讀有一條龍中學的小學的無奈

mllau

如果想直升一條龍中學，當然冇問題但如果唔想直升，就有太多的無奈，
有冇邊位今年或以前有過這經歷？

Candy925

今年過來人。
你呢？

PINKAVA

怎無奈？

Yanamami

但當初揀呢類学校时，唔係諗住一入去就讀到中学畢業咩？

mllau

Candy925 發表於 14-7-19 08:38
今年過來人。
你呢？

是，咁你有冇呢D感覺？

mllau

Yanamami 發表於 14-7-19 09:41
但當初揀呢類学校时，唔係諗住一入去就讀到中学畢業咩？

間小學係幾好，但中學就麻麻，band2c的，又見過D學生講粗囗，仲係女仔，亦唔止一次，
真係唔係好想讀。

mllau

PIKAVA 發表於 14-7-19 09:25
怎無奈？

選校前，冇升中資訊，班主任冇講一句小朋友咩banding,冇比任何意見，有2-3次升中講座，只是個中學校長嚟
hard sell,hard sell,再hard sell佢間中學。

mllau

opclk 發表於 14-7-19 10:17
回覆 Yanamami 的帖子

骑牛揾馬的無奈？怎不吃肉糜的無奈？

恕我才疏學淺，唔係好明白。

HERMIA-WONG

每人也想高一線，一條龍或直屬衹是踏腳石，如果有更好中學也會嘗試，學校想留高質素學生，操行會手緊，考試分級數也有別，有些一條龍學校會八十分以上為A，自行及叩門會有難度，但對中遊學生也是好

mllau

IloveJ 發表 14-7-19 10:27
係咪成績中間，不是top到想去邊都得？但其他學校又覺得你已有自己中學，唔收你既無奈呢？



  ...

老師最後都肯話我知我仔是band 1c，我想出他區升中學，
但現在派得不理想，叩同區的一間band1c,有得in,仲話如果
揀佢首志願，應該收咗，現在位少，要睇吓叩門的邊個最叻。
但最終都冇通知。

mllau

HERMIA-WONG 發表於 14-7-19 11:02
每人也想高一線，一條龍或直屬衹是踏腳石，如果有更好中學也會嘗試，學校想留高素學生，操行會手緊，考試 ...

嘩！bingo 全中！！尤其我呢D頑皮嘅仔！去年十月，中學校長已游說學生簽張form去直升
中學，唔肯果D就逐個見，我仔都見佢幾次，
但我地都唔肯，我相信校長記在心裏。
由我入這間小學，是因為間學校好，唔係為咗有得直
升。而且我一心想我仔讀我的母校，而他一，二年級成
績很好，心想都有機會。

但現在派得不理想，仔又想有同學做伴，都好過banding 唔係高好多，又人生路不熟，便叩門這間一
條龍中學，都預咗比佢"串", 怎知連in都冇得in,同區間b1c都有in,咁明眼人
都知佢地............


其實我是冒住好大危險，我仲有個女讀緊，可能
以後妹妺D操行分，考試分會比得手緊，升上一條
龍中學比人ill treat,到時我一定會告訴大家

fatman69

以我認為，除了少數神級一條龍外，其他的都不值一試。最重要原因是師生都缺乏那一股升中的積極性和兢爭性，這影響到小朋友的成績及心態。相比經過統一派位的同學們，缺少了那份磨練及洗禮。

mllau

我現在完全明白，完全贊同，
但現在已後悔莫及了！
，

HERMIA-WONG

嘗試找別區b1中學

Charlotte_mom

我女又無呢個問題wor！學校有呈分，家長可選直升或派位，派位的話，90%放慢腳步，想派位的10%係咁2跑快d已經係band one。我相信最大影響家長想法，係學生banding（即以前pre s1考落成績）同有無呈分吧

Candy925

我個情況都係無奈，不過唔知同你嘅無奈同唔同。

我校中學未至於好top，水準都唔錯，今年都有狀元，不過課程改革中，作為家長睇唔通。

女想讀女校，如果佢鍾意男女，我就未必會外闖，如果直升當然有一班同學一齊開心d，但講真，好多家長都只打算讀1-3年，之後轉IS或出國，我哋擔心學習氣氛受影響，因不打算短期內送女出國，如直上，試考慮身邊同學每年少d每年少d，佢讀書心態相信都會受影響。既然打算留港讀書，何不選擇一所學校以及同學（大部份）都認真搏嘅學習氣氛？！雖然女成績唔係top，去其他學校未必就表示有競爭力或叻，起碼提供一個更適合佢嘅環境，日後成績如何是後話，反正求學係過程，成績唔係一切，就算成績唔好都有好多因素，唔代表乜都冇學到。

以上係決定放棄中學學位向外闖的主因。

至於在小學的支援，當然可說完全沒有，學校一早已講明，唔揀中學向外闖，如結果唔好，返來叩門，應該唔洗諗！呢類學校，可以想像唔鼓勵學生外闖，所以任可有關升中資訊，除咗教統局指定要發放嘅資料外，絕冇其他，好似banding，你唔會知自己細路屬band幾，適合咩學校，往年升中派位結果等等（每年總有少數學生外闖），完全冇嘢可作參考，感覺係孤軍作戰，事事靠估，直情好似自閉症咁；個女慘d，仲返緊學，大部份同學都揀直升，有同學老師會問佢，而佢又唔係最top嘅學生（即係個個都知你有資格出外考神校嗰d），佢都唔知點講好，有時都替佢為難，班主任同好多都師都知佢外闖，我哋冇考直資，全靠自行同派位，佢自面試到派位前都冇任何新消息，學校每逢有人問及升中，佢都唔知點講，好彩佢個性樂天，順利過渡。

仲有，呢一年，我兩公婆完全冇同個班主任交談過一句，佢（同學校）知呢個學生唔直升，從來冇人同我哋了解/溝通過。所以喺EK見咁多家長分享，大家學校又比咁多意見，真係好羨慕架，我哋只有憑EK資訊同自己分析，仲有個別家長分享意見，捱到放榜。就連自己FB都唔想提，因為學校大人細路朋友都多，又唔想咁高調表達外闖，個女仲要返學，真係幾難捱架。

好好彩，放榜日結果係自行第一志願，一家人都真正鬆了一口大氣！一定有人想知女成績如何，我哋冇得問冇比較所以唔知banding，只可以話級十五左右。本來想繼續低調，但睇到呢條題，好貼切，而且大局已定，所以有感而發，一次過寫咁長。亦希望同未來有相同處境嘅家長分享一下，呢場仗，我哋要做嘅準備工夫的確不能少，加油啦！

最後其實我想講，揀學校真係最緊要適合自己小朋友性格，女小學好啱佢，中學都應該啱佢性格。讀書真係唔係只有成績，路唔係只有一條。入唔到最鍾意嘅學校未必係損失，得著可能在後頭。希望大家有個開開心心嘅暑假！

AC117

我姪女兩年前情況跟你相似，學校迫直升放棄派位，但中學非常麻麻，又擔心唔簽又唔知派去邊，她成績操行ok, 到派位日叩門，跑了成十間，但結果都是只有兩間同band一條龍中學收，可能佢個區大多數人都會後悔，所以叩門唔難，但升呢出區好難。

serinac

原帖由 fatman69 於 14-07-19 發表
以我認為，除了少數神級一條龍外，其他的都不值一試。最重要原因是師生都缺乏那一股升中的積極性和兢爭性， ...

其實係咪所有一條龍直升都會有噉嘅情況 -》 缺少了那份磨練及洗禮，點解神級一條龍就冇所謂呢？