就近 VS 長途 上學

Vickyblah

元朗邊個位先？如近西鐵都可以考慮。但自己送一定好過校車保母車，因時間太長啦。。我自己都住元朗但無打算搭校車，會自己開車送。我唔係咁抗拒喺元朗讀，其實都唔係間間都咁多b6, 睇你讀邊間。有學劵嘅相對會多啲。我都報左元朗同九龍，最後等出offer再決定。你老婆好似對元朗好有偏見咁，如果係咁唔好搬入黎啦。元朗都有好多好有質素同貴價嘅屋苑架！

micdiana730

原帖由 vechibi 於 14-09-17 發表
我十卜你

多謝！
我唔係話想睇下究竟邊個啱，邊個錯，我只係想係無徧見嘅情況下大家好好商量，揾出一個對個囝健康快樂成長最適合嘅方法。

micdiana730

原帖由 Christine520 於 14-09-17 發表
本帖最後由 Christine520 於 14-9-17 19:54 編輯

樓主，我都好明白你嘅處境同心情，因為我係住天水圍的 ...

我明白呀，我小朋友都係7點就起身，但因為太太希望佢讀全日班，夜晚就等到我地收工先接埋小朋友一齊返屋企。
我覺得咁樣嘅話就太長喇，其他小朋友4點放學，我個囝就要自己等多幾個鐘，咁好似好慘咁。而且等到我地收工再去接，返到屋企就會好夜，跟住夜晚又會有婆婆同嫲嫲過黎同佢玩，我驚小朋友唔夠時間休息。

Moonlight819

我覺得不是小朋友早起與否的問題，是要浪費時間在車程的問題，如坐校車更長，我囝囝離我們住的地方只有十分鐘不到的車程，乘校車已要三十分鐘車程，對於一個兩歲的小朋友真的太慘，也可能因此不想返學！

Dediamond

回覆 micdiana730 的帖子

其實點為之"害"左個小朋友呢?如果去咁遠讀全日.即幾乎朝8晚7在外面
回家仲要食飯沖涼陪爺爺嫲嫲公公婆婆玩
真係要考慮下小朋友能否應付得到

dcdc2525

原帖由 micdiana730 於 14-09-17 發表
我明白呀，我小朋友都係7點就起身，但因為太太希望佢讀全日班，夜晚就等到我地收工先接埋小朋友一齊返屋企 ...

小朋友咁細,就搞到好似大人返工,真係三思再決定。

Christine520

如果返全日我就覺得唔係咁好喇！

siumak

micdiana730 發表於 14-9-17 17:06
因為外母一家搬入元朗，而太太睇過外母新屋後亦好鍾意，加上我爸爸媽媽一直都係住係元朗。
商量搬入元朗時 ...

你剛剛簽完租約﹐
當你一年生約一年死約﹐
你 apply 學校得來、收在生、開學﹐
死約都過了﹐
到時咪搬番出九龍；

你同你太太講﹐
唔搬出九龍就讀番附近的學校﹐
佢想小朋友出去讀就要搬﹐
就係咁簡單；

當然大前提係你小朋友真係有九龍心儀學校的offer。

siumak

micdiana730 發表於 14-9-17 21:21
我明白呀，我小朋友都係7點就起身，但因為太太希望佢讀全日班，夜晚就等到我地收工先接埋小朋友一齊返屋企 ...

哩個 Plan﹐
你地真係要搬番出來﹐
你太太似乎無視在自己都會疲倦的。

本身小朋友番全日班﹐
家長放工才接不是太大問題﹐
問題係家長放工、撲去學校、再一齊番屋企﹐
就當自私D未諗小朋友﹐
你太太當自己係鐵人?!

lovebb2

原帖由 micdiana730 於 14-09-17 發表
我明白呀，我小朋友都係7點就起身，但因為太太希望佢讀全日班，夜晚就等到我地收工先接埋小朋友一齊返屋企 ...

要check check, 學校接放學有限定時間，睇睇趕唔趕到接小朋友。

kerkermui

首先，list down會報邊d學校，包括九龍同元朗，有邊d學校值得你小朋友坐咁耐車，附近又有邊d學校值得報，就算讀4年都勉強可以
然後就去報名，收咗先決定出年搬唔搬返出九龍，或者荃灣/大圍都好d呀！

不過，你個係8月b，你預咗唔係咁多學校會收，除非小朋友好smart

liliankaykay

原帖由 siumak 於 14-09-18 發表
哩個 Plan﹐
你地真係要搬番出來﹐
你太太似乎無視在自己都會疲倦的。

極同意，我之前就係諗住自己送個女番學，再番工，其實送個女番學都係45分鐘再加自己番工45分鐘，共個半小時，但我捱唔夠一個星期就投降，實在太辛苦。因為我仲要早起身準備少少早餐，再叫醒個不情願番學既女，同佢換校服，tum佢番學，日日打仗咁！

lovebb2

原帖由 liliankaykay 於 14-09-18 發表
極同意，我之前就係諗住自己送個女番學，再番工，其實送個女番學都係45分鐘再加自己番工45分鐘，共個半小時 ...

咁現在點？

Shangrila

總有啲人，係唔試過唔會覺得有問題嘅！話俾你太太聽，出九龍讀可以，但頭兩個星期佢要自己帶個仔返學放學，如果觀察兩個星期都無問題嘅，咪繼續囉，發覺唔得嘅，一係退學等k1，一係轉校。

siumak

liliankaykay 發表於 14-9-18 09:53
極同意，我之前就係諗住自己送個女番學，再番工，其實送個女番學都係45分鐘再加自己番工45分鐘，共個半小時 ...

因為我正正就係哩批放工去接全日班小朋友放學回家的家長之一﹐
屋企沙田學校九龍塘﹐
都算只係隔在條隧道﹐
可以一程車過的話都還好了﹐
如果要轉車﹐
直頭要我命~

樓主係九龍塘 Vs 元朗﹐
我無話可說；

仲有﹐
全日班學校好大部份最最最遲要六點前接﹐
我好彩可以放早﹐
最快都要五點半先至到學校﹐
其實五點半已經可以放剩一、兩個小朋友架咋﹐
唔知樓主太太幾點放工呢??

liliankaykay

原帖由 lovebb2 於 14-09-18 發表
咁現在點？

原本搭校車要50分鐘（我同個女行路+地鐵要45分鐘，但搭校車仲耐），我女一開始又未適應搭校車唔肯搭，覺得好似自己送好d，但唔洗一星期辛苦到病左。後來安排由我早d番工的老公帶囡囡去奶奶度（同區但15分鐘路程），响响奶奶處食早餐換衫搭校車，仲可以遲20分鐘上車，校車車程只係30-35分鐘，所以真係好睇上校車係咩地方，同埋校巴安唔安排到！

stephanie714

liliankaykay 發表於 14-9-17 13:10
剛剛女兒N班要搭校車，我女係大B九月開學都近2.5歲，同係九龍區搭校車都要45分鐘，如果有得揀真係想近d。你 ...

Agree!

sbux

原帖由 kerkermui 於 14-09-18 發表
首先，list down會報邊d學校，包括九龍同元朗，有邊d學校值得你小朋友坐咁耐車，附近又有邊d學校值得報，就 ...

心水清，八月B，可能真係唔駛煩

sbux

原帖由 micdiana730 於 14-09-17 發表
請大家俾啲意見，
我小朋友係8月b , 今年1歲，住元朗，諗住報下年2015全日N班。

個半鐘車，如果校車點對點，你預小朋友一定瞓，而個頭就及下及下，對條頸好大影響

safeway

原帖由 Shangrila 於 14-09-18 發表
總有啲人，係唔試過唔會覺得有問題嘅！話俾你太太聽，出九龍讀可以，但頭兩個星期佢要自己帶個仔返學放學， ...

好同意，任何事都係'講時容易，做時難'! 元朗去九龍塘。。。我實在不敢想像一個小孩自2歳開始就要長征，如果樓主太太咁堅持連N班都一定要出九龍塘讀，可以肯定這個只是開始！先不討論是否開心童年，認真傾傾她心中長遠的理想藍圖，如她堅信只有九龍才有好的學校，你沒有選擇，確實要搬出九龍。

現解決方法，正如其他媽媽所講，先傾下報邊間學校，照報照in, 如果囝囝真係咁叻叻考入，咪俾佢讀試吓囉，事實勝於鴻辯，到時就知work唔work. 只係可能會辛苦左囝囝，而且小朋友好直接的，如果佢真係唔鍾意呢個安排，佢一定會用佢的方式話俾你地知