荃灣家長教師會聯會升小一觀校日2005

cookie

有冇人有份去荃灣家長教師會聯會搞既升小一觀校日2005 , 可唔可以分享下.唔該哂.....

升小一觀校日2005   
  日　　期：2005年8月27日（星期六）
集合時間：上午7時30分
行　　程：
A組
1/ 荃灣潮州公立學校上午校
2/ 中華基督教會基慧小學（馬灣）
3/ 香港浸信會聯會小學
4/ 荃灣官立小學
5/ 柴灣角天主教小學（上、下午校）

B組
1/ 天主教石鐘山紀念小學
2/ 香港道教聯合會石圍角小學
3/ 嗇色園主辦可信學校
4/ 荃灣信義學校
5/ 寶血會伍季明紀念學校下午校
6/ 梨木樹天主教小學  

christina

cookie:我無收到, 你囡今年升k3? 唔知是否每年都有得參加? 我想參觀吓.

cookie

唉, 我無份呀     

Angel

Cookie,

       我有份參觀A組, 本人感覺如下:
1/ 荃灣潮州公立學校上午校
     校舍舊, 設備少, 老師介紹時馬虎, 給我印象不好
2/ 中華基督教會基慧小學（馬灣）
     校舍大, 環境好, 教學方式採用活動式, 一人一職務, 可段練小朋友社交能力, 提倡(多元智慧理論), 功課不算多, 唯一交通比較不便
3/ 香港浸信會聯會小學
     校舍O.K., 各老師都很親子, 校長強調功課少, 考試少, 測驗少, 主要看平時表現, 都是採用活動式教學, 不會分精英班, 校長說每個少朋友在她心目中都是最叻最好, 但應該多人選擇
4/ 荃灣官立小學
     校舍O.K., 但設備都是傳統式擺設, 老師表情很 COOL無笑容, 校長強調傳統式教學, 功課多, 考試多, 測驗多, 一二年班不會分精英班, 直至三年班便以頭72名分A,B精英班, 真是全統式教學, 升中派位有九成多是Band1(英文中學)
5/ 柴灣角天主教小學（上,下午校）
    校舍舊但算O.K., 各老師都有笑容, 上下午校教學模式不同, 但都是採用活動式教學, 上午校會於08年搬到深井新校, 當時主要介紹學校課娛活動多, 下午校則兼顧在職家長在早上8:00至12:30的課娛計劃, 當中有當值老師跟進功課.

Ho_Ho_ma

Angle,

我都有去參觀, 大部份人都想入香港浸信會聯會小學, 但是無宗教分就比較渺茫. 其實 柴灣角天主教小學的上,下午校有什麽分別, 因為中一派位差唔多, 教學模式又差別多,但下午校的老師好似親切的但又比較年輕.我又唔想個仔08年要去到深井咁遠,如果讀下午校是否留在舊址呢? 我因為參觀當日趕時間所以無聽完下午校校長講完就走了.

小京

我都有去參觀，個人首選都係浸聯，其次係柴天下午校同基慧[馬灣]，柴天下午校係07or08會留係原址成為全日制，
我覺得下午校既老師好積極，感覺對學生好有愛心...

葆媽

浸聯 : 好buy 校長果句 “默書100分, 成就歸於家長, 因為是家長在家努力同小朋友默書的成果”, 所以佢地強調少默書。去年有大約30幾個跟家姐呀哥必入, 剩番40幾個位第一輪抽。叩門位唔多, 只得2-3個。

官小 : 佢地成個勢都係傳統教學, 仲好著重名次, 但唔明點個副校長話1-6年級都係活動教學。講明叩門位只考慮第一二輪都揀佢的學生。

有冇Tour B的家長可以分享多D關於石鍾山，伍季明，天佑？同荃天？

小京

咁你會楝邊間做首選...我好驚入唔到浸聯..叩門又入唔到..到時唔知點算   

jje

小京 寫道:
我都有去參觀，個人首選都係浸聯，其次係柴天下午校同基慧[馬灣]，柴天下午校係07or08會留係原址成為全日制，
我覺得下午校既老師好積極，感覺對學生好有愛心...

我都覺得柴天是一個不錯之選擇, 而馬灣便交通不太方便, 同時覺得校舍是大, 但看到內裡之課室便覺得教學方面仍未如理想, 例如在美勞室中見到內裡很簡單, 便給我感覺是教學一般, (主要是和其他學校相比), 我不懂怎形容, 但直覺是覺得新校未上軌那種感覺, 不知其他家長之看法如何?

葆媽

我唔肯定我女有冇5分宗教分, 因我老公揾唔番張洗禮紀錄。如有, 我會揀浸聯, 我知20分都要抽。如冇, 會考慮石鍾山, 天主教的宗教比較少人有, 同埋都算新校, 冇父母的畢業生分, 應該會易入D。我女連幼稚園的小小功唔多願做, 所以要揀間少功課的。

如果要去到叩門果一步, 就會漁翁散網, 基慧, 荃天, 柴天, 伍季明, 天佑……好大工程。

jcctiu

我都覺得柴天是一個不錯之選擇, 而馬灣便交通不太方便, 同時覺得校舍是大, 但看到內裡之課室便覺得教學方面仍未如理想, 例如在美勞室中見到內裡很簡單, 便給我感覺是教學一般, (主要是和其他學校相比), 我不懂怎形容, 但直覺是覺得新校未上軌那種感覺, 不知其他家長之看法如何?

我就覺得馬灣基慧相當不錯，除了校舍是整個荃灣最大和最新之外，我覺得學生和老師都相當親切友善，而且校長很注重培養學生的責任感，多數學生都會有服務學校的機會，高年班的學生更會被委派作膳長或親善大使等岡位。我第一次跟學校參觀馬灣基慧的時候就被他們那井井有條的千人午膳和高年班學生負責照顧低年班學生飲食所吸引，而且全程帶領家長參觀，介紹學校設施的全部也由學生親善大使負責。未去過馬灣的家長多數會認為學校隔涉，但我識得許多去過參觀的人都覺得基慧是所不錯的學校。

在荃灣基慧是我第二心儀的學校。

Nymph

石鐘山,伍季明,天佑同荃天
呢幾間都好難入,除非你有家姐阿哥係度讀.
以我所知,呢幾間嘅學校,要求都好高,成績標青,小朋友係出面有學課外活動.呢Ｄ小朋友會有機會收.因為第一次自行冇咁多位.

jcctiu

不過靈光只開一班小一,又是深井唯一的小學,競爭比其他受歡迎學校可能有過之而無不及.

dingdong.hk

i talked to the principal of 柴天下午校 some other day.  she joined the school 3-4 years ago.  柴天下午校 does not have elite class (the same reason as 浸信會聯會小學) but 上午校 do have elite class.   the quick learners in 下午校 will have a chance to learn additional materials.  下午校 is more assertive and undergoing some kinds of reforms now.

Ho_Ho_ma

荃灣官立小學妳是講邊間, 在麗城個間就分精英班, 很深要成日補課, 海霸街個間就輕鬆及淺的.

丸媽媽

葆媽 寫道:
有冇Tour B的家長可以分享多D關於石鍾山，伍季明，天佑？同荃天？

hi~葆媽,
還記得我嗎? 舊名WY呀! 時間過得好快,第一次見你聽你講囡囡找幼稚園,而家已經講緊升小一

我今年岩岩幫個仔由私小轉左返黎荃灣插班讀P.4,間學校係上教統局學位分配組找的,佢地同我講過,伍季明功課超多,經常收到家長投訴,如果怕多功課呢間一定唔好諗    

Mrssslui

荃天/海官 - 學校行政唔掂,老師一般公務員態度,出名係因為派位,同埋家長小朋友既努力,如你想靠學校教仔,就唔好選此兩校
石鍾山 - 活動教學,近年校長老師都好比心機搞好學校,唔錯.但升中派位麻麻.
天佑 - 傳統教學
伍季明 - 功課多, 又傳統
我較喜歡浸聯&基慧.