男女校與淨女或男校，有咩野利弊?請比D意見我，唔該!

wwyee

我自己都係男女校出黎，衹知道會好早就會談情說愛，其次既係會容易無心機上課。
而家到女女要升中，六年級睇好多愛情小說，上堂會寫紙仔，
有時見佢寫D野會提下D男生，所以好怕佢一上中學拍拖。
我有提過讀女校好，少D男女監'介問題，讀書會專心。
佢個反應係女校好多都攪基。
你地簡學校時有無諗過或有同樣問題呢?
你地小朋友有無自己決定讀淨校呢?你地有反對嗎?同埋係咩野理由呀

winniebb30

我係女校畢業的, 唔係好贊成讀女校, 因為我成長的過程中好少接觸男性, 畢業後一接觸男性就驚為天人, 唔係好識得睇男仔, 導致第一段婚姻失敗.
不過咁, 可能我呢d case只係好少數, 不過而家資訊咁發達, 就算讀女校都唔代表難識到男仔, 所以我覺得呢個唔應該係選擇讀女校或是男女校的原因. 應該睇校風同埋啱唔啱你個女讀.

smallfoothk

想得太多了,唔通男女校冇攪X嗎?淨女校放學見有男朋友等候,或男校放學去識女仔,手拖手,如唔小心造了人仔比攪X???(這問題不用答)講錯匆插只想男女校與淨女或男校入學機會率好過....,

wwyee

就係而家D青少年諗咩，我地都估計唔到，係青春期就有好多呢D野發生至
其實以校風，淨女校真係差極有限，除非鄰近又有間男校啦!

winniebb30

回復 wwyee 的帖子

咁咪選擇女校囉

fion6406

smallfoothk 發表於 12-12-4 12:52

只想男女校與淨女或男校入學機會率好過....,

同意。
我讀男女校，也有讀完7年中學讀埋大學仍然都未拍過拖的男性或女性同學。我弟弟男校，我妹妹女校，都無交友問題。睇每個人性格啫....
我大仔升中，可能未到青春期，基本上對讀男女校/男校都無乜所謂，都係憑我灌輸俾佢既概念，佢會識話報男校競爭細D。

Yanamami

參考下:

http://www.edu-kingdom.com/forum ... 7%E5%A5%B3%E6%A0%A1

http://www.edu-kingdom.com/forum ... 7%E5%A5%B3%E6%A0%A1

STH920

我都係讀男女校的, 感覺會對兩性的看法和接觸平衡些. 我都係畢左業先拍拖.  依家我仔仔選中學, 都係持平心態幫佢選, 當然我亦希望他入男女校多些.

反而我細佬以前讀男校的, 他就忠告我千萬不要俾個仔讀男校.

mhv_woman

少年十五二十時, 作為家長其實都經歷過.
中學時期身體開始發育, 對異性有興趣係好自然的事情, 好多事情不要以為禁止打壓就可以改變
作為家長, 只可以盡量降低發生問題的機會, 讀齋校就可以降低中學時期談戀愛的機會
而且比起男女校, 抽到機會比較高
另外, 假設有一半是男女校, 一半是齋校, 如樓主所言, 如果齋校會變同性戀, 豈非全港有一半人是同性戀

e12340

I argee......

readers

回復 STH920 的帖子

為什麼不要讓仔仔讀男校？

readers

我個女不想讀女校，我會尊重她意見，始終是她去上學不是我，心深處也覺得讀男女校身心成長比較平衡，我以前也讀男女校，也沒有在中學拍拖，男孩子的豪爽和大氣量倒值得沾染。

LOVELY-BABE

我有個朋友做社工，他讀男校出身，他叫我為仔仔讀男校無疑會專注些，但始終在社交人際関係上怎也不及男女校般均衡發展！所以他贊成男女校會好些

bing-jing

讀單性學校，做父母會比較容易掌握小朋友在青春期的感情變化

至於交朋結友，其實亦唔限於學校 : 聯校活動、義工服務、教會聚會 .......  都有機會結識異性，既然係，咁點解唔比讀書個陣可以單純 D 呢？

chanwendy

我自己讀女校, 對女校唔反感, 女校的女仔會比較獨立, 硬淨好多.  有冇同性戀同拍拖就間間學校都有, 我讀書時都有聽見, 但真係為數唔多, 讀到書的大部份都係入到大學後才拍拖的.  我都識人讀男女校, 但去到廿八九歲先第一次拍拖, 更加識一個三十幾歲都仲未拍過添.  不過如果女女抗拒女校, 就唔好迫佢喇, 否則佢會因為唔鍾意學校而無心向學的.

mhv_woman

當年小犬都唔鍾意讀齋校, 但係我堅持一定要佢讀, 佢成日話要轉去同區的男女校
最近再問佢同一問題, 佢話千祈唔好轉, 佢不知讀得幾開心

dlh525

雖然我小朋友不是今年考中學, 但我都有問過佢意向, 佢偏向男女校, 佢解釋男仔玩起上來爽快啲(我小朋友好運動型, 喜歡球類運動, 跑跑跳跳), 而且我自己都是讀女校, 我覺得你所擔心既問題, 那裡都會發生.  好睇小朋友性格同你如何引導佢, 始終佢係6年用家, 我都會尊重佢意向的.   

YanYan0116

我只是想, 女生入女校, 少d人爭.

hadwinboy

我讀 band 1女校, 當年同性戀情況有, 是公開的秘密, 在校內一對一對的. 到畢業了有些變回異性戀, 也有些繼續下去. 另一方面, 也有同學一早就拍拖仲攪大埋個肚. 我也很早拍拖 (中二), 拖手仔是附近的英皇仔 (應是男校). 所以, 讀男或女或男女校都冇問題, 最緊要是家庭教育. 到而家我個仔(升小一), 佢由細到大都同女仔相處得較好, 也一早表態只讀男女校(或女校), 所以除非DBS 收, 不然的話都會揀男女校給他. 不過會早少少灌輸定正確的性知識給他.     

cellon

wwyee 發表於 12-12-4 11:52
我自己都係男女校出黎，衹知道會好早就會談情說愛，其次既係會容易無心機上課。
而家到女女要升中，六年級睇好多愛情小說，上堂會寫紙仔，
有時見佢寫D野會提下D男生，所以好怕佢一上中學拍拖。
我有提過讀女校好，少D男女監'介問題，讀書會專心。
佢個反應係女校好多都攪基。...

「女校好多都攪基」？
令千金可能未清楚甚麼是「攪基」。