馬鞍山威寶幼稚園

wwpinky

請問有沒有人讀緊馬鞍山威寶幼稚園?呢間學校好唔好呀?請比D意見啦.

ccdccl

wwpinky
我今個星期六會同個女去威寶度面試, 我都想知衣間幼稚園好唔好, 佢個環境就一流, 好多空間比小朋友玩, 但我唯一需要考慮的係佢係私校, 可能會比較商業化, 我都好想知有冇其他媽咪可以比到意見我. 你有冇考慮崇真會美善呀

MrsFung

wwpinky
我個女係威寶讀緊K1，我覺得老師好好，常常打電話給我講她在學校生活情況。不過這學校較商業化，因樣樣野都貴d，好似冬季校服全套買齊都要$800，平時生日會晒相$3張，但老師細心，所以都物有所值。
另外，我女nursery時係讀崇真會美善，佢地有好多親子活動攪，不過上年我女的兩個班主任好似同校長不和，常常請病假，跟住今年仲無做tim，唔單止老師無做連嬸嬸都走，所以一定有些問題。

ccdccl

MRSFUNG
我今個星期六會去威寶面試, 如果收我個女大約幾時要留位, 因為我想揀多幾間再決定, 除左校服費之外, 其他費用大約幾多, 我上次問過話半年2400幾包晒生日會同書簿, 都貴過其他非牟利幼稚園, 咁平均1個學費連雜費大約幾多倒? 但佢地K1已經有外籍老師教英文同普通話, 呢樣我就最鐘意啦, 你可唔可以話比我知K1有冇電腦學?
崇真會美善我都報左, 你係咪因為班主任走所以同個女轉校?我報的原因都係因為佢有外籍老師教英文, 因為我想個女第時見到的外國人都唔會抗拒同佢地溝通

MrsFung

ccdccl,
我個女係讀國際班(全日)，外籍老師班主任再加1個本地assistant老師，上午係全英文，下午上中文堂。我記得書簿費1個學期好似係千幾蚊，好似唔駛交茶點及生日會費。K1無電腦學，不過有其他課外活動可揀，如ballet、體操、美藝等(但要另外比錢及是外聘導師教的)。
另外，我女係美善讀nursery時就唔係日日有英文堂，一星期1堂普通話，K1可能佢地英文堂日日有掛。
仲有，你去完威寶都唔駛咁快交留位費住，出年先決定都未遲，我覺得佢地實有位剩。

ccdccl

MRSFUNG
咁你個女而家用英文同人溝通係咪完全冇問題, 英文程度係咪好好?威寶係咪全年得半個月係暑假, 要返11個半月學的?
除左威寶仲有冇其他幼稚園介紹?

wwpinky

我剛剛係星期一去了威寶面試, 佢話下星期會有結果 !
你個小朋友係唔係2003年出世, 係唔係明年讀k1呀 ??
我唔知崇真會美善係邊到, 所以無唸過 !! 呢間好 ??

ccdccl

wwpinky
我個女係03年10月出世, 出年讀k1
崇真會美善係錦泰商場入面, 有教育署的視學報告介紹, 學費平過威寶。咁你面試果日有冇問威寶一個月學費連雜費大約係幾多?你唸住報主流班定國際班?你有冇睇MRSFUNG回應唔好咁快留位呀, 要揀定的先, 你重有冇報其他幼稚園, 有冇其他介紹?

wwpinky

知道啦 !!我想 主流班, 學費半日大約HK$1800 x 11個月,
另外每年兩次雜費大約HK$2000/半年. 我仲有兩個選擇,
綠菌及浸會幼稚園, 你有無意見呀 ? 你呢 ??有無其他選擇 ??

ccdccl

wwpinky
上次我去威寶有位小姐同我講學費係1800x12, 雜費係2400半年, 剩係得半個月暑假, 同你知道的有的唔同, 浸會幼稚園係咪即係浸會大學果間?學費好貴喎
咁你報左浸會同綠茵未?我其他的選擇係崇真會美善同大圍聖心, 聖心好多人都話好, 不過就冇外籍老師教英文

wwpinky

學費係Ms Wong同我講, 我唸係大概掛 ! 綠菌會於下個月面試, 浸會就係浸會大學個間,下個月交報名表, 到2006年1月才面試, 你對呢兩間有無意見 ? 其實我心目中係浸幼, 主要問題係車程, 時間及學費 !!

ccdccl

wwpinky
我覺得綠茵同威寶2間來講, 大家都係牟利幼稚園, 我就會揀威寶, 因為環境好而且學生人數都多, 證明都幾受歡迎, 我係教育署個網站睇到, 上午班有300幾人架, 浸幼梗係好啦, 而且學費仲好靚添, 聽講都好難入, 如果收你的小朋友, 而你又負擔得起, 都可以報讀, 不過就係路程太遠, 驚小朋友辛苦, 我就唔會揀咁遠, 大圍聖心已經係我心目中的極限, 好多人講未必出名的幼稚園就係最好, 只要小朋友讀得開心, 為將來讀小學打好根基就可以, 我而家唯一係想搵一間有外籍老師英文的, 等小朋友能大膽同外國人溝通, 但威寶又太商業化, 所以很煩, 你係咪肯定會係綠茵, 威寶同浸幼中選一間?

MrsFung

ccdccl,

我個女返左學已3個月，好明顯講多左英文，不過句子唔完整，尤其係屋企同菲傭講野。中文班主任話我知她在學校係明白外籍老師的說話，會照做。我都係想她平日接觸多些外籍人仕，唔好抗拒英文。
不過你要考慮下，如果你揀國際班，咁中文就會學少左，上小學中文會跟唔上。所以我揀全日班，中英兼顧。

ccdccl

MRSFUNG
其實我想報半日主流班, 因為學費較便宜, 我唔讀全日的原因係驚個女唔慣, 你個女開頭返全曰肯唔肯?咁有冇時間比佢地訓覺架, 你覺得讀半日主流班對小朋友的英文有冇幫助?

prudy

Hi all,

我囡囡讀緊威寶上午班,每日不同課題,有Phonics,中文,English,Maths,常識分五日(間中夾雜普通話堂-每月派回通告),係阿女同我唱國語歌我先知學校有教普通話).

Prudy媽咪

wwpinky

照我所知威寶係有普通話, 咁你個女讀得開唔開心呀 ?
你覺得好唔好呀 ? 有無揀錯學校呀 ?
請問年中多唔多雜費 ?? 每日幾多點返/放學 ?? 你個女係唔係讀K1 ?

wwpinky

我唸會係呢3間其中之一, 如果威寶取錄我個女, 我就唔會去綠菌面試, 代浸會睇o下有無机會再唸 ? 我唔唸大圍聖心, 因為無外籍老師教, 你有無考慮過靈糧 ?

ccdccl

wwpinky,
我有報靈糧, 11月5日去面試, 靈糧好多人都話好, 不過唔知有冇外籍老師教英文, 佢係好活動教學的, 學生好鐘意返學, 但係升小一就好辛苦, 因為平時佢地好少寫字架, 因為我都想將來個女讀傳統小學, 所以幼稚園時要學多的寫字, 真係好煩呀, 你有冇報靈糧呀, 知唔知究竟佢地有冇外籍老師?

ccdccl

Prudy媽咪,

我聽日會同個女去威寶面試, 你個女係咪讀k1?如果係真係好多野學, ENGLISH係咪外籍老師教?每天大約幾耐?你個女而家識唔識同英文同老師傾計?我聽MRSFUNG講好似K1冇電腦學, 你知唔知K2 OR K3有冇得學?我都想知年中多唔多雜費?

prudy

wwpinky,

嘩,你有好多???要答喎,我識答盡量答啦.

1)阿女都讀得開心,我聽佢'煲冬瓜',我哋重開心   
2)都OK,有冇選錯就無去諗喎,因我哋in咗兩間,兩間都收,另外嗰間係祟真(錦泰).
3)至於雜費,開學前比$2400雜費,學費around$1800,冬天校服剛剛要買,全套每樣一件around$800,課本有VCD,CD配合(可自由選擇)
4)大概8:00上校車,12:00落校車,阿女讀K1.