仁記家長請比意見 - 聖公會仁立紀念小學

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 聖公會仁立紀念小學 › 仁記家長請比意見

查看: 3692\|回覆: 8	go 仁記家長請比意見 [複製鏈接]

axa

複式洋房

Rank: 3 Rank: 3


	127

1^#

發表於 07-9-26 00:39 |只看該作者 |倒序瀏覽 |打印

我囡囡現在係葵涌荊冕堂k2, 如果想入仁記機會大嗎? 仲有我囡囡比較好動, 你地覺得適合嗎? 最後係米真係好多test和功課呀?謝謝

0 0 0 0

返回頂部

twiggycheng

複式洋房

Rank: 3 Rank: 3


	124

2^#

發表於 07-10-31 13:25 |只看該作者

我有個朋友個仔今年喺仁立紀念讀六年級, 佢話佢間學校校長同老師都唔好, 最近副校長為咗交通意外事仲講大話屈個司機, 我勸你不如去仁立好D

返回頂部

csy_ma

子爵府

Rank: 7 Rank: 7 Rank: 7


	13222

3^#

發表於 07-11-3 21:04 |只看該作者

原文章由 twiggycheng 於 07-10-31 13:25 硐表
我有個朋友個仔今年喺仁立紀念讀六年級, 佢話佢間學校校長同老師都唔好, 最近副校長為咗交通意外事仲講大話屈個司機, 我勸你不如去仁立好D

有次我同多位仁紀家教會既家長飲茶，提到您這個對仁紀既評價，今屆既主席話：咁就祝福真係聽您既勸告既家長

您朋友個仔有冇話校長同老師點唔好？單係評價，冇事例，咁都會有家長會接收意見，其子女就真係幾需要祝福．

至於交通意外事件，響仁紀主欄上已有子女在肇事保姆車中既家長，講咗其第一身感覺，其實我都唔認為需要在此再作補充．

”屈個司機”？點屈？難道冇意外講成有？事件發生在校外，佢有有冇即時報警，係可以查出黎既．據聞事發後個司機根本就冇落車入校交代，去邊度搵佢黎屈？你估學校好想咁既情況下見報？

睇返各傳媒既報道，文字傳媒在符合基本事實之餘，都有失實之處（《星島》最離譜，大大張相話家長趕至醫院心急如焚，齊表不滿，但相中人卻全部都係老師．記者大哥，就算想當然咁作，都要提防吓駁料既同行”鮮”你架）．呢個唔見得係副校可以控制既．

一間學校有幾十名老師，有d老師啱某d同學，但某d同學就恨佢入骨，咁既情況並不罕見（以我囡既班主任為例，我成日都幾感恩，響我囡度過小一適應期間，有個咁有智慧、同理心兼幽默感既老師帶住，俾佢過渡到較輕鬆既小二，不過後來聽返阿囡講，原來都有其他同學仔好唔鍾意佢喎！真係估唔到:evil: ）．

至於校長，好多小學既校長根本就好少出現響學生面前，對比黎講，仁紀既校長就好親民，好多時，家長都會響返學同放學見到佢．
在啱啱過咗既家教會選舉中，有位P3家長就公開咁講，佢個升咗去林護既大囡，最初成績唔係好好，級排名響百名過外，但每次見到校長，都聽到校長既親切鼓勵，個人慢慢提升自信，加上家長聽咗好多親職講座後，同步採用鼓勵既方法引導，成績先拾級而上．個家長於是響細囡讀小三，自己比較得閒時報名參選家教會，作為回饋．

我囡成日都見到校長，會好高興咁走埋去同佢打招呼，甚或抱佢．有時又話小息可以聽校長講古仔，或者排隊去跟佢種野，我都唔覺得好特別．聽咗果位家長分享，先感到原來有個親民校長係恩賜，就算校長唔會親自上課教小朋友，有位願意面對學童同家長既學校領導，學校既風格都會傾向於開放d．

至於點開放，我在仁紀主欄分享過好多，就唔再重覆．不過，都好想知道，究竟果位小六同學仔，點解咁有本事體察到我都發現唔到既問題？可否請twiggycheng講吓d實際事例

，等我反映吓？

返回頂部

csy_ma

子爵府

Rank: 7 Rank: 7 Rank: 7


	13222

4^#

發表於 07-11-3 21:11 |只看該作者

原文章由 axa 於 07-9-26 00:39 硐表
我囡囡現在係葵涌荊冕堂k2, 如果想入仁記機會大嗎? 仲有我囡囡比較好動, 你地覺得適合嗎? 最後係米真係好多test和功課呀?謝謝

係勒axa，我地咁多家長都冇回應到您既問題，您係唔係覺得仁紀家長好唔親切？
不過記憶中，您鋪呢條問題時，我咁啱響仁紀主網上同另一位想報讀仁紀既家長傾緊，都幾長氣咁講自己揀校既親身體會．可能您既時間寶貴，當時沒有時間瀏覽仁紀主網各位”用家”既感受，不過我既時間都未必花得起一次又一次講同一樣野，似乎其他家長都有類似既感受，所以咪保持緘默囉

返回頂部

kswiss

禁止訪問


	3832

5^#

發表於 07-11-5 09:23 |只看該作者

提示: 作者被禁止或刪除內容自動屏蔽

返回頂部

黃巴士

伯爵府

Rank: 8 Rank: 8


	15364

6^#

發表於 07-11-5 16:56 |只看該作者

原文章由 twiggycheng 於 07-10-31 13:25 硐表
我有個朋友個仔今年喺仁立紀念讀六年級, 佢話佢間學校校長同老師都唔好, 最近副校長為咗交通意外事仲講大話屈個司機, 我勸你不如去仁立好D

我都係當日褓姆車家長, 校長同褓姆車叔叔都有向我交待今次事件.
言談間我唔覺得校長屈司機喎!!!!

所提及老師唔好, 可唔可以講吓覺得老師點唔好??? 大家可以了解多d.

黃巴士

返回頂部

amysnlee

大宅

Rank: 5 Rank: 5


	1051

7^#

發表於 08-6-10 15:25 |只看該作者

[quote]原文章由 axa 於 07-9-26 00:39 發表

我囡囡現在係葵涌荊冕堂k2, 如果想入仁記機會大嗎? 仲有我囡囡比較好動, 你地覺得適合嗎? 最後係米真係好多test和功課呀?謝謝 [/qu

我個仔當年都係讀荊冕堂葵涌幼稚園考入去架,大多數都可以入到既,所以我個女都讀緊荊冕堂葵涌校k1

而家個仔讀緊五年級精英班,佢由小三開始已經入到精英班,我覺得都唔係好多功課或者測驗,因兩間其實都係活動教學,小朋友唔會覺得太大轉變,同埋老師同校長都好好,佢地都好注重小朋友既發展,唔會只係睇成積,成績差既學生佢地唔會唔理囉,我個仔都可以適應到,你話個女比較好動,我諗根本無關係,讀書同好動係兩回事黎架,當然如果係"仁立"既話,咁又唔同喎,"仁立"好著重成績既好與壞,開心既校園生活對成績都有一定既影響

[ 本文章最後由 amysnlee 於 08-6-10 15:31 編輯 ]

返回頂部

manfang

複式洋房

Rank: 3 Rank: 3


	119

8^#

發表於 08-6-24 23:00 |只看該作者

聽講荊冕堂葵涌幼稚園個校長好唔掂,不理學生既死活,放榜後家長送小朋友回校,只見校長扮傻,豪無責任心,近呢兩年呢間學校成日換老師,係有人唔鐘意個校長作風,對學生一D愛心都冇,又唔會幫學生爭取學位,老師給學生既評語差,教學變得越黎越淺,當家長們徬徨搵學校扣門既時刻,校長豪無表示,問候都唔多句,實在太過份,聽老師講番,早兩年開始仁立同仁紀都冇留學位比呢間幼稚園,因為與校長關係唔好,仲有每年統一派位都派得很差,呢間咁既幼稚園,實在唔值得家長考慮,為左小朋友好就唔好報讀呢間幼稚園囉,因為真係唔會幫到你入仁立or仁紀,其他幼稚園派去仁立,仁紀既百分比仲高,唔明點解大家成日話呢間學校好,大家真係要三思,唔好害左d小朋友!