官校老師如此對待學生是好嗎?

fmhk_jj

有朋友的囝囝在北X官立小學就讀三年级，智商正常但有不能專注學習且不能控制自己的情緒。課餘參加公X式数學並超越學年。學校上堂數學科老師教學時，此生因已董運算，不能自控説出答案。因此老師不高興便要求家長停止課餘補習，待其他同學能達至與他同級數時才繼續。大家認為這樣安排是否對此學生好呢?

Gooblovebb

那樣做當然不好，不過這是個別老師的問題，並非官校老師才那樣呢!

kenwong888

回復 fmhk_jj 的帖子

It should be the compromised solution, as far as the impact to the class is minimised.  There is no harm right?

bobbob

fmhk_jj 發表於 13-11-4 08:14
有朋友的囝囝在北X官立小學就讀三年级，智商正常但有不能專注學習且不能控制自己的情緒。課餘參加公X式数學 ...

個老師固然處理不當，但家長自己有無諗過點處理個仔嘅問題？有無同學校傾？

仔仔錫錫你

識，講答案被投訴；唔識，問，一樣會被投訴。問題不是小朋友已懂or不懂，係老師唔能夠接受小朋友多口，打亂上堂秩序。只要攪得掂小朋友收口就得。

fmhk_jj

學校由小二已知學生問題，並已轉介給註校社工跟進並已看過醫生。

Charlotte_mom

老師要處理SEN問題要靠技巧同耐性, 唔易的, 而呢位老師用左直接既做法, 就係令小朋友唔識而避免認叻, 呢個係斬腳趾避沙蟲, 如果小朋友係有情緒問題, 衝動多咀, 就算佢唔係數學堂多咀, 一樣會在其他課堂多咀, 咁做唔係幫小朋友, 只係純粹以自己工作便利做出發點
家長處理手法亦要考慮, 小朋友有食藥嗎? 有出去做訓練嗎? 我知有D家長抗拒食藥, 怕副作用, 其實又有無考慮過小朋友上堂騷擾到課室秩序, 加重老師負擔? 另一方面, 如果小朋友成日攪事, 亦會影響同學對佢印象, 導致影響小朋友社交成長, 呢樣家長亦要留意的, 食唔食藥/訓練唔訓練唔係一個人既事 (絕無歧視, 我仔都係ADHD)

edmone731

先舉手後回答，老師在教無發問題，自己出聲答，其他同學又係甘課室咪好亂，我估不論官校，直資，私校老師都不喜歡，同埋幫人問都開埋學校名，依對學校好不滿。。。。。。

bobbob

fmhk_jj 發表於 13-11-4 11:20
學校由小二已知學生問題，並已轉介給註校社工跟進並已看過醫生。

醫生有乜recommendation？洗吾洗食藥？社工通常安排咗服務就唔會再理，有事要再call過。
要知道大班小學1班3、40人，如果個個學生一人一句會好混亂，所以都要留意吓課室應有嘅manner。我仔低班時都成日懶醒答埋隔離高班嘅問題，我會叫佢舉手等老師叫佢答先好答。

anntx3

我朋友個囝囝

大隻BB

''有朋友的囝囝在北X官立小學就讀三年级''

唔應該開學校名, 仲要有''朋友''的囝囝

hadwinboy

我個仔正常人一個小一開學都給老師話喎，事緣他由位到叫了出來，雖然出於好意(借筆給同學), 但確實不符上堂規矩喎。如果個個同學仔都由位大叫出來"我借比你丫" 課室米似街市?! 睇番你朋友個仔 case, 老師唔當眾話佢已算顧存 sen 仔自尊心。你應叫你朋友睇下點幫個仔控制自己.

whl3868

正路乜都唔考慮...好多老師都係反對課餘補習的~~~

babeBBDoll

原帖由 仔仔錫錫你 於 13-11-04 發表
識，講答案被投訴；唔識，問，一樣會被投訴。問題不是小朋友已懂or不懂，係老師唔能夠接受小朋友多口，打亂 ...

講得好！
我細個間小學就係咁
識答既講出黎係多咀，如果唔識問又會鬧……
個個最好唔出聲成舊木咁唔好郁唔講野，佢要你答問題你就要識答！就係佢地心目中既好學生

babeBBDoll

原帖由 大隻BB 於 13-11-05 發表
'有朋友的囝囝在北X官立小學就讀三年级'

唔應該開學校名, 仲要有'朋友'的囝囝

一陣比學校發現

fmhk_jj

雖然老師好難處理，是否要向外請教呢?因此類學生往往就是社交不足，朋友不多，他/她找到唯一的方法去表現自己，讓人注意。若果禁止他/她課餘的學習，是否等如不淮他/她的成績超越同學呢?大家會否體諒及接受他/她的表現呢?本來找到方法令他/她專注學習，但如此處理是否已打撃學習信心。即如何做都得不到老師認同，是否對孩子成長有負面呢?

ozoz

原帖由 fmhk_jj 於 13-11-07 發表
雖然老師好難處理，是否要向外請教呢?因此類學生往往就是社交不足，朋友不多，他/她找到唯一的方法去表現自 ...

我唔熟呢間學校，不過局外人睇，如果系大班教學，高度要求港式discipline,小朋友一個嘅行為會影響全班4x人進度，重要係已經好多好趕嘅課程。我估老師係有嘗試叫小朋友唔好講'嘈'住，但小朋友控制唔到自己，呢個情況下，可以點？如果揾専家問，我估答案係要另外花時間人力去特別埋去用技巧處理，有呢個資源嗎？老師一人停低去注意佢，咁個課程點好呀，其他4x人點算呀。你有冇其他提議？

註：我並不歧視有特別需要嘅小朋友，只係平心討論傾下。

fmhk_jj

此處不是針對某校或某老師，從宏觀角度去探討。因根據教育局指引，支持融合教育，即是個別表現有落差的同學要融合主流學校，這等如每間官津學校都有若干此類的學生，而官校是支持政府教育政策的，理應先接受培訓，老師也應好好裝備自己，如何實踐融合教育。身邊也有朋友的小孩子有相同狀况，但他們就讀的津校老師沒有如此處理。