自尋煩惱？

hkpapa852

mo-b 發表於 16-3-19 16:32
我同意東九是好學校，阿女會開心學習，可能發揮得更好,又體會她對母校感受, 但是母校是否如她想像般差？新 ...

請問為何認為女兒直升上中學就係好事呢？女兒既然不想，勉強去做，日後要面對的問題，只會更多。

自己參詳吓以下呢句說話：
你千辛萬苦要子女入劍橋，他日佢地還願送你入劍橋

ChiChiPaPa

先客觀一些。兩所學校究竟成績相差多遠?有無客觀的數字。定係只係憑感覺認為直資無咁好。如果相差不太遠的話,女兒所講係有道理。讀得開心係重要的考慮之一,不要只看成績。

chan803

原帖由 Laupy11 於 16-03-19 發表
話時話，我記得7號唔註冊offer就冇左，有得返轉頭咩？

唔同時間收信會有唔同註冊時限.....樓主問得，應該未過期掛...

mega_yi1

其實你囡喜歡讀男女校， 覺得小學囡仔煩。

Roxy688

某些留言頗難聽，人父已好難過，講說話比啲同理心啦！雖然我都讚成主導權應比番佢個女

mcl203

原帖由 mo-b 於 16-03-19 發表
我同意東九是好學校，阿女會開心學習，可能發揮得更好,又體會她對母校感受, 但是母校是否如她想像般差？新 ...

所以我咪推介SSGC / MSS 俾你考慮下，中間落墨， 完全唔同風格中學

Charlotte_mom

我係A類出黎（同一辦學團體另一間），我由一開始已為小朋友揀B類。我討厭我母校，高壓管治，唔俾人講，思想監控，一言一行都要跟佢個模。如果你女唔buy ，其實真係好痛苦尤其上到中學開始有自己思想，更加會表面順從內裡miu咀。強烈建議你地好好同個女傾下，佢心理應該有唔少想法，可能已經被夾到連講都唔敢講

WinnieCatCat

原帖由 samuellor 於 16-03-19 發表
她女兒不是逃避，只是天主教中學太嚴，令小朋友反感，讀書開心就成績好。



  ...

可能是我用字不當，我也不認為你女兒是逃避，但肯定她是想離開聖心。其實你女女好叻，能如此清楚表達自己既諗法。我明白你所講，都未試過讀聖心中學，點知唔適合？未入讀匯基，又係咪如想像中好？首先，嘉諾撒會學校既特色，係非常嚴謹，要求d女樣樣野一絲不苟，有時有d校規真係好騎呢，咁唔係唔好，但真係唔係人人適合。所以如果女兒係唔鍾意呢d style，真係唔使試下聖心中學係咪咁，因呢個係canossian style。至於匯基係咪如想像般好真係唔知，但客觀事實係，基督教、男女校，個style應同聖心好唔同。

當然，明白你會「感覺」上覺得聖心同匯基係唔同level，如果真係唔太能接受，咁引導女兒選返感覺上同level既學校會唔會好d? 就算同是女校，基督教女校一般冇天主教女校禁嚴，英華聖提都係good choice，如想男女校，港島都有好多好既男女校，唔使去到九龍東禁遠。再唔係高主教做男校女生。試下offer多點options給她，睇下佢接唔接受，當然，父母亦要嘗試接受女兒的選擇

mother904

mo-b 發表於 16-3-19 15:12
她覺得學校傳統又悶又嚴，提吾起學習興趣，老師惡,功課多又辛苦，吾想見番同一班人，框住左，她說希望讀得 ...

佢講得出呢堆理由，如果係我女，一定俾佢走

對左六年都唔想見番同一班人，可見佢對原校深痛惡絕，勉強留低，可能反而令佢心有鬱結。

反叛期上落可以好大，佢地唔happy，父母會好頭痕，學校幾好都好，佢唔中意就好難讀得好，中學係塑造性格的重要時期，呢點更加要小心。

mother904

mo-b 發表於 16-3-19 16:32
我同意東九是好學校，阿女會開心學習，可能發揮得更好,又體會她對母校感受, 但是母校是否如她想像般差？新 ...

如果你女的母校是聖心，我提議你俾佢走，因為在我認識的聖心畢業生當中，憎母校的可以憎得好徹底

朋友係聖心出黎，各方面條件都好好，但佢都發誓唔會俾女入聖心

未必係學校差，只係人同學校之間都要講配合，未讀已經憎，又點可以捱六年？

elbar

mother904 發表於 16-3-19 21:42

佢講得出呢堆理由，如果係我女，一定俾佢走

對左六年都唔想見番同一班人，可見佢對原校深痛惡絕，勉強留低，可能反而令佢心有鬱結。

反叛期上落可以好大，佢地唔happy，父母會好頭痕，學校幾好都好，佢唔中意就好難讀得好，中學係塑造性格的重要時期，呢點更加要小心。

除時唔係自尋煩惱？而係好似之前咁多中學生咁自尋....，樓主而重視女兒想法

gundamlo

我係南區嗰間Band one A嘅小學畢業，雖然事隔咁多年，但相信學校嘅文化依舊無變，我亦都係一個完全唔開心嘅小學環境長大，所以好明白你女的心情。如果真係咁抗拒，離開吧，否則成個童年就玩完。小學係名校又如何？唔開心無歸屬感。

奥脫福

自從小朋友上左小一開始，我地已經「潛移默化」佢他日要走的路，要上的中學。
除非成績配合唔到，否則真係無乜理由去玩呢個殘酷的ＳＳＰＡ遊戲！


除非再除非。。。

mo-b

好多謝大家的寶貴意見，我並無迫佢選直屬學校，我是建議她可参加派位，揀其他優質津校，派得吾好再叩門的

gundamlo

P.S. 我當年入E間小學都係父母嘅安排，佢哋咁多年都為我讀呢間小學校而驕傲，依個係可以理解嘅。但係我回望，我冇一日係聖心開心過，已經係一個好大嘅遺憾。
好都是同老公傾開計，佢都會分享佢係屋邨小學嘅一點一滴，佢有個超開心嘅童年，你真係要諗清楚，你要嘅係名氣，仰話要個女開心？