- 在線時間
- 62 小時
- 最後登錄
- 15-11-18
- 國民生產力
- 54
- 附加生產力
- 149
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 254
- 主題
- 59
- 精華
- 0
- 積分
- 457
- UID
- 404
|
Re: 有無
我有兩個女讀呢間下午校,小一同小四,大女係舊年轉入去做小三插班生,佢之前讀果間小學,佢一路都讀得唔開心,係佢自己叫我同佢轉校,佢話老師成日鬧人,佢知老師只係鬧d頑皮同學,唔係鬧佢,但就每堂d老師都要搞成10分鐘至可以上堂,一堂得半小時,所以佢覺得唔開心,浪費時間,所以我就幫佢搵一間較少男孩子既學校,希望學習環境會好d,佢舊年返學第二日就話我知佢讀得好開心,老師好nice,有咩唔明老師都樂意回答,校舍都算寬敞,小息時候學生既活動範圍都好大,又有圖書閣可以比佢地睇下書,而家加建緊一幢幾層高既學習大樓,好似出年完工(唔肯定??);而我細女今年升小一,返左兩個星期學,暫時都ok,我早兩日至打過電話比班主任,了解一下佢上堂既情況,班主任都好好傾,仲叫我有問題可以隨時搵佢,多多聯絡!
佢地上下午校較早前已經開始左逐步統一,預備2007年合併,到時每級有6班(而家上午3班,下午3班),今年開始上下午班所用既課本同教材都已經係一樣,考試次數同試卷都會一致,上午班考完即到下午班考,唔會好似以前咁,下午班要等到1點返學時間至考試,所以基本上而家申請上午或下午班都冇咩分別,你個小朋友只不過係讀一年就會轉全日制,但當然上午班通常會比較多人揀,下午班機會大d囉!
Good Luck! |
|