一條龍學生升中後成績

mastermama

小兒剛升小就入嚟中學呢邊取經，有見要入1A中學要真係級1-5先有機，小兒有幸入到間叫有中學backup 嘅直屬小學，暫免卻升中煩惱，有時都好奇呢類學校其實又點揀到適合學生入小一，始終考小時仲細，學術能力都唔係佔好大面試比重

但見外來生考入中學部全都是1A學生，所以就諗一條龍/直屬小學學生升上1A中學後，係唔係成績通常都係中下游多？
謝謝大家

b3410

見到小一版有討論過。
記得之前一位教授講過，教育或者說training, 幫助最大的就是中間80%的大部分人。有10%左右，本身就好叻，不需要教太多，自己都會去到前列，對這些同學來講，老師都責任是提供更多exposure, 空間，機會去發展，做更加有挑戰性的任務。同時也有10%左右的人，未必教到好多，可能怎樣教都不可能去到前列。老師的責任，儘量幫同學跟到大隊，找到自己擅長的地方，而去發展。中間的絕大部分，最受益於教學，教的好，可以出色，教得不好，可能平平庸庸。

所以一條龍學校，學生分佈也會如此。學校教的如何，也在中間的絕大部分同學體現。小一入學如何選拔，我想大概就是如何儘量多揀一些top 10%資質或者有這個潛力的，儘量減少bottom 10% ？

而在讀的過程中，會自然分流。讀的很好，覺得現在的學校“吃不飽”，可能會想轉去更加強度大的學校； 如果覺得現在已經太吃力，跟不上，可能會轉到輕松一些的學校。

升中之後，如果一條龍中學會收其他學校的尖子，例如全部揀top10%的, 這樣小學同學升上來，就算已經優於平均水平，也會好像變成了中下游。所以，如果有自己小學的band1中學，中學同學分佈，外校生同本校直升，大家水平接近，已經說明這間小學的教學非常有成效。

ok3

咁小學部都有b1生㗎嘛。我覺得頭個大部份，兩邊嘅學生都會有。不過又咁講，我都相信中學部考得較後嗰班，比較大機會會係掹車邊上中學部嘅嗰批小學部學生。
雖然之前我類似嘅結論有某校嘅鐵粉唔同意

angelanala

以阿女之前間小學嘅直中計，外來生考前中後都有，精英班佔大多數都係自己小學上的(當然呢個亦可能係比例問題，因為直中收返七成多自己嘅小學生）

Charlotte_mom

ok3 發表於 21-12-29 14:49
咁小學部都有b1生㗎嘛。我覺得頭個大部份，兩邊嘅學生都會有。不過又咁講，我都相信中學部考得較後嗰班，比 ...

理性咁諗，你設定係啱
但事實係，不少外來生高小靠補靠谷。到中學，學習方式改變了，家長/補習狂谷呢招已行唔通，家長亦無法好似小學咁日日追住eClass 跟進度，谷住上嘅亦不乏一蹶不振
咁當然直上又好外來又好，都有用功發奮嘅同學的

yeeling0101

如果係一條龍band 1中小學，
咁中學部一定係收盡 band 1外校生，呢一班學生為左考好中學，一定係谷到盡的，
而本身直升上去嘅小學生有band 1,2,3生
所以可以預期會有唔少外校生本身學術比直升小學生好。

但係外校生入左中學之後，學術上嘅優勢又係米可以一路保持直至dse呢？🤔
一條龍嘅小學生，又會否更為適應一向嘅教學模式，少左pick up時間，更易係中學部取得佳績？
純brainstorm, 善意討論，希望有經驗家長指教🙏

mastermama

yeeling0101 發表於 21-12-29 17:19
如果係一條龍band 1中小學，
咁中學部一定係收盡 band 1外校生，呢一班學生為左考好中學，一定係谷到盡的， ...

我都係呢個假設，所以想請教前輩討論討論

clz

一條龍勁校小學入既已經係千挑萬選，中一所見精英班本校外校全部學生各有千秋，都好勁！

tkhhung

mastermama 發表於 21-12-29 18:01
我都係呢個假設，所以想請教前輩討論討論

假設妳仔仔讀YW 男校 每年頭50名有一半左右向外求學 如去SPCC DBS LSC 等 不是學校不好 只是想去更高學府升中 打好中英數基礎 就有籌碼出去

wlisab

yeeling0101 發表於 21-12-29 17:19
如果係一條龍band 1中小學，
咁中學部一定係收盡 band 1外校生，呢一班學生為左考好中學，一定係谷到盡的， ...

中學表現都有好多變數，例如初中科目較多，高中可以聚焦文、理科，有啲由頭帶到尾，亦有啲高中跑出入神科。
再講龍小收生都有機會受到龍幼或關聯人士加分影響，未必100%能力行先。
而且大B係K3面試/叩門嘅優勢係入咗小學之後都會減退。

種種加埋都可能令龍小學生上到中學表現有變，始終宜家學生嘅表現唔係剩係反映自身能力，太多外來因素。

mcl203

mastermama 發表於 21-12-29 13:37
小兒剛升小就入嚟中學呢邊取經，有見要入1A中學要真係級1-5先有機，小兒有幸入到間叫有中學backup 嘅直屬小 ...

當然唔係啦。如果直屬中學子弟兵完全真係無料到，子弟兵一早升中已經鳥獸散了。況且，還要視乎直中收生策略，不少係收生會兼顧非學術原素，亦未必以甚麽1A生為必有條件，只係坊間嘅一廂情願，甚麽頭3 5 10係必須嘅先決條件～～～

tkhhung

mcl203 發表於 21-12-29 18:26
當然唔係啦。如果直屬中學子弟兵完全真係無料到，子弟兵一早升中已經鳥獸散了。況且，還要視乎直中收生策 ...

如果去熱門嗰幾間男校 真是要

mcl203

tkhhung 發表於 21-12-29 18:35
如果去熱門嗰幾間男校 真是要

若果唔係3 5 10 15莫非又引用神小無敵論？去支持自己嘅說法完美性～～～

tkhhung

mcl203 發表於 21-12-29 18:42
若果唔係3 5 10 15莫非又引用神小無敵論？去支持自己嘅說法完美性～～～

...

我不介意妳再介紹一下

mcl203

斷估嘅，如果一間1A中學係自行‘必收’1A生，亦即係佢係近乎收到40%或以上嘅1A生，亦假設1A生就係全港11.1%以內～～～

依2020 DSE EDB嘅統計，332244係23.6%，就假設4x6=24分或以上，332255係9.3%，就假設5x6=30分或以上，或許，自己去認為呢兩個數字有冇任何參考性～～～

不過，1A生係無劃一標準，可以有不同理解嘅～～～

mastermama

clz 發表於 21-12-29 18:15
一條龍勁校小學入既已經係千挑萬選，中一所見精英班本校外校全部學生各有千秋，都好勁！ ...

雖然已經歷考小遊戲後，幾千人揀百幾人，但有時都唔太明唔理解一條龍學校點樣揀到「適合」學生，明明考學術唔深，話睇性格特質多，但多數學生讀得又玩得

PTL_L

mastermama 發表於 21-12-29 19:12
雖然已經歷考小遊戲後，幾千人揀百幾人，但有時都唔太明唔理解一條龍學校點樣揀到「適合」學生，明明考學 ...

好多時，唔讀得但玩得既，去唔到升中階段，名直私津換血之數係唔少，只不過，家長會唔會出聲，定靜悄悄地離開呢？

PTL_L

tkhhung 發表於 21-12-29 18:35
如果去熱門嗰幾間男校 真是要

唔知中西區男校係咪算熱門之列，或藍塘道女校，中西區男校自行有預留位收特異（一定唔係級頭成績），女校自行收生更特別，唔只唔係只收級頭，級中都有，但呢個係數年前既case喇。

Luikm

小女將升小一，大家覺得播道還是st Clare 好啲呢？

tkhhung

Luikm 發表於 21-12-29 22:38
小女將升小一，大家覺得播道還是st Clare 好啲呢？

St Clare