時會有所遺漏。

在預備教學同教材嘅過程其實超過幾年嘅時間去掌握不同嘅學習需要，
但當找到一套合適自己嘅教學工具及特定使用對像時，
卻又理所當然地以為會適合其他人使用，是我太大意了。

你的提問就如一記當頭棒喝，
提醒我不單要顧及學生的需要，
更要考慮使用者（教師/家長）能否運用得心應手。

每一套教材有佢嘅優點同缺點，運用得宜，自然得心應手；
否則的話則勉強冇幸福，事倍功半，大家辛苦。
中國人有一句說話： 知己知彼，百戰百勝；
工欲善其事, 必先利其器 ；
要教小朋友，不單要有好嘅教材，老師同家長更加要預備充足
無論你選用任何一款教材，一本好既詞典實屬必須之好拍擋。

sabina712

多謝大家提議

cctung

回覆 Letter_lalaland 的帖子

仲想請敎一下，你提及建議買Letterland 兩套卡，方便自己溫習，教小朋友都容易好多。 請問是那兩套才對？我在catalogue 上找到很多卡呢？


多謝指敎。