-

chickchick

kumasanee 發表於 21-3-23 12:46
具體真係好難講
IS真係多啲社交,似乎風險就大啲嘅
期望例如...小朋友有需要戒口(不是allergy,只係 ...

講多少少，
你的期望好簡單，亦相信well established IS一定做得到。
他們對allergy好著緊，有理冇理都會係一個nut free campus，你有對chalk allergy亦可提出，咁就唔會用粉筆呢d來進行class activities。介口呢d，自己小朋友唔食就ok。學校一向主張no share food。唔好怕有家長帶乜帶物比全班celebrate birthday，老師把關仲驚過你，真係唔比你派架。

而你話大病初癒。。。記得IS文化係，無病無痛先好返學。未ready請繼續請假，好多你就算冇醫生紙，真係一個email 溝通就ok.好過local school 多多聲. 早走遲返易話為. IS相信疫症下都係自己pack home lunch. 食乜都自己話事,當然,你話要又要加熱解凍呢D, 更係唔會有.亦不可咁local feel 臨到lunch呢個moment親自來送飯. 如果咁唔掂,真係抖到掂先返學. 呢D係文化問題,互相尊重. 有例如, 你話整親手,開唔到飯盒,得,大把人搶住幫你,可能同學仔餵埋你, 佢哋係好helpful好熱心的. 真人真事呀! 佢哋成日都斷手斷腳,打石膏, 大把人幫你拎書包.... 都係真㗎! 病完好耐返返學,老師會叫你分享經歷,同學會問候, 都係IS珍貴之處.

想帶口罩,話俾老師知你嘅基於科學上嘅理據,一定得.IS價值好重視respect.
有樣IS家長一定會心微笑嘅係.... 校服安排! 一定你會好中意! 因為冬天熱就可以短袖,夏天你病怕攝親, 真係日日長袖長褲都由得你, 係校服就得, 無人笑無人介意. 不過我哋多數四季也着好少咁解姐.

希望以上嘅經驗分享幫到你找到多些頭緒.