請問有無資優+亞氏保加的家長。

rakui

原帖由 sarworld28 於 14-12-22 發表
來個小一總結：女兒入咗女拔2nd in但最後得不到offer.  在另一間家長同小朋友齊齊final interview, 我終於 ...

恭喜你小朋友派得心儀學校！我完全明白她的情況，學術上超班，卻沒有辦法在與別人溝通時表現出來，很無奈。未來一年，我也要陪我小朋友預備及報考小一，真的前路茫茫。

sarworld28

可否分享下你們有沒有通知學校關於小朋友是亞氏保加？這有好處嗎？

YanKanMom

回覆 sarworld28 的帖子

我們沒有通知學校囝囝有亞氏保加, 但有告訴老師囝囝語言表達及溝通不佳. 學校也分別安排過短期的言語小組及社交小組予囝囝上課.

bb8608

見到你小朋友的情況也跟我嗰囝差不多。又係 K3, 讀九龍塘傳統 KG,  K1 & K2 的老師也可容納他的性格 （比較自我，有 temper, 活在自己世界中，學術完全冇問題）。但 K3 的老師比較老派，唔接納佢，話佢有 ADHA, 寫字 ugly, 唔識同人相處，全班也知他是最 naughty, 老師只看到他的短處，冇去了解他。我認，阿囝係有 d 問題，但我覺得老師冇諗方法去 handle。
我初時以為活動敎學的小學會比較啱我小朋友，但 in 咗幾間也唔得，嗰時也好 sad,好 lost. 反而學術性的就 ok, 放下心頭大石。
適合與，宜家唔知，但起碼有 offer, K3 也讀得輕鬆d，初時好驚要 K3 張成績表去叩門。
阿囝唔多望住人講嘢，比較易分心。下星期有機會和他到 某小學3rd in見校長，我也好想知道他 interview 時的表現是如何！

sarworld28

YankaNmom, 我這星期剛去完政府兒童醫院，它定了我女兒亞氏保加。要求我簽同意書把報告送去將讀的津貼小學。其實我女兒在一位教育心理學家跟進了四個月（每星期見兩次）。她認為我女兒有類似亞氏症狀，但覺得我女兒的思想比一般人複雜和高智慧。所以沒有輕易斷症。我也見到女兒這幾個月情緒有進步，所以想了解多一點才下決定。

sarworld28

回覆 bb8608 的帖子

好明白你的心情，因為一個月前我的情緒都被這小一遊戲變得大上大落。如果你小兒已有offer, 就放鬆心情吧！他有在外面上社交班嗎？我很希望在女兒上小一前減少她的問題，得到愉快的小學生活。

bb8608

原帖由 sarworld28 於 15-01-04 發表
回覆 bb8608 的帖子

好明白你的心情，因為一個月前我的情緒都被這小一遊戲變得大上大落。如果你小兒已有of ...

冇上社交班，我驚冇乜用，又唔平喎。邊間好㗎？

piglet0529

原帖由 sarworld28 於 15-01-04 發表
YankaNmom, 我這星期剛去完政府兒童醫院，它定了我女兒亞氏保加。要求我簽同意書把報告送去將讀的津貼小學 ...

我仔早幾個月政府兒科醫生寫"自閉症譜系", 佢有提及高功能&亞氏保加, 但話已歸類入自閉症譜系, 黎緊數月後會再有政府心理學家做小一前評估, 請問你女兒是否寫作"亞氏保加症"?

cl_kaka

piglet0529 發表於 15-1-7 09:27
我仔早幾個月政府兒科醫生寫"自閉症譜系", 佢有提及高功能&亞氏保加, 但話已歸類入自閉症譜系, 黎緊數月後 ...

我約1年前係政府評估，但我無任何醫生信！政府心理學家你係自己去排定係評估果度叫你去？

另想問下，當時你仔係政府評估既過程係點？因為我係政府做評估時，當時我仔4歲左右，個醫生首先叫我仔砌積木，再寫字同畫公仔，之後就拎左將A4字咁大既紙，紙上面有中文詞語叫我仔讀，讀完後醫生就叫我仔讀數字，之後每次講幾組數字，叫我仔講返出黎，或叫佢由尾講返上頭⋯⋯最尾就講故事，比D咭叫我仔排返個故事出黎，然後再叫我仔講故返出黎，最後就係拎D圖出黎，問圖入面既人做緊咩，佢地望住D咩⋯⋯！成個過程，差不多1個半鐘有多，我仔去到尾段已唔想再答，同醫生講你唔好再問啦！最尾個醫生同我講，佢而家都無咩問題，同人溝通眼神接觸都無問題，唯獨係心智解讀較差，而且你話佢之前眼神接觸差D，又唔鍾意同同年齡既小朋友玩，應該都係果類野喇，亞氏保加啦！不過小朋友記性好好，對數字好敏感，認知都好好，你同小朋友6歲時帶佢去私人機構做IQ TEST啦，除非小朋友有特別問題，如果唔係政府唔會幫小朋友做IQ TEST!我成個評估過程係咁既，你地有無唔同呢？

Cedric_mama

回覆 cl_kaka 的帖子

你好, 政府真係只叫你自己帶仔仔去私人做IQ Test我仔係四歲左右, 係教院蕊展計劃評左高功能自閉傾向. 不過當時專家話佢好輕微. 好難係坊間搵到啱佢的社交班
但就教左一d方法自己train 佢.
現在五歲d眼神接觸好左.不過同你係正苦一樣. 當時專家有話佢好聰明. 超好記性
最近我發現佢背數字好另. 背背埋埋好多車牌號碼. 連車的型號都知埋
有朋友提我囝囝可能係資優. 我都苦惱應唔應同佢去做評估

cl_kaka

Cedric_mama 發表於 15-1-7 17:00
回覆 cl_kaka 的帖子

你好, 政府真係只叫你自己帶仔仔去私人做IQ Test我仔係四歲左右, 係教院蕊展計劃評左 ...

我仔都係，記性好好！當時政府既醫生都有同我講係好輕微，不過我一直都有帶仔仔係D私人機構上社交！最近同社交班姑娘提起，政府醫生有提議叫我帶仔仔去做IQ TEST，佢地都認同覺得我應該帶仔去做，因覺得我仔認知能力超越左同年齡既小朋友！我同姑娘講我除左覺得我仔記性好，對數字好敏感兼情緒有時好大上落外，唔覺佢有邊方面係資優，但記性好，對數字好敏感呢D係亞氏特徵，姑娘話係，所以好多亞氏既小朋友都係資優！

我都仲諗緊做唔做好！


你小朋友做評估過程係點架？係唔係都好似我係政府咁？

Cedric_mama

cl_kaka 發表於 15-1-7 17:30
我仔都係，記性好好！當時政府既醫生都有同我講係好輕微，不過我一直都有帶仔仔係D私人機構上社交！最近同 ...

有份好長的問卷我做. 問返小朋友平時生活d野專家就帶左阿仔去房仔. (有玻璃我望到)
同你做的差唔多. 都係攞d玩具問下佢野. 又俾d書叫講圖中d人做嘜
但專家就俾我仔反客為主. 問返佢好多野 (例如點解你間房個到有個突出嚟的野. 嘜嚟嫁)
跟住又我傾下阿仔平時生活有嘜習慣

piglet0529

原帖由 cl_kaka 於 15-01-07 發表
我約1年前係政府評估，但我無任何醫生信！政府心理學家你係自己去排定係評估果度叫你去？

另想問下，當時 ...

我仔做既test同你仔一模一樣, 做完原本個兒科醫生想同我講我仔冇問題, 但因為當時早個月學校老師同我講我仔有的情緒問題, 想我帶佢去評估下, 所以我叫學校寫左封信比我, 內有佢地擔心的行為問題, 之後個醫生再問我的平曰行為就評左, 可能因為咁佢都想我仔大的再評, 所以排多左個期都唔定

piglet0529

原帖由 cl_kaka 於 15-01-07 發表
我仔都係，記性好好！當時政府既醫生都有同我講係好輕微，不過我一直都有帶仔仔係D私人機構上社交！最近同 ...

我仔也是智力冇問題, 看來也算某的方面資優, 發顛地愛鐵路地埋天文星球

sarworld28

回覆 bb8608 的帖子

其實我試過跟姑娘小組、跟姑娘單對單(最貴）、現在跟敎育心理學家跟進的小組。沒有話那一個最好，不過我覺得半年至一年就要review是否應該要轉形式。

sarworld28

回覆 piglet0529 的帖子

我都唔知那個政府的只叫姑娘的是否醫生。她是寫"自閉症譜系", 佢有提及高功能&亞氏保加, 已歸類入自閉症譜系, 她之前都有refer我哋去瑪麗醫院但二月才見。但我覺得她沒有經驗和不專業，因為她處理唔到我個女的情緒。她做完這個小一評估見我的時候，當住我個她面話我個女＂惡死＂。我女不愛被評估的感覺，所以我知道她會把不滿情緒放大十倍。

piglet0529

原帖由 sarworld28 於 15-01-07 發表
回覆 bb8608 的帖子

其實我試過跟姑娘小組、跟姑娘單對單(最貴）、現在跟敎育心理學家跟進的小組。沒有話 ...

我帶佢上過幾個社交情緒班, 比普通小朋友的, 只有一個比自傾的, 發覺呢的小組幾好, 我仔都有進步, 我們鼓勵他運用學到的技巧與同學相處, 之後上左K3後比佢係自己間幼稚園延展, 老師已反映佢同同學仔已互動了很多, 很欣慰!  但相信上小學後仍不時需要上社交班

piglet0529

原帖由 sarworld28 於 15-01-07 發表
回覆 piglet0529 的帖子

我都唔知那個政府的只叫姑娘的是否醫生。她是寫"自閉症譜系", 佢有提及高功能&亞 ...

Oic, 我們所遇的很類似, 我個精神科期四月, 我會帶埋之前學校封信同K3新的學校評估去

cl_kaka

sarworld28 發表於 15-1-7 21:40
回覆 bb8608 的帖子

其實我試過跟姑娘小組、跟姑娘單對單(最貴）、現在跟敎育心理學家跟進的小組。沒有話 ...

想問下教育心理學家你係邊到搵架？

sarworld28

只因為我朋友見到我女兒有情緒問題，所以介紹比我。見她有方法便試一試，女兒四個月來都有進步。這裡好像不方便比名嗎？