- 在線時間
- 712 小時
- 最後登錄
- 21-11-6
- 國民生產力
- 134
- 附加生產力
- 1271
- 貢獻生產力
- 0
- 註冊時間
- 04-4-20
- 閱讀權限
- 10
- 帖子
- 2032
- 主題
- 13
- 精華
- 0
- 積分
- 3437
- UID
- 21546
 
|
Re: 請問有冇人知點解"約克"交學費要交比"XX公司",咁有冇問題架?
我當初報約克係我既舊同學介紹架,佢o係裏面做過老師,但我只交留位費留住個位,並冇打算讀,因為我女o係方方樂趣讀緊BB班,最後決定比佢升上K1唔轉走,但係天意弄人,因為一D令我非常激氣既事,令到我8月尾走去約克交錢比個女轉過去開學.我本身不太喜歡約克架,因為我個舊同學同我講佢話學校頗掠水喎,但學生成績幾好,入到好多名校小學(當時).所以我對呢間學校印象麻麻,寧願揀學費貴既方方都唔揀約克.但因為8月尾好難再o係o個區搵好既幼稚園所以唯有揀留左位既約克囉.總括黎講呢3年大致上OK啦.真係小小掠水,可能依家出生率低,少左人報讀,再掠水咪冇人讀.我本人覺得呢3年都算係咁,但其他家長都頗多怨言,有D話程度深,有D話茶點費貴,我呢3年都有交荼點費,廢事日日諗帶乜茶點返去,一個學期千幾蚊茶點費都幾貴,一個學期得5個月,一個星期五日,有時假期又唔駛返學,睇返呢個上學期9月至1月,又聖誕又新年.放左好多假.千幾蚊除返都好多錢一餐茶點.但我都冇所謂.當要交下學期茶點費o個時,有家長問我係咪自己帶茶點,我話唔係,佢話我知佢唔交,自己帶.佢話千幾蚊幾個月咁貴,成日都食麵包,餅仔.但我聽個女話過有通粉.麥皮粥食.佢話最多咪一個月一,兩次.麵包仲係細細個添,咁我又唔知呀.我冇問個女食乜架,因為我個女勁揀食,好多野都唔食.我知道有通粉同麥皮粥都係佢話我知好難食,食左一啖就比返先生.所以我先知咋.我覺得雜費,茶點費就間間幼稚園都差唔多係咁,所以我唔介意.課程我就唔覺得深.K3學加數,減數,中文就寫醫生,護士,貓捉老鼠,母雞生雞蛋,都唔算深o丫.若果同普通幼稚園比就深,同九龍塘區其他幼稚園比我反而覺得淺,英文科就OK,不過我有樣野唔係咁滿意,就係只係排名次排到10,一班三十幾人,只排頭十名,其餘o個D就唔排,咁考唔到頭十名咪唔知自己考第幾?咪要估估下,
老師方面就好難講好唔好,睇你好唔好彩遇到個有愛心有耐性,當初女女轉過去好唔開心,因為方方o個面已經識到朋友仔,去到約克佢就唔肯返學扭計要返以前o個度,撞o岩K1o個年既班主任好好人,鼓勵佢去識新朋友,慢慢女就肯返學.我個女性格好內向,唔係班主任咁好鼓勵佢,佢一定唔開口.但升上K2就打回原形,成年都唔開心,上堂唔肯答問題之外仲唔多願意同班主任講野,我見佢咁唔鐘意班主任,問極佢又唔肯講點解,咪親自出去接佢放學見下佢個班主任,平時搭校車好少見到班主任架.K2個班主任個樣冇乜問題,又年輕,我都唔知個女驚佢D乜?班主任話阿女只係怕醜喎,最奇怪係學期尾o個陣既一次生日會,因為我女6月生日,我叫佢問班主任班上有幾多位同學,我要預下人數訂蛋糕,我女竟然答我,"我唔問,我唔會同Miss X 講野,我覺得呢個人好可怕",我聽左之後覺得好怪,究竟發生過乜野事令到我個女咁怕佢?到依家我都唔知點解.我只係知道女女升左上K3之後又開心返小小,佢番黎同我講話見到Miss X呀,佢同我講good afternoon,不過我冇望佢.  我真係唔明點解,見佢今年開心返小小就算.所以老師方面真係要睇你遇既係乜野人.好難講架 |
|
發表於 04-5-12 13:30
佢唔識講我地D話,佢講故事好好笑架.所以我知應該會有外藉老師教,係咪堂堂就唔知.總括黎講都唔錯啦,超收生既問題依家冇可能有,因為出生率咁低,好多幼稚園都收唔足人,何來超收呢?課程深淺就各人想法都唔同,估計唔會太淺追唔上小一課程,再有問題可以再問,
