4 歲學鋼琴的疑問

Silver

回覆 Ting0408 的帖子

謝謝你的分享喔! 我囡囡在上一堂可以單獨跟老師上堂了, 我想不是琴室小的關係, 因為之前我陪佢上堂, 琴室都好大, 只是她與老師不熟而要我在場而已. 現在總算解決了這個問題.

我覺得老師的教學不算得上是活動教學, 都好直接灌輸式; 但見囡囡暫時都接受得到, 所以都會繼續. 上堂教樂理的時間很少, 主要教囡囡那個音符是甚麼音, 在琴鍵哪個位置, 用哪隻手指去彈, 便叫囡囡試彈, 所以都是彈琴為主.

你說得對喔, 老師開始教彈歌仔, 囡囡便有點興趣練琴, 雖然每次最多都是練十分八分鐘, 也不是晚晚練, 但我都覺得滿意了, 因為佢都好主動去彈下, 保持興趣, 我又唔係想谷佢去考試, 只想佢慢慢培養個興趣.

LeeCC

不同style的老師適合不同的學生

我朋友系鋼琴老師，但一向講話語氣比較硬，她說吾知點解她大半的學生都是男仔(現時由六歲到高中都有)，女學生都只系高小以上，差不多個個幼稚園或初小的新女生上了一兩個月就轉老師不跟她學，但她男學生由四五歲跟到中學都有，三四年班以上的新女生也跟到上中學
她後來跟一個已退學的女學生家長傾，原來系D小女孩覺得她惡，家長解釋男生可能頑皮，在家或學校，已習慣比較硬的語氣，特別是小學生，高小女生在學校也聽慣惡老師的語氣，但幼稚園初小女生未慣所以覺得她惡

朱地

原帖由 konew720 於 15-02-14 發表
朋友教琴，之前問佢幾大開始學琴好，佢話6歲。6歲俾佢上d幾個小朋友一齊上既堂，壓力細d。
可以一對一上堂 ...

傳統都係6歲等肌肉發展好了，先開始學琴

wam_pc

我個大仔現在7歲. 回想佢最初差不多4歲開始學琴時都有依個問題. 要慢慢解決.

老實說, 又會有邊個小朋友會好有恆心主動又有堅持去練琴? 當時我都係聽老師建議, 唔好要求每次都一定要"成功練到一d野". 反而應該係要建立一個習慣, 一個discipline. 我就先從大仔既其他興趣入手(佢當昤鍾意玩玩滑梯), 例如"嗱, 我地依家落公園玩, 然後番黎不如一齊彈下琴, 話俾個琴知你玩得開唔開心啦!" 久而久之佢就會將練琴associate去一d開心既野, 佢就會知道依樣野係佢日常生活既一環.

當然每個小朋友都唔同. 好似我個大仔以前就鍾意我倍佢一齊練. 但係個細女就連我坐係側邊都唔俾.. 可能佢本身都比較孤獨精啦哈哈!

caroljoyful

請教下大家
我個女25個月，由歲半開始上奧福音樂班，已上大半年，其實個音樂班唔錯，每個月有介紹一款新樂器比小朋友試下，亦有唔同既音樂元素
亞女係比較定、觀察力強、學野好專注個類,宜家上左大半年音樂班，佢對課堂有興趣既部分：老師示範樂器、老師教叮手鈴之類，但對於執波仔、跟住老師聽音樂做動作、行行跳跳、彩虹傘之類冇興趣，佢就會係個課室到周圍行，搞其他野
大家有冇意見我可以點做呢？有咩班適合亞女上？
我已經試過幾間其他既音樂pg, 兩歲幾上得既，都係搖下鼓、轉下圈、shakers之類，我女唔跟住做，冇興趣
葉氏既預備班要2.5歲先上得
柏c, TL我就未試過
我唔係要亞女咁快學樂器，只係我覺得太多動作既好似唔啱佢
大家可比d意見嗎
Thx

Jasminema2012

其實你可以同老師溝通，因為你個老師未必教得唔好，可能係唔習慣教咁細個，同埋你小朋友有冇音樂基礎?(即上過有關音樂班之類)，可能冇音樂基礎就上個別課佢有d乏味。我小朋友未夠3歲，老師同我溝通好知道咁細小朋友坐唔到咁耐，我就帶定填色簿，老師教少少又油下顔色，又聴下音，so far.  學左一陣已識彈歌

stpeh

即係你小朋友依家3歲幾就已經學到琴？好叻呀

Jasminema2012

原帖由 stpeh 於 15-04-09 發表
即係你小朋友依家3歲幾就已經學到琴？好叻呀

我小朋友未夠3歲

Silver

回覆 LeeCC 的帖子

So far 我囡囡已習慣老師的語氣, 都學得開心. 其實畀小朋友接觸一下不同風格的老師都好, 畀佢知道再唔係位位老師都係四萬咁口.

Silver

回覆 朱地 的帖子

我囡四歲的無名指及尾指力度的確欠一點; 但練練下就大力左.

Silver

回覆 wam_pc 的帖子

係呀, 初初我對我囡不肯練琴都有點煩惱. 但後來老師當面叫她要練琴, 加上我們又想辦法去鼓勵佢, 現在佢已經習慣了晚飯後去練琴. 雖然每次都係練好少時間, 但起碼不用我地再三催四請, 佢又喊苦喊弗咁去練.

Silver

回覆 caroljoyful 的帖子

我囡以前都有同樣經歷, 對音樂 playgroup 的有動作環節, 由最初願意玩, 到最後無興趣玩, 成日問幾時落堂. 由於老師好錫好錫佢, 我地都唔想 quit, 希望挨過一排佢會好番啲. 但最後我地都忍痛 quit 左. 因為唔想見到我囡每次返去都唔開心, 更加唔想因為咁而令佢失去對音樂的興趣 (甚至厭惡音樂). 加上另外一位老師說我囡可能已對這些 "柴娃娃" 的 playgroup 不感興趣, 可能要正正式式咁去學一樣野. 結果停了一排, 就開始學琴. 雖然都好唔捨得那位老師, 但都無後悔 quit 左那個 playgroup. 所以你可以參考一下.

Silver

回覆 Jasminema2012 的帖子

其實最初我都想同老師講可唔可咁咁咁, 但最後我都無. 一來唔想搞到老師尷尷尬尬; 二來我在頭一兩堂, 都旁敲側擊咁問老師, 知道老師係有教小朋友的經驗; 三來唔想老師就我個囡, 畢竟唔可以叫位位老師就我個囡個脾性去教, 反而我想我囡知道老師有友善也有 cool 一點的, 等佢去嘗試適應不同的風格的老師. 當然, 如老師很惡很差, 令我囡有機會失去學琴的興趣, 我一定會立即 quit. 雖然我對這位老師的教法有點意見, 例如教得有點亂, 令我囡 concept 有點亂; 但我都無跟老師說, 因為畢竟老師教學經歷一定多過我, 所以我會放手信任老師, 最多自己在家同個囡再執好啲 concept.

torunpoland

或者我轉個角度問你。沒有惡意的。你為何想女兒學琴？

caroljoyful

多謝答覆！我宜家都停左音樂班，唯有等兩歲半先join一d較有系統既班！
順帶一問，知唔知柏c (小小莫札特）同葉x (啟蒙班）邊個好d呢？
我只知柏c既要家長陪，起碼知教左乜，但係葉x又好似好有歷史

Silver

回覆 torunpoland 的帖子

沒問題, 我也喜歡分享~~

我想我女學琴, 最主要原因是我想佢起碼有一樣終生興趣或有一門手藝旁身. 鋼琴如可幫到他的學業或將來的事業當然最好; 但我比較關心是, 如她有時覺得悶, 都可彈下琴自娛; 或我們將來老了, 她也可彈琴給我們聽; 又或她將來失業,也可暫靠教琴為生.

坦白說, 我想她學琴, 並非想為升小鋪路. 同事建議我叫老師幫我女考級, 否則學來都是浪費金錢. 但我暫時不想這樣做, 因我只想培養佢對鋼琴有興趣, 不想因為要考級而令佢討厭彈琴. 如果我想佢學樂器為升小鋪路, 我就會叫佢學中樂或冷門樂器. 我選得鋼琴, 預左好多小學不會計算為優勢. 只是覺得, 我自己很喜歡鋼琴, 當然想我女也鍾意. 加上我覺得鋼琴是樂器之首, 所以我會睇高一線. 最初試堂, 我讓我女試玩鋼琴及小提琴,最後她選前者. 現在她學得不錯, 雖不是超喜歡, 但起碼不抗拒. 當然, 如有一天她討厭學琴, 我也不會勉強她學下去; 但一定要學另一種樂器, 因我覺得一生一體藝是必要的.

Silver

回覆 caroljoyful 的帖子

停左都好, 免得浪費時間金錢, 又令小朋友不開心或甚至對音樂反感, 雙輸!

我不知道這兩間的質素如何, 因為我女只在家附近一間小琴行學琴. 大琴行較貴, 或一班多個小朋友. 小琴行單對單不貴, 又可 focus 晒落我女身上. 另外, 這些興趣班, 我自己有一個要求就是地點要近屋企. 最好步行就到, 因不想浪費時間在交通上; 除非那個興趣較冷門, 家附近無得學,才考慮去遠一點的.

caroljoyful

Thx silver

fanny0139

回覆 Silver 的帖子

我女初學都係用呢兩本書，仲要3歲半已經學. 可能係老師教法唔夾你小朋友. 我女仲要上一小時(初初miss會同佢玩下d音樂卡數拍子, 小樂器...., 等佢熱身左最後先埋去個琴)，而家我女學左2年, 都ok呀, 而家仲每星期兩堂, 每堂一小時

Silver

回覆 fanny0139 的帖子

謝謝分享! 你囡囡好犀利呀, 一開始就上一小時! 其實我個女都已習慣了. 起初佢怕陌生, 頭幾堂要我陪佢上堂.可能得半小時, 又可能我女當時已四歲, 老師都無特別幫佢 warm up, 就埋去琴度睇琴書, 教下豆豉, 就試彈. 初初我女有時扁咀流眼淚, 細問之下才說手指好攰. 老師就改教下樂理, 休息幾分鐘又再叫我女試下彈. 最初幾堂都有時扁咀流眼淚, 但之後同老師熟左少少, 可以自己一個人上堂, 便開始順利了.

初初在家不肯練琴; 但之後就肯去練. 現在都學得幾好, 但我無打算增加鐘數或堂數, 因為現時半小時教的, 剛好足夠一星期練習 (每星期練四晚,每晚練5-10 分鐘). 如果好似你囡囡每星期兩堂, 每堂一小時, 我諗我地會唔夠時間幫我女練琴.