Island Christian Academy or Korean International School

ethanjoyce

回覆 elmostoney 的帖子

Thanks elmostoney for your input and opinion

elmostoney

暫時就只這樣了. 不過那天我跟一個洋人家長聊天, 因為工作關係, 所以他們一家會一直留港, 而且會於大學時才將孩子送出國, 因此中學問題他們也一樣關注.  他們問了好些朋友, 不少IS的學生唸完Y8便離港, 所以若到Y8後學校真的無以為繼, 到時才再轉校, 反而容易. Y7時大家都在轉校, 真的一席難求.

ethanjoyce

回覆 elmostoney 的帖子

請問有沒有更多關於中學的消息可以分享？

elmostoney

Sharons, AIS 是指american 定 australian IS?  我們住港島, 兩間都在九龍, 所以都不會考慮了. 況且我個女讀到y4, 不會再轉了, 等中學再諗.  佢係ica好地地, 就由佢吧.  

elmostoney

有, 但程度實在不行, 任何有要求的家長一定要讓孩子補習.

elizatyy

elmostoney 發表於 14-11-7 23:05
ICA學費連每年LEVY, 平均一萬零XX/月 (忘了實際數目).  

至於中學, 學校昨天剛出newsletter, 會係原址辦Y7 ...

Thank you

elmostoney

ICA學費連每年LEVY, 平均一萬零XX/月 (忘了實際數目).  

至於中學, 學校昨天剛出newsletter, 會係原址辦Y7 & Y8, 我估係economy of scale原因.  因為等到而家Y3都上到Y7時, 先開始夠人開一個新site (而家Y4 & 5加埋得42人), 亦有可能未揾到SITE.  呢樣有好有唔好, 我所見, 佢地唔太鍾意大量係中途開新班, 不停插新人.  ICA第一年運作, 只收左一年Y1 3班, 另外外來插班入Y2 & Y3學生加埋都唔超過20人, 而且都係以Y2為主.  佢地唔會走去開幾班高班, 收多D學生去spread out the cost. 正如而家中學都係, 其實佢地可以開多幾班收多D外來生, 但係佢地似乎寧願係自己學校慢慢升上去開班, 咁對學生質素比較一致.  我見過有新IS一開開好多年, 大D嘅學生點解會中途插班, 真係物原因都有, 我就唔多講.  

唔好就係而家個campus真係好細, 我唔知佢地點accommodate咁多學生.

elizatyy

請問ICA現時收幾錢學費？

elmostoney

我嘅想法係, 小朋友性格, 能力同對學校認同感重要過一條龍.  我希望係能力之內揀一間最合適佢嘅學校, that will help her come to her full potential and develop a well-balanced character (hopefully).  And I think that is what life is about.  I never believe that the ultimate goal of education is to go to an ivy league school or be very successful in life (and being succesful depends on your definition).  

ICA係咪最合適?  我唔敢講. 只可以話係我能力範圍同現實中的確係, 因都要睇人地收唔收, 不過我冇試其他.  我自己住港島, 唔會諗九龍新界. 曾經考過維記,(因中文), 收左, 但最後決定唔入, 覺得唔啱佢. 曾有人同我講佢性格啱waldorf, 不過HK冇華德福小學, 所以不在考慮之列.

Jane1983

回覆 elmostoney 的帖子

有龍吾要，係要幾大勇氣！

elmostoney

torunpoland說得對, 因為我女兒真的不合適大班, 而且英基文化跟ICA真的有所不同.  我個女係ICA兩年, 再係Y3開學轉去ESF, 我地放棄左ICA相等於成兩個月學費嘅留位費, 亦無怨言, 當時入左ESF好開心.  佢同我個細仔一齊有位入, 好幸運.  但入讀兩個半月後, 發覺真係唔啱佢 (包括佢個班嘅student mix, 連當時個老師都覺得唔係太好, 不過呢D就係運氣), 唔想再拖,  即刻CALL返ICA轉返入去. 如果佢適應, 對我地來講, 梗係好啦.  第一, 行路可返學.  第二, 學費平過ICA.  第三, 設施同活動都比ICA好.  至於中學點, 我都係見步行步. 留細仔係到, 都係一枚棋, 將來到佢入左中學, 家姐再考, 都有sibling priority.  

如果之前有睇我POST個D人, 都知我編排孩子入學, 首重合適, 次重一條龍, 係幼稚園都係咁.  我個仔冇讀正規幼稚園, 讀一間類似center嘅montessori, 冇教佢寫字, 冇教英文, 仲要係全普通話教, 因為我覺得呢間中心好過哂D攞正規幼稚園牌嘅mont school.  佢D英文都係靠同我, 工人同鄰居小朋友學為主.  當時抽到英基小一面試, 第一次唔pass, 比多次機會, (我地呢間叫得你去IN, 基本上guarantee入, 除非有大問題) 但要觀課, 英基叫我最好轉佢去一間英語幼稚園, 當時都係讀多一個學期, 跟住就入小一.  我諗左一段時間, 唔想將阿仔左轉右轉, 而且我深信返緊呢間中心 (當時全港九嘅mont school我都visit 過), 所以我寧願give up, 唔in, 再要求排隔年Y2 (佢地offer比我下年再IN多次Y1 反正我個仔係年尾仔), 大家都知Y1基本上一定有位, 但Y2插班就睇運氣. That is the kind of risk I am willing to take - a trade off for a suitable environment/school for my child at the moment.   結果ICA Y1收左我個仔,  佢入到去完全冇問題 .  當時我地仲in 左IMS, 收左佢, 訂都落哂.  本來比較傾向呢間, 因為學術上比較啱佢 (呢間都係冇中學), 我地最後唔揀係覺得佢係社交上需要入一間正常IS, montessori只會令佢更內向, 咁就算學術上幾勁都冇用, 所以入左ICA.  讀左一年, 英基有位, 轉左去英基.

我個細仔唔係話好outgoing, 不過佢份人性格冇物所謂,我相信佢係不同種類學校都OK(包括LS), 咁咪留佢係ESF.  

macdullbaby

好奇一問，為什麼個細仔就要為咗full train 上中學部而留在「工廠」度讀。咁你個大女呢？佢唔洗full train 上中學咩？佢咪仲快要上中學？

elmostoney

我想在此讚一下英基, 反而是中文.  我不知道每間英基會否不同, 但我們這間分中文作第二語言和中文作母語兩個程度.  雖然及不上本地學校 (個人認為本地學校中文程度癲癲地), 但以我對中文有要求的人來說, 我覺得母語班是不錯的.  我兒在母語班, 一班6人 (去年是10人).  是的, 6人.  老師說, 如家中沒有中文人, 是很難跟得上的.  如父母不能常跟孩子溫習, 最好有中文補習. 另外, 母語中文堂要求孩子能聽會說中文, 否則就要回中文作外語班. 正好我這孩子奇怪地, 不抗拒中文, 以我所看, 如按照課程一直讀, 到y6畢業算是有不錯的程度.  基本看報和寫短文應該沒問題.  當然不能要度孩子看金庸了.

elmostoney

They are looking for a site still.  Theoretically, they hope to open a secondary to match the timing for the present Y5 students - which is a year and a half away.  

我覺得選校真係好多mixed factors: 程度, 功課量 (個別家長要求), 學校辦學宗旨 (學術, 德育, 同學背景, 課外活動等等), 設施, 地理 (離家距離), 學費.  有些人最重學術, 寧可多點功課, 但要求孩子多學一點, 那也沒有錯.  有些人會覺得距離重要, 學校各方面不太差就行.  所以選校沒有對錯, 別人的糖果不一定是你的糖果, 最重要是自己去看一下學校, 雖然參觀學校只能給你一個大概.  像我當時去英基, 跟ICA一比, 一個自然是天堂, 真係有種執到寶的感覺.  進去後, 運作起來, 又發覺跟心目中有距離. So the most important thing is: what are you looking for in a school?  當時有ICA的家長勸我留在ICA, 她自己住在英基對面, 英基offer了她的兒子, 但她還是決定去 ICA, 因為她覺得英基像一間工廠, 而時到今日, 我的兒子在英基一年多, 我的感受的確如此.  我仍然讓他留在英基是因為我未諗掂中學點, 所以唔想隨便移動他, 而且不停要他轉校也非好事.  不竟ICA還未有中學, 而新辦的中學我們是否願意做白老鼠也難說. 因為辦中學和辦小學是兩回事.

我不敢說我的意見有什麼代表性, 不竟多少也因應我孩子的性格和能力影響, 當然是加了不少個人色彩. 我認識有孩子從某標榜學術, 但相對人數較少的IS轉了來英基, 他反而覺得很自由, 少了壓迫感, 人數多少對他來說不是大問題 (但他是比較高年班了).  只是相對從頭到尾孩子只在英基的家長, 我相信自己可從多點經驗和不同角度作出比較, 特別是ICA跟ESF是比較接近的學校, 主要分別是人數和宗教而已.

如果你的孩子是勁人, 而你想他多學點多做點, 那esf and ica 都不會合乎要求.  其實兩間學校在很多層面是很相像的, 因為幫手set up學校的人, 在英基任教20+年, 不過她們加了宗教原素, 縮少每班人數, 當然還有個別運作或教學會稍有不同.

ICA上課時做的工作紙比 esf 多, 個人覺得對孩子有多點練習是必須的.  他們跟進孩子的工作也跟得比較緊, 發現孩子不會某些concept, 也會快點知道, 要不老師上課睇緊點, 要不會跟家長說, 回家加強.  ESF也會, 但跟得沒有那麼緊湊.

elizatyy

請問ICA學校幾時落實中學部?

macdullbaby

我覺得有些似某些人會適合响大司做，某些人會適合響細公司做，要睇性格，質素，適應力等，冇得勉強。

torunpoland

ICA 唔call waiting，可能要保持學生的ethnic mix。當日我參觀時，負責人曾經說過這是一個考慮因素。

仍然那一句吧！每間學校都有好同唔好，根本冇一間100%完全合意。

elmostoney

ICA人數 y2 以上係可以收25人, y1 係22人, 但據我所知, 並冇收足, 因為佢地會自動留位比有可能係年中過來的expat, 而中間又可能會有人走, 所以根上唔會上到25人.  而家新一年y1都係20人左右, 我唔知 y2, 但應該冇25人一班.  y3就係20人左右, 我個女y4, 15人 (兩班).  y5而家得一班, 好似係12人.

佢地同esf policy唔同, esf一有人走, 就會即刻call waiting list上的人, ica好怪, 我識得有人on waiting list, 但佢地年明明有位, 又唔call呢個朋友.  我都唔知佢地用物野 basis去係年中fill D 位.  總之佢地就唔會好緊張要即刻fill 到個班滿capacity.  所以我冇見過滿額班.

不過我想指出, 唔可以將IS同LS 30人一樣比較.  ls要求小朋友坐定定, 連過堂都唔准傾計, recess唔准跑, 所以d學生容易管理好多.  is 風氣自由, 所以管理 is 30人唔同管理 ls 30人.  我有個朋友個仔, 同我個仔同年, 未入 ls 一年班時都係超好動, 而家? 坐得幾定.  

我講一個我係esf Y3做parent helper 時所遇到嘅問題.  當時我被分係math session分組睇學生.  一個session會分幾組, 每組做唔同野, 一組聽老師講課, 一組就係一個有好多張問題卡嘅盒到自己揀問題做 (我睇), 另一組可能係做MATH WORKBOOK (由助教睇), 一組就係用電腦上MATHLETICS (自己攪掂), 好似仲有一組, 唔知佢地自己做物野啦, 不過都係冇人睇. 每組可能有15~20分鐘係一個station, 跟住就rotate去下一個station.  

我每次係我個work station睇6個學生.  我發現有部份人係一半時間傾計, 一半時間做野, 有d人就好似我個女咁, 花左好多時間揀卡, 務求揀張最容易嘅來做; 有d人係冇心機做, 搵個partner扮做, 其實個partner做哂; 有d係程度超落後, 唔識做, 連我嘗試去教佢佢都冇動力.  至於認真自己做完一題又一題嘅, 我每次睇3 ~4組18~24個學生, 我諗有3~4個.  其他d我叫佢地唔好掛住傾計呀 玩呀, 都花左唔少時間.  偶然有一兩個直情話知你講, 佢有佢亂來, 我最後都要打斷老師講課, 要佢出面.  我當時睇到o哂咀, 我個女唔係叻,但佢唔開心.  我都明白, 有時每班學生make up唔同, 未必關學校事, 但佢係ICA一個相對discipline環境來到, 我可以想像佢唔會鍾意.  我睇左幾堂, 再同老師傾完, 決定比佢返ICA.

我想指出, ESF嘅學生, 從種族同經濟環境來講,可能同ICA差唔多.  但最唔同係, ICA好多學生都有宗教背景..我自己唔係教徙, 我先生係, 我對宗教本身冇preference.  我唔係想話教徙德行一定比非教徙高, 但相對起來, ICA "好多" 家庭真係會注重德育多d, 但唔代表小朋友唔頑皮.  我有朋友話佢個仔係另一間esf, y1已學到粗口, 聽同學講, 呢d就係家長係屋企慣性.  我係ICA真係未聽過有呢類情況, 可能係我冇接觸到. 我冇話ICA全部學生都好d, 社會都有參差, 所以esf家長唔洗咁大反應.  我係指比例上比我感覺.  而且係esf, 我發覺esf唔係你想見老師就日日見到, ica比較  casual, 如果你會接放學, 多數可見到老師傾幾句. 有時唔係下下都要約老師傾, 你只係想講幾句咁咪啱哂.

不過我都認同, 我個女係非常非常幸運嘅個年.  所以有時做創校新生我又覺得唔差, 佢地冇esf 咁established, 冇咁多facility, 但係我個女個年人少, 又係全校最高班之一, 好多野都比較有機會參與, 真係好正.  反觀我個仔, 其實比我個女叻唔少, 但係係英基就冇咁容易出頭, 有時又未必係能力問題, 因為我最近見到佢有個case, 只能講係學校policy或其他方面問題, 我都好無奈.  不過我唔會為佢出頭, 唔想變怪獸家長, 人生就係充滿失望, 佢要習慣.  有時講運氣, 同能力冇關, 自己明白就得.