請問有無資優+亞氏保加的家長。

eric5354

希望找到同路人。

YanKanMom

囝囝快十歲, 六歲半時在政府CAC評為亞氏保加, 一直沒有做IQ測試, 只是有報讀中大資優課程, 故不知算不算是同路人。

carrai

我係半個同路人喇！我女係資優加adhd！最細果個都12歲！
我好希望大家可分享揍班細路的苦與樂！

szeching

你好! 我囡囡都是 , 我好少見到有資優 + 亞氏保加的家長在此分享! 好開心!
我囡囡小五 , 她的學業成績滿意 , 但社交和情緒就令我非常頭痛. 你們同樣面對這些問題嗎? 可否分享!

YanKanMom

回覆 szeching 的帖子

我也只是見步行步。初小時讓他上過一些社交/情緒課程，這兩年已沒有上了，因覺得作用不是太大。現時面對他的情緒如固執要人跟他那一套，不願聽人的意見，我盡量控制自己的脾氣(有時也會忍無可忍的，但爸爸脾氣也很大，如我也控制不了，將變六國大封相)。讓他發泄哭鬧一輪後，平靜了，他多數會要我親返他，因他自覺要修補關係。幸好在外他會加以控制，甚少發作。社交仍是弱的，難入群入組，獨處多。他是有動機與人做朋友的，但礙於技巧不佳，交友方面始終未如理想。我會跟他多說交友的竅門，盼望他在失敗中自我改善，從而摸索一條屬他的交友路。我會讓他明白只有兩條路，一是沒有朋友自己學懂悠然自處，若是有動機結交朋友，就需從失敗中學習有效的方法。做媽媽的當然想他快樂成長，亦固然會因他受傷而心痛，但知道有些事最終仍需由他親自面對的。

szeching

回覆 YanKanMom 的帖子

YanKanMom,

我囡囡10歲, 她的情況跟你囝囝有點兒相似. 小一時評為亞氏保加, 於是上社交/情緒班約兩年, 之後因為課程完結, 所以暫停. 二年級時在中大評估為資優, 所以在中大上了些課程.

囡囡渴望交朋友, 可惜她的社交技巧不好, 再加上別人覺得她言行舉止有點古怪, 又直腸直肚, 於是沒有一個固定朋友或真正朋友. 她時常因交朋友或朋友相處的問題而不開心, 甚至哭, 我經常要輔導她, 解釋問題所在, 教她怎樣處理. 有時我都覺得好煩, 又是這朋友相處問題.

另一個問題是在上課時, 老師投訴她經常不專心, 發白日夢, 畫公仔, 叫她答問題, 她又懂得回答, 考試成績又排全級頭10名內, 不過操行只得B. 我屢勸她上課專心, 但她時常不能做到. 老師話她自我中心, 經常沉醉自己世界裹. 有時囡囡話上課好悶, 所以畫畫.

當有問題發生時, 有時我想想, 這是因亞氏保加所引起? 還是資優特質? 怎樣處理? 不過最後, 我決定見招拆招.

YanKanMom

回覆 szeching 的帖子

其實有時我也分不清囝囝的問題是亞氏保加症抑或資優所引起, 又或且兩樣都有。漸漸也覺得不重要了，總之是盡量協助他發揮所長, 另一方面誘導他改善弱點。預了過程不會一帆風順, 情况時高時低, 心情時起時落，但心存盼望孩子是可進步的 , 否則自己被愁苦刺透時更幫不了孩子。

sarworld28

我女五歲K3，同你們真的很相似。她的學術上的優異沒有被發掘，老師每日只complaint她寫字慢、不懂跟同學相處、發脾氣、發白日夢。其實女兒已經四歲懂英中翻譯，五歳已喜歡讀shakespeare。因為行為不被接受，不能原校昇上小學，所以在努力找小學中。

rakui

我女四歲半k2, 年頭做咗test醫生話係高功能自閉，醫生話準確d係亞氏保加，不過新定義冇咗，佢建議6歳做資優測試。k1冇朋友，k2開始認得小朋友，多咗同同學玩，有幾個特別friend。情緒控制麻麻地，遇到唔如意、自己做得唔好就大發脾氣。佢鍾意嘅嘢就好專注，唔鍾意就睬你都傻。講佢鍾意嘅話題，佢就口水多過茶。人哋同佢講嘢，鍾意就答，唔鍾意就唔答。影相九成時間唔肯望鏡頭。3個月大就對文字好奇，一歳前已經認得超過百個英文生字，例如head, elephant, polar bear etc，宜家睇緊chapters book 例如 magic tree house等。中英文口語算native程度，普通話識聽唔多識講。煩惱當中，唔知佢點考小一，因為佢就算識都未必答。

sarworld28

Rakui, 同我個女真的完全一樣。我只希望她在學校找到伯樂。但不知幾時才遇到這樣的老師。

rakui

喺香港搵間包容嘅主流小學，應該唔多容易。你女學校是龍校嗎？

derek0811

同我個仔又完全一樣。喜歡文字及數學，睇緊字海書。

rakui

最近開始學琴，又唔肯練習老師敎咗嘅歌，偏偏要彈後面未教個d，又唔覺佢天生識sight reading，迫佢練老師敎咗嗰d佢就發脾氣好大力彈，更甚係將首歌升半key！我俾佢激到嘔血。佢冇情緒時可以好乖好sweet，一發脾氣就完全變成另一個人⋯⋯

sarworld28

回覆 rakui 的帖子

是。不過只有85%能升上自己小學因為小學位比幼稚園的位少。

sarworld28

好心傷。連弟弟讀緊幼稚園的二線小學都reject咗家姐。很傷心為何家姐的面試表現會如此呢！

YanKanMom

回覆 sarworld28 的帖子

這類遊魂慢熱的孩子在小一面試中真的不顯眼, 當年囝囝幸得姊姊已入讀, 最後學校也錄取了他, 換了今天競爭惡化, 有姊姊也幫不到多少的了。入讀後, 弟弟的平均成績卻比姊姊好。因此, 不用灰心, 就算現在入不到心儀的學校, 只要孩子的資質是可以的, 她總會有所表現的。不過，孩子的情緒社交發展也要高度關注，成績可以並不是全部。

kmmum

回覆 sarworld28 的帖子

我囡囡6歲,現小一.  情況和你囡囡一樣.  情緒.社交有極大問題. 所以,我選小學時, 一線津校不會選, 多功課多默書(必須有音樂/運動)亦不選.  選了間有40%上英中. (小班教學). (我區選一線尾的小學. 排第3/4).

亦問過社工朋友,知道這小學有處理/自閉/亞氐/語障'學生.

現在小一. 如我所料, 第一個月阿囡在校表現不太好.喊著認識的朋友,喊著抄寫多, 上堂大叫.
老師雖然嚴, 但亦包容. 煎熬了兩個月. 現在情況好一點.

幸運地,在校認識了數個家長小朋友都有自閉/ADHD 各方面問題. 知道學校會包容.
所以,你選小一時,要多加學校的SUPPORT

cl_kaka

rakui 發表於 14-11-6 12:59
我女四歲半k2, 年頭做咗test醫生話係高功能自閉，醫生話準確d係亞氏保加，不過新定義冇咗，佢建議6歳做資優 ...

我仔同你個女有8成似－“情緒控制麻麻地，遇到唔如意、自己做得唔好就大發脾氣。佢鍾意嘅嘢就好專注，唔鍾意就睬你都傻。講佢鍾意嘅話題，佢就口水多過茶。人哋同佢講嘢，鍾意就答，唔鍾意就唔答。影相九成時間唔肯望鏡頭。”

我仔而家5歲半認中文字好叻，但寫就好慢！英文就一般，但數學佢又好有興趣，我地無特別教，但佢可以心算計到3位數加減！


醫生都有建議夠6歲時去做IQ Test!我都未諗到同唔同佢去做IQ Test！

rakui

咁你小朋友考小一如何？可有經驗或心得可分享呢？

cl_kaka

請問你地有無帶小朋友去做資優測試？我仔仔情緒會好大上大落，小小事情都可以大喊一輪！佢喊完亦一樣會要我鍚返佢或攬住佢！佢唔鬧情緒時真無好可愛，但一情緒時就好似魔鬼咁！我有時會問佢點解要咁樣喊，你覺得喊可以解決到問題或者可以令我地讓你？我分唔到究竟係亞氏保加影響定資優影響情緒！我近排有諗好唔好真係去做下資優測試，但又會諗記性好，對數字計數呢方面好，認字叻其實呢D都係亞氏保加特徵，去做資優測試又好似好無謂！但又諗去做測試係唔係可以令我更清楚了解佢既長處呢？我明白媽媽應該係最清楚小朋友既問題，唔應該靠評估，但有時當幾樣問題出現時就真係好想好想帶佢去評估一下！