我覺得社會應該要重視下中小學生沉迷打機問題

COLOURDAY

究竟打機系一種文化，放鬆的活動，定系一種慢性毒藥，另類的社會的問題?中小學生心智未成熟，自制力弱，係咪應該教育佢地要向“沉迷打機”say no ? 有時做家長真的很無助，現在成街都系手機鋪，朋友個個有手游，家長禁唔得幾多，勸多兩句自己都覺得討厭。

Honey

點解家長唔勸得咁多？識得教就會同小朋友定好規矩架啦！家長有教導的責任。唔識教就唔好開始比手機，好簡單。比咗手機就唔管先出問題。

torunpoland

COLOURDAY 發表於 17-3-3 22:16
究竟打機系一種文化，放鬆的活動，定系一種慢性毒藥，另類的社會的問題?中小學生心智未成熟，自制力弱，係 ...

要社會重視？又關社會事？點解唔係由家庭做起？我覺得父母應該重視中小學生沈迷打機的問題先囉。

1998Ruby1998

我見過有家長沈迷打機同煲劇，上樑不正下樑歪機會率高好多。有 d 家長甚至當手機係奶嘴，細路一想發脾氣就畀部電話佢玩，有 d 細路甚至冇問過阿爸阿媽就係佢地個袋到攞部電話出來，我係酒樓見過唔少。不過依家越來越多家長買靚手機畀仔女，中學就話需要 whatsapp group 傾 project、搵老師、約補習老師時間等等，小學生真係需要嗎？

智能手機推出果陣，我都係用緊 Motorola 龜殼機，中三先用阿爸部舊 Samsung Mini （因為班長好多通知都係 whatsapp group 講，我冇 whatsapp 所以冇帶野畀老師扣分），但係我主動要求冇行動數據，同埋部 Mini 容量得 2 GB，裝唔到好多野，咁就唔會玩到遊戲，只會玩到 d 好低 B 連小學生都嫌棄的遊戲。

我上門同兩姐妹補習果陣，有一次佢地父母在場，個家姐（中一）未上堂所以玩電話，佢阿媽話即刻話，你今日已經玩左 30 分鐘，交電話，我地講好左，簽埋約架wor，冇得通融。家姐雖然有少少不滿，但係都好聽話咁交電話。

小朋友係會比較自律低，但係家長可以幫手提高同一齊抗拒誘惑，身先士卒，言傳身教。已經畀左手機，都可以亡羊補牢，為時未晚。

MrBeast

水能載舟 亦能覆舟

Jane1983

家長責任最大，社會點重視都無用。

ysnmama

社會並沒鼓吹打機，是朋輩影響最大。所以家長要好好同自己子女溝通和教導。

October.

靠人不如靠己，家長以身作則，唔打機唔煲劇，一見到仔女有打機瞄頭，就即刻禁止，電子產品一開始咗就好易沉迷，阿仔都返來講，佢中一時同學，當時成績都唔差，後尾群埋打機朋友，成績個個學期都退步，有d科開始唔合格。
不過，亦有見過自律性高既學生，本身對學業上心，會溫完書先打機，學業成績保持得好好，只是呢類學生本身有佢既特質，其它人還是打少d機好d。

tutik

jumphigh 發表於 17-3-4 09:09
向沉迷say no學校一直有教啦，家長自己有冇教？你孩子沉迷打手机你点解比佢咁做？你有責任制止有責任没收 ...

你又知人地冇做？人地先知先覺在小學群組講中學生，你明未？個個話自己果個控制到，我接仔放學唔通見鬼？小學仲細睇得住，中學呢？本來我冇必要喚醒人，但因為朋輩影響，社會氣氛都變咗質。
就算小朋友做好課業也不宜花過多時間在電玩，有限既休息時間要静下來思考下，感受下生活，觀察下身邊人同事。本來社交既機會冇埋正常嗎？
話時話有啲grame 真係好毒，打唔完，又進级，轉頭又有message 開冇鬼宝盒加分，設計員既腦袋要小朋友成隱有幾難？我最憎打機又唔識，真係要有選擇性地比小朋友接觸。

tutik

jumphigh 發表於 17-3-4 12:26
你係樓主？你出post想唤醒人？？  咁你唸辦法唤醒自己先啦
...

我認同樓主。又唔明呀？

COLOURDAY

回覆 October. 的帖子

明白系家長自己責任，不能推卸，自己也很努力做好，小學還可以控制，但到中學，特別是男仔，佢可以去借去街鋪。慨歎越來越多家庭問題由機而起，只是想社會可以宣傳多d, 大家一齊幫下手

COLOURDAY

回覆 tutik 的帖子

好多謝你的認同，其他jm說的也有道理，明白有部分家長自己助長歪風，希望姐妹們和平討論

洋蔥頭媽咪

我唔讚成一味禁止，當小朋友年紀漸長一旦接觸反而容易失控，所以培養孩子自控能力相比禁止來得有效。其實打機亦非洪水猛獸，適量電玩對孩子亦有正面作用，但是家長必須從小就要引導小朋友，一旦發現小朋友未能自控，家長就有責任必須出手，約法三章或禁止一排，慢慢培養小朋友嘅自制能力。唔可以懶社會、懶學校，要教育孩子，絕對須要由家長做起，其實有部份家長自己都一樣沉迷，甚至從小就放縱子女、電子奶嘴，時下有好多小學生家長在小朋友未有要求時，已急不及待出智能手機給他們，仲話唔新款小朋友唔用，根本家長先係最大責任。

洋蔥頭媽咪

jumphigh 發表於 17-3-4 09:09
向沉迷say no學校一直有教啦，家長自己有冇教？你孩子沉迷打手机你点解比佢咁做？你有責任制止有責任没收 ...

我聽過有初中家長向學校要求，佢話自從出左部手機（唉瘋 )比子女後，常常機不離手，又唔做功課唔溫習，所以要求學校幫手管嚴啲。我聽了真心覺得很可笑 ，部 唉瘋 係家長自己要買給孩子，自己唔去管叫學校管嚴啲，唉...... 家長其實有冇諗下問題出在哪裏？？

planetearth

男孩子要多運動發洩過旺精力，建議多外出户外活動，就會忘記打機的刺激。 慢慢開解，唔好硬碰硬影響親子關係。 當孩子覺得受專重，才會尊重父母的 勸導。

October.

planetearth 發表於 17-3-4 23:24
男孩子要多運動發洩過旺精力，建議多外出户外活動，就會忘記打機的刺激。 慢慢開解，唔好硬碰硬影響親子關 ...

係呀，我仔就係仲有其它嗜好，平時練下琴又參加制服團體，加上學業俾到佢滿足感，時間分薄咗，唔會一味打機。

仲有，爸爸好肯花時間陪個仔玩，同仔天南地北，中西史科學一齊傾，爸爸對仔既影響非常之大。