証實係資優，但極唔鍾意睇書！

EstellaWong

小兒 十歲 係資優 ，但叫親睇書都唔願睇。
同佢一齊去揀就揀啲漫畫書。
又試過 同佢一齊睇 ，唔夠五分鐘就走人。

又咩辦法可以令佢有啲興趣睇吓書。

derek0811

呢D真係天生，冇得迫

leolam71

那方面資優。。

marcoli8

原帖由 leolam71 於 16-01-20 發表
那方面資優。。

Activehealth

原帖由 EstellaWong 於 16-01-19 發表
小兒 十歲 係資優 ，但叫親睇書都唔願睇。
同佢一齊去揀就揀啲漫畫書。
又試過 同佢一齊睇 ，唔夠五分鐘就 ...

鍾唔鍾意睇書，好似同資優無乜關係。

阿仔讀國際學校，小學無乜功課，但學校一定有一本適合佢地嘅水平嘅課外書俾佢地帶番屋企睇。佢同佢啲同學大部分都係書不離手，放假去旅行都自動帶幾本書去睇，其中可能有小説、知識性的、或漫畫、關於打機、嗜好林林總總。

我朋友啲細路讀本地頂級直資學校，校內學習內容當然比阿仔學校深，但見到本書就怕，可能因平時返學測驗默書考試、放學補課、温書、做功課已經成日對住本書。

我在外國讀中學、大學，睇書對我來說是種享受。但我啲朋友由細到大在香港讀書，都說畢業以後如非必要都唔會攞起本書，除非係八卦雜誌、財經書刋、馬經等。

Activehealth

仲有，如家長自己都唔會攞起本書嚟睇，好難叫阿仔睇課外書。

說教不如身教，就是這個道理。

浩霆豬豬

我仔平時都唔鍾意睇書㗎，不過一揾到佢鍾意睇嘅，就沉迷到不得了，可惜好難揾到啱佢睇嘅！

blackgarlic

佢鍾意睇漫畫書咪由得佢睇。我個仔都係勁鍾意睇漫畫書。

KarenKang

回覆 EstellaWong 的帖子

我個仔都系唔鐘意睇書。不過作文就很好，老師看他的寫作說他是資優。寫作好來自他的創意部份。這是他天生的，我没有教也没有迫，他自己enjoy. 不過我有鼓勵！

joys2334

其實要小朋友喜歡睇書, 不論資优與否,
都要設定一個睇書的環境, 同埋睇書習慣係自少養成,
如週圍太多的吸引, 如電腦, 手機, 電視,
不要說小朋友, 大人也不能抵擋這些吸引,
小朋友更一定會取易不取難

iamadc

我仔係四歲前當其他細路看書還在看圖畫時，佢只係睇文字，認字快又讀得快，好快就唔使讀比佢聽，佢就成本書讀到，但唔睇圖畫係一個問題，因為故事係看圖才明白完整意義，所以我們又花很多時間伴讀時叫佢看圖畫。但現在佢又反轉，看書唔太鍾意讀字，有時skip字來看，點算？現在五歲半。佢係可以靜下來自己看書的，但我現在唔知佢讀到幾多。還是因為有時看圖都明，佢就選擇來看文字？

augkBB

浩霆豬豬 發表於 16-1-21 01:18
我仔平時都唔鍾意睇書㗎，不過一揾到佢鍾意睇嘅，就沉迷到不得了，可惜好難揾到啱佢睇嘅！



  ...

他喜歡哪類書?

浩霆豬豬

原帖由 augkBB 於 16-02-22 發表
他喜歡哪類書?

我仔睇福爾摩斯

Jane1983

有點好奇，睇書是吸收知識一個好重要的渠道，極吾鍾意看書的小朋友，如何豐富知識？

lillymarie

我仔唔多鍾意睇書，但他偶然會睇雜誌。和他傾過，主要是無耐性。他最喜歡睇youtube. 喜歡短篇故事，聽音樂也一樣，喜歡聽 encores, 不喜歡 symphonies or concertos, 除非是他自己學過認識的樂曲
有時會睇百科全書，因為夠短，喜歡就來睇一段

我覺得背後原因可能是因他的learning style 主要是 kinesthetic

KarenKang

回覆 lillymarie 的帖子

同意，我阿仔都kinesthetic. 喜歡自己動手做實驗。喜歡上youtube學新知識。看書是其中一個learning media, 這個年代書本不是唯一吸收知識的途徑。他感興趣的科學書藉會看。迫他看故事書他覺得無聯。

準媽咪

視覺學習型 系咪都甚難 無近視呢 ??!

KarenKang

無近視，因為6歲前無迫寫，無迫認字，看書唔多，日日公園跑，在外面看遠景多，眼睛發育健全。而上小學除了功課，無迫練字，因為迫唔到，會大吵大鬧。不過好鐘意自已整呢样整個样，創作形，成間房亂七八糟。

lillymarie

有時近視是遺全的

我仔5歲前盲字都唔識多個，唔鍾意睇書，偶然之下才發現他原來極深遠視和散光！現在讀初中，前兩三年由遠視變成近視，和我的命運一樣。