學校估的banding準確嗎?

chechema

學校老師告知是band1, 我自己猜想屬band1尾. 老師說學校已預留保險位(Buffer), 而小兒是屬保險位外的band1, 請問跟學校banding 揀學校會唔會很危險?

cindychu

請問老師有無話你知校內名次？

chechema

回復 cindychu 的帖子

老師唔肯講, 只講在安全區的band1. 心知會在安全區的邊緣. 所以唔知學校分的安全區係唔係真正安全.

kls12

原帖由 chechema 於 13-04-26 發表
回復 cindychu 的帖子

老師唔肯講, 只講在安全區的band1. 心知會在安全區的邊緣. 所以唔知學校分的安全區 ...

有没有了解過老師做了幾多年派位工作？如果有足夠經驗，應該都要信吧

chechema

回復 kls12 的帖子

banding 是學校校長, 負責升中的老師共同估出來的, 不是個別班主任估. 我相信都有經驗的, 所以想問下各家長有沒有關於學校高估banding的個案.

fion6406

chechema 發表於 13-4-26 09:58
.....想問下各家長有沒有關於學校高估banding的個案.

見過，都幾嚇人....：

http://www.edu-kingdom.com/forum.php?mod=viewthread&tid=2140234&extra=&page=1

kcbeauty

我會信老師 8 9成, 因為我校老師見家長前已經同校長主任開過會, 問題你想唔想去駁!

cindychu

回復 fion6406 的帖子

佢無理由填哂咁多間band1, 我都係屬沙田區, 老師要我第六間開始要填band2

kls12

原帖由 fion6406 於 13-04-26 發表
見過，都幾嚇人....：

http://www.edu-kingdom.com/forum.php?mod=viewthread&tid=2140234&extra=&page=1

個例子都嚇人，個主任太有自信了。

cobilau

其實如係估錯的話,都通常估高左而唔係估低是嗎?

cindychu

chechema 發表於 13-4-26 09:41
回復 cindychu 的帖子

老師唔肯講, 只講在安全區的band1. 心知會在安全區的邊緣. 所以唔知學校分的安全區 ...

一般學校都唔會向學生透露名次, 這是正常的做法, 我囡囡間小學一向都係拉curve, 所以我心中有數
不如咁講: 係你無任何資料的大前提, 只能夠相信學校, 老師話係band1, 如果你有懷疑的話, 難道你會選擇band2嗎?
如果選擇咗band2, 因而入咗, 之後才發覺原來是band1學生, 咁真係後悔莫及, 所以你應該去相信學校, 再衡量選校方面, 保守啲就填咗b1C先, 再填b2

憫父

一間學校大概 1/3係 band 1，1/3 係 band 2， 1/3 係 band 3，因各間學校的程度有差別，教育局會用上年 (或前年) ps 1 (通常叫中一分班試) 來調整 (據知亦會參考各小學 TSA 的表現)。

因為 ps 1 的分數是不可以預計的 (所以有好多小學會為小六學生操練分班試的答題模式)，故此小學無法知悉 ps1 如何影響小學的 banding 分佈，故此小學不能準確知道本校各 banding 的 margin 位置，只能估計約數。

就算間小學估計自己上年既小六生既 ps1 會考得幾好，同之前既  ps 1 相若，但小學唔知程度相約的學校考得好左還是差左，所以都仍然好難知道 banding 既  margin 位置。

如果你間小學有 150 名小六學生，家長問老師自已個仔考 55 名 即係 band 幾？老師可以點答？講得保守的話，家長可能會話，吓！你間小學咁少 band 1 生？某某家長話某間小學頭 60 名係 band 1 噃。如果講得進取，結果個學生唔係 band 1 而係 band 2，可能因為以為自己係 band 1 尾學生而錯失入較好的 band 2 中學的機會。所以好多學校唔肯好實在咁講學生名次，又唔肯好實在咁講 margin 位響邊 (當然學校自己都唔知)。

老師其實話得你個仔響安全區，正路就好大機會係響安全區，唔知個老師係咪做左好多年畢業班班主任？如果係的話，呢個資料可信度應該大。

cindychu

回復 cobilau 的帖子

可以咁講, 人都係向高處望, 不過有啲學校自知之明, 只希望能保住入頭三志願的%, 往往會叫家長唔好咁進取

憫父

回復 cindychu 的帖子

所以老師通常會講得保守 d (但唔講名次，只講大概 banding)，而好少會講得進取。如有個班主任係做左多年畢業班既班主任，通常都會講得保守 d。

ohnono

chechema 發表於 13-4-26 09:26
學校老師告知是band1, 我自己猜想屬band1尾. 老師說學校已預留保險位(Buffer), 而小兒是屬保險位外的band1, ...

點解要信，點解要唔信？
不如講下點解要信先。
---------------------------

第一，不如先睇下PreS1究竟點影響同學的banding。教局會用師兄師姐的調整分去調整同學的呈分排名，但到真正的排序時，教局還會用兩次PreS1的抽樣平均成績去調整學校的調整分。經過兩次的調整之後才會真正的全港排名，和真正的全區排名。

所以唔好攪亂。PreS1的配對係會影響同學呈分時學校計標準分所排的名次，但PreS1的抽樣平均成績就會直接影響同學在全港的排名次序，亦即是學校能獲得幾多band 1、2、3的數量(絕不可能用TSA的成績去加插落去)。

好可惜，小學係唔會有每名同學的PreS1分數，所以學校係計唔到同學的校內真正排名，所以亦有機會在排全港和全區時有差誤，這個已經在另post討論緊。但學校的preS1抽樣平均成績，這個學校係會每年都會從教局中收到的。所以學校每年有幾多band 1生，學校係好清楚，絕不需要懷疑。

既然學校可以知道每年有幾多band 1生，但學校點樣去計算那些同學就是band 1呢，這個就係問題的重點。即是學校既然知道有50個同學是band 1，但是否就是考第1-50就可配對為band 1，當然不是。
詳情可參考這兩處，這裡不再重覆。
http://www.edu-kingdom.com/forum.php?mod=viewthread&tid=2565754&extra=page%3D1 和

http://www.edu-kingdom.com/forum.php?mod=viewthread&tid=2563340&extra=page%3D4

主要係因為教局會每次呈分都會做配對，然後將三次排名平均，但學校因為沒有這方面的數據，做唔到配對，只能以三次呈分試成績標準化後以平均成績作排名。解釋了點解會有誤差，而這個誤差點樣可以縮窄呢？小學只能跟用相同計算方法的以往成績加上最終派位的結果，跟今年的排名作一比較，如發現在50之外仍能獲派band 1中學，但教局的資料是得50名band 1學生，這10個名次就有機會屬於邊緣同學。當然邊緣同學還需考慮減派，減升中人口等。

這個方法既簡單，誤差少，所以我採取的態度係相信。


至於點解唔相信
----------------------

好簡單，就是有些老師叫你第二志願就填band 2學校的時候，我係唔相信的。還有，那些有直屬中學的學校，學校多數會採用隱瞞和擾亂的方法，務求能力更多band 1同學留下，收到更少band 2同學。

最後就是當老師提議選擇學校的名單時，自己有懷疑的就寧可唔信，自己找多一點資料先。


結論
-----------------
學校在估banding的結果上，可信程度極之高，因為已經知道實則有幾多band1、2、3的學生數目，只是唔知那些同學會分配到各自的banding。參考以往同學的校內呈分成績和派位跟今年同學的校內呈分成績已可縮窄了這方面的誤差、學校只需將有懷疑的地方，就係明明得50個band 1位，但往年可以派到名次60的仍可派到band 1，但名次50的卻派band 2，將這名次之內的異常情況列為邊緣學生就可以。十分清晰，可信度十分高！

JL3

原帖由 ohnono 於 13-04-26 發表
點解要信，點解要唔信？
不如講下點解要信先。
---------------------------

hkangel89

其實學校是有資料參考，並不是靠估的。

憫父

如何可以在網上找到中學學位分配辦法計算 banding 的官方文件？

kls12

原帖由 hkangel89 於 13-04-26 發表
其實學校是有資料參考，並不是靠估的。

估和參考有甚麽分别？

JL3

原帖由 kls12 於 13-04-26 發表
估和參考有甚麽分别？

參考是根據一些客觀數據進行評估，當然，沒有百分百準確！