有冇人排緊s位呀？

maggie814

我14年7月排，社工話我排個間有機會今年入到，宜家成日心掛掛

szenana

我13年6月排s位,個醫院社工話我今年都有好大機會

maggie814

原帖由 szenana 於 15-04-05 發表
我13年6月排s位,個醫院社工話我今年都有好大機會

你今年應該入到，你揀邊區？多人畢業嗎？

dypal

我14年十月排，因為孖仔有機㑹快隊，4月尾派位等信
8月入學喎，期待ing.......

iamyiten

我14年9月排，今年都應該有位

szenana

我選擇屯門區, 屯門堂特殊特兒中心 佢排到13年5月,不過聽人講呢間好好 好難入

szenana

我都希望佢排到s位,佢而家返e位 比之前返協康 進步得好慢 ,而且呢間e位 無家居訓練比佢做 剩係識得叫我交費用,返左半年先比得一次家居訓練我,我另原比佢做下迷宮練習等佢專注好d,比佢出面學下野,而家講到完整句子仲好過返e位

DollyCC

我13年9月排，希望今年排到

maggie814

szenana 發表於 15-4-7 02:44
我選擇屯門區, 屯門堂特殊特兒中心 佢排到13年5月,不過聽人講呢間好好 好難入



  ...

呢間有27個位，你應該入到

maggie814

原來有咁多13年未派，戥你地心急
好想快d知結果，希望大家今年都入到，唔洗等多年啦

bbymc11

回覆 szenana 的帖子

如果另一位媽媽話今年有27個位，仔仔應該冇問題可入學，唔駛咁擔心，我個仔讀緊唔係你首選嘅另一間中心，間學校都係一樣咁好，老師姨姨個個有愛心又有耐性，所以我仔只係入學一年有好大進步。

szenana

一年已經有好大進步,你個小朋友都算好叻,其實係佢幼稚園班主任成日問我 有s位未 如果有就話比佢知

szenana

但佢有27個位係唔係計埋特快???

szenana

如果佢真係讀到s位就好 因為佢出年讀小學 起碼佢比人蝦都識同老師講

bbymc11

回覆 szenana 的帖子

我打算比阿仔做大仔，係幼稚園讀多年，希望打好基礎先上小學，你個仔係大定細仔呀?我都好驚我個仔上到小學比人蝦。

maggie814

原帖由 szenana 於 15-04-07 發表
但佢有27個位係唔係計埋特快???

應該係今年有27個畢業，計到2月23日有22人選呢間第一選擇，但之後可能有人改地區，所以你好大機會入到~~你仔宜家k2？

szenana

我個仔仔佢4月出世,係唔係讀完s位要係出面重讀一年k3???

szenana

係丫我仔仔讀梗k2今年9月k3

maggie814

原帖由 szenana 於 15-04-08 發表
我個仔仔佢4月出世,係唔係讀完s位要係出面重讀一年k3???

以我所知讀s既小朋友5歲幾有個評估，會建議小朋友升主流定特殊，如果你想讀多年k3可以同佢地講，睇下可唔可以延長個學卷，因過左年齡冇學卷的

bbymc11

szenana 發表於 15-4-8 02:58
我個仔仔佢4月出世,係唔係讀完s位要係出面重讀一年k3???

唔一定要重讀k3,不過以我所知好多家長都怕小朋友讀左好幾年s位適應唔到小學嘅新生活，如果可以的話都試下重讀普通主流幼稚園比小朋友熟習一下，不過另一點要注意嘅係，我地個年份實在有好多適齢學童讀書競爭激烈，所以k3學位應該可謂一位難求，所以媽媽你如果想比小朋友重讀的話，你要有心理預備好難有插班位讀。