自尋煩惱？

星運教授

原帖由 mo-b 於 16-03-19 發表
我個女傳統小學就讀，學校有直屬Band 1A中學，我個女成績都係band 1A，但係唔係最top嗰啲，老師話佢入返直 ...

唔好意思 ，點解係爸爸理性分析出事？

利申，男人

Marians

既然屬同一個嘉諾撒會,女兒又是1A 成績, 會吾會考慮轉聖家或聖瑪利,  我相信SHCC 的rules and regulations 比 SMCC 更保守, 樓主係咪舊生, St Marys 的女仔 現時已活潑左好多, 我地舊時就慘, 我意思係校規, 加埋 而家的老師都好好, 亞女12年都 讀得開心, 開始吾捨得畢業啦

其實, 小學吾開心, 吾等於中學都吾開心, 亞女小學時都有同學虾佢, 上到中學, 初初都互不理彩, 慢慢升higher form, 邊到記得舊仇, 我地不能要求個個同學都對自己好, 受歡迎, 升到其他中學, 一樣有機會發生不愉快, 這一點令千金都要考慮到

panbaby

唔想見同學, 咁中學部就唔好去了;

個人意見: 多些帶小朋友去其他中學看看(選多幾間, 覺得大人小朋友都接受到), 雖然自行己完, 冇開放日, 但去學校睇吓環境, 大小, 建築, 放學時候有機會睇吓學生點樣.  等大人小朋友心中有個數.  得閒問吓(在輕鬆環境下)佢意見呢間點睇; 你又講吓你的看法, 要中立(如男女, 校風, 自由度, 學術等); 又試叫佢排1234567...

咁去到大抽獎或叩門, 咪用佢自己排位去填囉...如果小朋友點都要去東九, 咁樓主就...認命吧.

Naurto

原帖由 samuellor 於 16-03-19 發表
you tube 星火飛腾第352集 陽光燦爛的一天。希望你見到基督教學校那份愛。



  ...

多谢你的分享，令我知道多些匯基。我囝囝就是in 完匯基後喜歡它，我地都放棄九龍城派位。

chan803

原帖由 星運教授 於 16-03-19 發表
唔好意思 ，點解係爸爸理性分析出事？

利申，男人

應該唔係理性分析出事，而係畀囡囡知道滙基收咗呢下出事....
囡囡鍾情滙基，收咗當然係想讀啦...

jaycee_mami

try SSGC!  

SSGC的學生style大多是活潑好動， 敢言， outgoing,  我覺得很適合你囡囡的性格， 而且程度又相近 （band 1A）， 不要浪費你囡囡的好成績。  

p.s. 我是SSGC舊生

siden

楼主話個女自己都講唔出滙基有乜好。我真係覺得佢似逃避多過真係知自己揀緊乜。

好似大人做到掹想轉工，有些人根本未太搞清楚新工果邊有乜好處壞處就轉咗先算，總之先離開依家衰老細衰同事先算。有冇考慮過若性格不變，同樣問題也會在新校出現？


滙基整體teaching approach 與聖心是不同的，若佢憎恨聖心教學方法，去滙基應有不同體驗。但你話SMCC/YWGS, 甚至SSGC/Marymount之類，我真心覺得在中學階段就算話style有些分別好了，本質上根本冇分別，仲要又係女校！SMCC/YWGS學術要求比SHCC更高。為咗本質上分別不大的各大女校，放咗個直屬位走去派位，本人愚魯，真心不明所以。係就係飛甩咗依家班同學，但若性格不變，唔使一年好大機會打回原形。

依家個問題係，佢老豆開咗一扇窗，俾個女發現有得揀。有啲野，唔知猶自可，一知收唔到科。佢個心就會忽然生了翼想飛。如果佢想走（滙基又好，其他津校都好），你唔俾佢走，佢係SHCC過得稍有不如意，反感、不甘與怨忿一定比佢以為得SHCC一條路多幾倍。你最好同佢傾清楚，世界無真正樂土，每間學校都有好與壞，不要妄想去到某校就一定happy ending。如果佢態度堅決，正如楼上jm所言，你唯有俾佢入滙基（如果deadline未過）或應命冒大險去公海抽獎。

Yanamami

siden 發表於 16-3-20 10:04
楼主話個女自己都講唔出滙基有乜好。我真係覺得佢似逃避多過真係知自己揀緊乜。

好似大人做到掹想轉工，有 ...

Style会有分别的，就算同是天主教女校, 唔講成績，HTC、MCS同SMCC就好大分别，前二者自由到不得了，SMCC就厳好多。係间自由开放的同—间事事約束不可有差池的讀書，心态上会好唔同。聖心出名厳，跑馬地St Paul's都唔弱，听闻好似連学生会都無(听闻咋~)｡

siden

Yanamami 發表於 16-3-20 10:15
Style会有分别的，就算同是天主教女校, 唔講成績，HTC、MCS同SMCC就好大分别，前二者自由到不得了，SMCC就 ...

我明你講乜。
但你所謂的自由到不得了，quantify得太簡單。識人係MCS and SHCC讀初中，老實，真係唔覺MCS有自由幾多。

都係果句。一間要keep成績，keep女仔品行嘅傳統女校，規矩都係果堆。就算有些S1-S2冇咁谷少些test/quiz/project, S3 打上開行turbo也不要妄想太大分別。

反而留意下邊間高中揀科自由度高些或subjects combination 適合自己好過。

SP CATHOLIC我唔知，SHCC點會冇學生會？大家不要幻想SHCC好嚴好嚴吧，人地其實好正常。搞活動老師俾好高自由度。

Yanamami

siden 發表於 16-3-20 10:26
我明你講乜。
但你所謂的自由到不得了，quantify得太簡單。識人係MCS and SHCC讀初中，老實，真係唔覺MCS ...

睇小朋友性格啦，有d覚得無乜野，有d就覚得好压逼~我女有同学讀完GH小—，唔开心到个人落晒形，媽咪即刻同佢插班KTS。但亦有朋友仔由GH小—讀又唔覚有d乜禁惨~—样会升上中学部｡

Soundervolt

原帖由 siden 於 16-03-20 發表
本帖最後由 siden 於 16-3-20 10:08 編輯

楼主話個女自己都講唔出滙基有乜好。我真係覺得佢似逃避多過真 ...

識人B1A女校成績唔錯但返學極唔開心，覺得太束縛，與同學老師關係太差所以強烈要求轉到一間級數較次但標榜自由、活動教學嘅學校，但最後發覺情況未能得到改善，因為問題出自學生本身嘅思維及性格而並非學校。

hkpapa852

不管係學校還是女兒性格上的問題，如一切不變，恐怕只是死局一個；改變雖然未必能解決問題，但至少帶來希望

mcl203

原帖由 siden 於 16-03-20 發表
本帖最後由 siden 於 16-3-20 10:08 編輯

楼主話個女自己都講唔出滙基有乜好。我真係覺得佢似逃避多過真 ...

MSS係相比下自由度算大，由小學到中學如是，去到中學，學習風氣太輕鬆，會否對6年後DSE有D影响，反為係考慮點，同為天主教但路向一向唔同架 ~~~

panbaby

滙基是否男女校有住宿响九龍? 咁同傳統女校响香港唔駛錢就係分別好大。

其實如果唔介意俾學費男女校响九龍都得，咁選擇真係幾多, 唔駛一定要女校.  不如同囡囡大家一齊研究吓, 揾間大人小朋友都接受到, 以樓主小朋友聖心B1A成績, 叩門去女校男女校應該有能力.

我覺得去到呢步, 大人要再擴濶小朋友選校眼光, 令小朋友明白出面仲有好多選擇,  你可以唔讀聖心, 但並非一定要讀另一間, 你都未試去接觸過其他, 點知仲有冇更適合你呢?  教她擴濶自已的眼光亦是教育的一部分, 俾多啲選擇小朋友, 亦是小孩子的福氣.

Yeahly_ly

唔覺意路經此處，雖然女兒還在剛剛選定K1階段....本身作為基督徒....但爸爸偏愛聖心
本人就不知為何就是不喜歡，慶幸唯一一間被reject...叫爸爸死心.....睇完此post....感到思想自由可貴.....見到有人提及基督教學校體會基督大愛....更加感謝主～更決心放小孩係基督既手裡！

瑩瑩老豆

mo-b 發表於 16-3-19 09:23
我個女傳統小學就讀，學校有直屬Band 1A中學，我個女成績都係band 1A，但係唔係最top嗰啲，老師話佢入返直 ...

問題係為何當初報那直資中學? 又為何唔鐘意直屬中學?