SFA, 禮賢，德雅 點揀好呢?

giannapoon

阿女呢三間都收咗，真光都收但已經決定唔去註冊，囡囡好鍾意德雅，囡囡弱項係數，強項係中英文，鍾意睇書但同時又鍾意走動，有冇家長可以提供意見?因為真係唔想註冊晒咁多間，覇住啲位

sansan2008

為什麼不選真光？  我也有真光、禮賢和SFA 的OFFER, 也想知怎樣去選擇。

kennistong

我會選德雅, 因SFA 數係教快一年, 而且好深, 佢地好鍾意操數既!

sammilcm

囡囡點解好鍾意德雅??  如果佢咁鍾意咪比佢讀囉. 因為讀書返學果個係佢, 最緊要佢返得開心, 而且德雅數好似幾好嫁.
另外想問點解唔要真光呢??
禮賢 - NO COMMENT
SFA - 好深好辛苦, 要有心理準備
(我利益申報 ~ 呀女有德雅OFFER, 另外2間都冇考)

luilui007

你女好叻啊

giannapoon

未收到SFA同禮賢offer之前，淨係得真光同德雅呢兩個offer,我諗住係得咁多，其餘都不寄以厚望，咁咪同個女商量睇下九真同德雅佢鍾意邊間囉，囡囡諗都唔諗就話德雅好，要去德雅讀。囡囡好鍾意德雅因為當日面試完之後我同佢係操場行咗一陣參觀下，去到小食部見到個戴眼鏡嘅修女(唔知係咪校長呢)好nice咁同囡囡傾計，仲拖住佢去買嘢飲，之後修女仲摸住囡囡個頭話佢乖，阿女出咗校門之後好興奮咁話好想讀呢間小學。就係咁，阿女愛上了德雅！

giannapoon

多謝！不過現在嘅小朋友個個都好叻，比阿女更叻嘅大有人在呀!

giannapoon

你講得好啱，不過做家長始終會諗遠啲，升中問題都要考慮下，因為唔想咁快返老家升學。派位呢三間邊間好啲?

onepiece

原帖由 ilj 於 12-11-19 發表

禮賢開心小學又可以做到64%band1，噤點解唔讀，一間又開心、成績又好的小學，這不是大家夢寐以求的嗎？總好過德雅要谷6年，但就連幾多人只係入返德中都唔知，又唔知幾多%band1。

（利益申報，3間我都無報。Sorry, 多口病又發作。）

喵媽

onepiece 發表於 12-11-19 17:39
禮賢開心小學又可以做到64%band1，噤點解唔讀，一間又開心、成績又好的小學，這不是大家夢寐以求的嗎？總好 ...

講得好好呀!!

Yanamami

德中降band, 叻既女仔會升其他band1中學. 要考慮.

kc_united

其實SFA好難考入。既然考入，不是SFA好嗎？好多中學搶住收SFA學生。我中學老師講的及recommend.

其實德雅也不差，有97%入頭三志願同EMI中學。網上所見及問 過很多人，個個都說好的，是地區名校（d人講）唯一是多功課，競爭也大！

至於禮賢，好多人都唔認識。不過我同事個仔在校讀，so far唔錯！

kc_united

原帖由 Yanamami 於 12-11-19 發表

Agreed

annienorman

SFA 小一開始已要讀英國文學

momama

原帖由 annienorman 於 12-11-19 發表
SFA 小一開始已要讀英國文學

只不過係英文故事獨立成科！太多SFA傳聞啦

2lovelykids

睇下樓主或女兒喜歡那一種教育和生活啦。SFA程度會深D，谷D，我有朋友兩個仔在入面讀，我覺得佢地冇乜童年。雖然話考得入去的都幾叻，但問題係係個個入得去的都是叻，個個都預咗谷，而且好多資優生，入到去是鬥過你死我活的。差一兩分已可以差很多名次。SFA沒有中學，學生要爭全校頭幾十名才放心，你可以想像到入面的競爭。不過其實冇話好唔好，有人喜歡有人不喜歡，睇下係咪適合你個女囉。我自己覺得如果係叻人之中的最叻（假設考得入的都叻學術），可能讀得輕鬆又開心，還有不同的資優班，資源很好。但叻人之中較一般的或不喜歡谷的，可能辛苦D或要考中下游，佢地係最大壓力和最慘，處理得唔好可能影響自信。像我朋友兒子的例子，我覺得佢已好叻，在其他學校可能考到頭幾名，可能會得到較多機會表現自己。但在SFA只屬中下，冇哂自信，日日補習讀書，冇哂娛樂，我也很同情他。所以只有你自己才知道什麼學校才適合你的女兒，希望幫到你。我要申報自己三間都冇報，也不喜歡谷。