有無人好像我一樣完全無報私小或直資？

yuenedmund

得15分，只是自行報了最近屋企的小學，唔想小朋友返學和放學走太遠，太幸苦。見到D家長心情復習，食唔安，睡不着。真係有咁大壓力？定係要同人比較？

zoe929

我地都係15分，我本人只是怕攪珠萬一派唔到心儀學校，派到十幾打後志願，嗰時就人都顛！

LOVELY-BABE

原帖由 yuenedmund 於 13-10-22 發表
得15分，只是自行報了最近屋企的小學，唔想小朋友返學和放學走太遠，太幸苦。見到D家長心情復習，食唔安， ...

你絕對屬於理智，不隨波逐流的家長！

kenwong888

回復 yuenedmund 的帖子

Me too

kochiman2004

報一兩間作後備係咪好D，萬一派十幾志願，到時可能全後悔。

ac917

其實睇自己情況，我地又係15分，最近屋企嘅15分0機會，同區好多學校質素差好遠，如果想有選擇就必定係考直私呢條路

mookey

我上年考了20+直資及私立，無一間收，到大抽獎，都派了去我無選過，全區最差的小學，我當時都好驚，好嫎媓，我之後又到了20+不同區的津校，私校叩門，但到最後都能夠有3至4間不錯的小學收，無辦法，呢幾年實在太多小朋友考小學，而自己小朋友又怕羞，又細仔，面試始終會輸蝕啲，俾心機，到了最後階段，即出年8，9月，小學call人入學高峰期，會有好多人放棄學位的

reei

Five years ago, many ppl were allocated their first choice. My friend also did not apply private or DSS, but the schools in her net is quite good. The worst is also considered average in other area.

ac917

原帖由 mookey 於 13-10-22 發表
我上年考了20+直資及私立，無一間收，到大抽獎，都派了去我無選過，全區最差的小學，我當時都好驚，好嫎媓 ...

Wow...十分佩服你！而且相信雖然現當初你小朋友比人怕羞比人細，但有咁有毅力嘅父母，將來必定會更成功！

EMS

早幾年大果個小朋友只考過1間直資，不過唔收，點知大抽獎派到極差學校，好彩最後有好學校收，到細果個我就知掟報咗3間考。當你試過或身邊有朋友唔好嘅經歷，你就唔會咁老定只等抽獎。
考小學時經常同自己講抱住平常心，就壓力細啲囉

dorothywing

現代人喜歡自主，計分和大抽獎的結果又未必能如願，報直資和私小是大勢所趨！  
個人經驗:考了多間直資和私小，雖然都不成功，但有另類的得著……小朋友多了面試實戰經驗，社交和答題的技巧進步了不少，相信這對將來叩門會有很大幫助。

firefungwong1

都唔可以叫隨波逐流嘅。經濟負擔得起咪報來作後備囉。

Obiepapa

原帖由 yuenedmund 於 13-10-22 發表
得15分，只是自行報了最近屋企的小學，唔想小朋友返學和放學走太遠，太幸苦。見到D家長心情復習，食唔安， ...

支持！我們就是報左間走五分鐘路的小學。但都有報一兩間私校試下。

seamama

原帖由 firefungwong1 於 13-10-22 發表
都唔可以叫隨波逐流嘅。經濟負擔得起咪報來作後備囉。

同意。各人要求不同啫。

hohoho36

其實我都只為買個保險而報私小。如果大抽獎抽到心儀的小學就話。我心儀小學只係地區二線近屋企的小學，並非隨波逐流，但近年眼見身邊朋友真係派得差，我區仲要唔夠位，所以都比較擔心

Ling0426

yuenedmund 發表於 13-10-22 00:03
得15分，只是自行報了最近屋企的小學，唔想小朋友返學和放學走太遠，太幸苦。見到D家長心情復習，食唔安， ...

我去年就係只報津校大抽獎。其實最緊要知道自己想點, 我一早諗住讀津校, 方便細妹跟, 私校完全唔考慮, 直資都有考慮, 但我都係以近屋企為主, 小朋友無咁辛苦, 因為知道自己返屋企已經8點几, 小朋友唔可以早瞓.

好彩屋企附近的津校都唔錯,不過大抽獎都派到第10志願, 最後叩門入咗第2志願

所以我覺得唔好同人比較, 每個人的要求都唔同

hugger

我只報左一間直資...唔收. 不過都預左. 我本人覺得浪費太多時間坐車係對小朋友唔好,令願讀近,比小朋友多d休息時間.
除非父母自己楂車接送或搬屋. 如果唔係,每日坐車都冇左2小時或以上.
每所學校,津/私/直,都有goods and bad. 我有20分抽官校,希望入到.
大家唔好太大壓力. 加油加油!!!