番禺會所華仁小學

Chine

請問各位就讀番禺會所華仁小學小朋友的媽咪,你們的小朋友是讀那一所幼稚園呢?
本人十分希望我個bb他日入讀番禺會所華仁小學, 所以想幫他先選一所最有機會入華仁的幼稚園.
萬分感謝! :

麟媽媽

番禺會所華仁小學是津校，入學沒受幼稚園因素影響。
有些幼稚園好似維多利亞每年都有三、四十個男仔入到華仁，但都唔係因為間幼稚園。入到既學生本身好多時都夠分，好似係教徒又或者爸爸是舊生，所以首輪入到。第二幼稚園學生好多住灣仔/銅鑼灣，第二輛同區抽籤中的。
讀一間出名的幼稚園可能有助於報考私校或直資，但如華仁、聖若瑟、瑪利曼等名津校，真係無咩作用。

Chine

Thank you, 麟媽媽.
咁如果我老公係九龍華仁舊生, 我個仔考香港華仁小學會一樣當爸爸係舊生看待嗎? 因為我知九華同港華都屬於同一個教會的.

BillyM

Chine 寫道:
Thank you, 麟媽媽.
咁如果我老公係九龍華仁舊生, 我個仔考香港華仁小學會一樣當爸爸係舊生看待嗎? 因為我知九華同港華都屬於同一個教會的.

梗係唔得啦。要同一間小學畢業先有舊生分。

MKma

很多入到名校(小學)的小朋友都是old boys/old girls的子女，就算是讀名幼稚園，都是師資較好，其他家長較注重小朋友的培育而已。如果家長不是校友，又連宗教分都冇，都幾難考到入去，除非攪珠時好好彩啦！

所以我覺得而家d名校都有些世襲成份，"跨代富貴"！

麟媽媽

無架！一定要係華小畢業才有5分，如果爸爸係香港華仁書院畢業都無架！

Chine 寫道:
Thank you, 麟媽媽.
咁如果我老公係九龍華仁舊生, 我個仔考香港華仁小學會一樣當爸爸係舊生看待嗎? 因為我知九華同港華都屬於同一個教會的.

Share

麟媽媽
想請教下華仁是否活動教學,還是傳統教學﹐因為我很喜歡他的校址,位置﹐但是,小兒硬頸,不喜歡別人指正,連老師都要我選活動教學的學校。所以想知多些詳情。麻煩麟媽媽     

麟媽媽

Share,

華仁小學是傳統教學的。
佢地日常上課都係單行坐的，一定不是活動教學，沒有小組討論的。
華仁的男孩都很喜歡上學的，可能全部都係男仔好玩D喇！
在學習方面，一如其他傳統學校，都辛苦架。日常功課都有抄寫的，每日4-6樣功課，快手腳唔發夢的話個零鐘一定做得晒。每星期兩次默書，一中一英。我仔嗰晝(B晝)如果測驗嗰個星期唔使默，但第二晝(A晝)測驗都要默書喎，都好睇個別老師的。
華仁一年兩測兩考，平時無D咩評估的。測驗同考試佔成績表比例30:70，所以真係考試定生死，所以個個家長大考都緊張的，因沒有平時分，連測驗都幫唔到幾多，大考如果衰左影響最大嘛。
老師方面都講彩數，我仔今年遇著幾個都是好好的老師，真係循循善誘，我都打算寫封信比校長表揚吓佢。但亦聽過高年班家長投訴一D好似「殺人王」既超惡老師，不過我諗間間學校都有呢類型既人，無法喇。

kookooloo

麟媽媽﹕

可否去這個看看﹐給我一D意見嗎? (你的意見是很寶貴的啊﹗)

好憤怒呀﹐請大家幫幫忙教教我怎樣做才好?

http://www.baby-kingdom.com/modules/newbb/viewtopic.php?topic_id=349664&forum=1&6

kookooloo

麟媽媽:

另外忘記問問你仔考成點? 我都有D緊張呢@_@

呀仔昨天晚上(睡覺前) 不停講﹕"明天派考試卷啦﹗" 我想他都有D緊張。。

我同佢講﹕"無緊要啦﹐都考完囉﹐最緊要就係你響考試時有盡力﹐Daddy and Mummy係知道的﹐分數幾多都已定﹐擔心都無用﹐訓啦"。

點知佢話﹕"咁哥哥呢?佢會點?"

我話﹕"佢有佢﹐你有你﹐唔好理人咁多﹔哥哥都無講任何呀."

點知佢又再一次問﹕"唔好派卷﹐得唔得?"

我咪叫佢﹕"你咁想唔派﹐你咪親自同老師講囉>>"

真係比佢激得死去活來﹗

~~麟仔仔考成點?D 考卷有無派回來?

如今晚有空﹐可以打電話給我嗎?

我要出去啦。。886

easiness

麟媽媽﹕

有o的問題想請教, 小兒係今年九月會入讀華仁(B晝), 學校有否讓家長可以上網核對每天有幾多家課?

麟媽媽

easiness,

沒有，都是要小朋友自己抄手冊的。
真的會抄漏架，我仔試過因為抄漏無得交宗教作業架！
所以要小朋友自己小心D囉。

easiness 寫道:
麟媽媽﹕

有o的問題想請教, 小兒係今年九月會入讀華仁(B晝), 學校有否讓家長可以上網核對每天有幾多家課?

easiness

麟媽媽,

謝謝你回覆! 想請問返小一初期會否有適應期俾小朋友? 另外學校既課外書是否全部都要買的? 唔好意思問咁多問題

麟媽媽

easiness,

有既。
頭一個月本家課冊大本的，D行好闊，等佢地寫慣左先轉番正常既手冊，如果抄得啱晒有貼紙架。而頭一個月都無默書既，功課就有，不過好少既，之後就慢慢多囉。
你指既係咩課外書？唔使買課外書架喎…佢地每星期都有圖書堂，你要申請定公共圖書證，學校用黎借書的，不過如果未有學校都會替你地申請，有就唔使囉。
你指既課外書係咪D兒童雜誌/讀物？呢D可以經學校訂，但唔係必要既。

easiness

麟媽媽,

謝謝你呀! 講左好多學校既野俾我知道!

麟媽媽

仲有校服方面要留意。
舊年開始，返學一定要著黑鞋，如果著波鞋一定要係黑色的，唔可以著白色或其他色既波鞋。而華仁D細路好興著硬地足球鞋，我仔都有一對黑底白”tick”NIKE硬地足球鞋，一年班唔比出去排隊射龍門，因為怕佢地食波餅啊！所以D一年班仔成日係球埸邊等有波”look”埋黎便「執死雞」踢個波出番去囉，好得意！
一年班唔可以帶錢同八達通，佢地唔可以去小食部買野食同用八達通買vending machine，上左二年班先去得。
7月14日一年班註冊，當日可以買埋書，如果唔買可以自己去精工買，都係一樣價錢。仲有可以買校服、報校車，同埋有校章既SPI書包賣。

easiness

麟媽媽,

咁上體育堂係咪帶衫返學校換? 之前阿仔間幼稚園有得訂購SPI書包(藍色), 我已經買左啦!

另外我想請問一星期有中, 英文默書, 要背默既文字多唔多? 中文是否背默課文? 而英文是否背默句子?

在此謝謝麟媽媽講解關於學校的事情給我知!

麟媽媽

easiness,

上體育堂著埋運動衫番學架。
另外冬天既運動褲有兩款，千萬不要買條白褲，無人著架！只買件白色上身衫同埋買套藍色track suit，白褲好老土又容易烏糟。
默書方面，中文只會默一課課文，成年都只有兩課背默，其餘全部讀默。
英文多D，次次都係4頁書，4頁所有內文，有時D句子差不多重複咪讀得容易D。英文無背默的，因每次默4頁，到學期尾成本書都默晒了。

easiness

麟媽媽,

你有沒有睇今日蘋果日報, 若果真的要保持八成五, 是否意味住香華將不會同華仁接龍?   

反 對 英 中 「 落 車 」 　 攜 七 箱 願 望 卡
34 名 校 代 表 上 街 請 願
  
【 本 報 訊 】 中 學 教 學 語 言 及 升 中 機 制 新 方 案 的 諮 詢 期 將 於 本 周 六 結 束 ， 來 自 三 十 四 間 名 校 的 家 長 代 表 ， 昨 日 走 上 街 頭 捍  子 女 英 語 教 學 權 ， 之 後 與 子 女 到 政 府 總 部 請 願 ， 並 要 求 見 特 首 曾 蔭 權 ， 但 卻 被 拒 門 外 ， 惹 來 家 長 不 滿 。 教 育 統 籌 局 局 長 李 國 章 隨 即 主 動 約 晤 他 們 ， 雙 方 談 了 約 三 個 小 時 ， 贏 得 家 長 歡 心 。 　 記 者 ： 張 嘉 雯 、 倪 清 江





中 學 教 學 新 方 案 最 受 爭 議 是 英 中 須 持 續 取 錄 八 成 五 適 合 以 英 語 授 課 的 新 生 ， 否 則 便 要 「 落 車 」 轉 為 中 文 中 學 ； 新 機 制 也 令 有 直 屬 小 學 的 英 中 ， 擔 心 與 小 學 結 成 一 條 龍 學 校 會 導 致 落 車 ， 因 而 拒 絕 結 龍 。 昨 日 站 出 來 的 家 長 關 注 教 育 政 策 聯 盟 ， 成 員 多 是 來 自 英 中 及 其 直 屬 小 學 （ 見 表 ） 。
聯 盟 昨 在 記 者 會 上 批 評 有 關 建 議 剝 奪 家 長 為 子 女 選 擇 教 學 語 言 的 權 利 ， 要 求 當 局 擱 置 有 關 文 件 或 押 後 實 施 。 十 多 名 學 童 更 戴 上 「 救 救 孩 子 ， 救 救 香 港 ！ 反 對 強 制 教 學 語 言 」 的 口 罩 表 達 不 滿 。
家 長 代 表 鄭 李 忻 琴 不 滿 政 府 事 事 要 管 ， 「 點 解 樣 樣  都 要 管 ？ 連 學 校 都 無 機 會 揀 ？ 」
記 者 會 後 ， 十 多 名 家 長 代 表 及 十 多 名 學 生 ， 改 到 中 環  豐 銀 行 遊 行 往 政 府 總 部 。 他 們 在 總 部 大 閘 外 要 求 見 特 首 曾 蔭 權 ， 但 當 局 只 派 了 一 名 警 員 接 收 其 請 願 信 及 七 箱 家 長 願 望 卡 ， 令 代 表 不 滿 。 正 當 他 們 開 始 離 去 時 ， 教 統 局 局 長 李 國 章 突 然 派 人 請 他 們 留 步 ， 稱 可 與 他 們 會 面 。


李 國 章 晤 家 長 三 小 時
     
      
     
      

代 表 與 李 國 章 會 晤 近 三 小 時 才 離 去 ， 其 中 一 名 家 長 代 表 陳 侯 嘉 慧 會 後 說 ， 李 國 章 稱 可 考 慮 推 遲 有 關 直 屬 的 中 小 學 結 龍 限 期 ， 不 過 ， 表 明 由 學 校 自 決 教 學 語 言 不 可 行 。
陳 太 表 示 ， 早 已 發 電 郵 及 傳 真 要 求 特 首 曾 蔭 權 在 昨 日 與 他 們 見 面 ， 所 以 他 們 昨 日 感 到 十 分 失 望 ， 「 無 論 新 特 首 幾 忙 ， 天 氣 咁 熱 ， 小 朋 友 咁 辛 苦 ， 點 解 唔 出  見 ？ 」 她 說 ， 反 而 李 國 章 主 動 會 見 他 們 ， 令 他 們 很 感 動 。
教 統 局 局 長 新 聞 秘 書 說 ， 李 國 章 昨 午 剛 與 一 班 校 長 在 政 府 總 部 開 會 ， 當 他 知 道 有 家 長 及 學 生 前 往 請 願 後 ， 主 動 提 出 可 與 他 們 見 面 。 特 首 辦 至 截 稿 時 仍 未 作 出 回 應 。

東京mewmew

Dear 麟媽媽,

我想問下, 我個仔係細仔, 但係有宗教分5分(但係唔知total係10分, 定係15分), 入華仁機會大嗎?

Thank you