學習懶散

Kayinden

我是不認同local school 的功課量及敎學方式，所以選擇了國際學校，但身邊又有好多聲音叫我小心，話小朋友好易會dum懶左而令學習懶散，叫我自己要比少少功課，好過完全0功課(幼稚園）。大家會自己在家敎寫字或寫copy book嗎？

workmama

我也會給小朋友額外適量copy book ,不過有時候不同父母有不同對子女要求！國際學校也有很多勤奮上進學生...子女管教及學業成績，相信要家校雙本齊下，不能完全靠學校.

torunpoland

我在家只教中文。兒子讀year 1, 談不上勤力，但絕非懶散，提醒他做家課，他會做，有時候也會主動做。

Radiomama

我仔在year 1-3時，沒有學校功課的日子就會預先安排好家課給他，通常是英文、中文及數學各一份。量不用多，keep住少許溫習和建立一個良好習慣就可以了。
當年我在page one選English & Maths workbook, 中文就自己起生字給他認、讀和抄寫。
越高年級，學校功課增加，家課就自行減少。
而重要的是，我們從小學至現在year 7, 都沒有上補習班。

oooray

原帖由 Kayinden 於 16-04-30 發表
我是不認同local school 的功課量及敎學方式，所以選擇了國際學校，但身邊又有好多聲音叫我小心，話小朋友 ...

你身邊D聲音完全唔認識國際學校。功課量少(0功課呢D廢話留番比唔得掂)。如樓上說，做D额外野保持住父母認為應有的水平，亦有人上下公文之類(我唔應同亦唔反對人地上), 更重要係多出嚟唔使做10樣功課D時間如何安排學習。多左時間玩音樂運動不在話下，如何幫助小朋友learn how to learn亦是重要。好似PYP,從幼稚園到Year 6都係嗰幾個unit, 咩who am I , energy, migration 但在家如果家長有心同小朋一齊做D extended research or discussion, 你會發現，可以學習嘅知識太多，唔同範疇，科學，歷史，甚至政治亦可以涉獵到。當然，有不少家長只願意付高昂學費但乜都唔理，懶散是正常的。

macdullbaby

好似唔係零功課喎，只係在學校時已經完成。在功課時間內早完成的小朋友經老師檢查後，可以出去操場玩以作鼓勵，做得特別慢的會俾老師要求留下來做完才玩

Radiomama

再補充一點：
自行安排的家課量和質要視乎孩子的能力和弱點來配合，每份家課5-10分鐘已足夠。

小兒在小學階段用上他大部分leisure time來閲讀，他自認是bookworm, 買書借書是他的樂趣。

chumiguan

I bought some exercise books for her to do since the last term in K1(my daughter is in K2 now). I have never set routine for her to do those exercise as it is really not my objective to put her in heavy academic learning. Just wanna keep her interested having fun sometime and as parent child time. However I will start giving her routine homework esp. in Chinese and maths in Year 1, with less than 10min to complete everyday.

birdbird

我仔在小學階段,
我只會在長假期我要返工的日子比佢做中英數各一份功課.
佢大量時間係自己睇書.
(我仔冇上任何補習班)

我觀察我仔同佢幾個同學仔, 佢地唔叫懶散,
係叫做 hea! 做事, 係旁人急, 佢地自己唔急,
佢地用自己節奏來完成功課
佢地揀自己鐘意做的事來打發時間
(e.g. 我仔會畫公仔, 整本書/報紙出黎自娛).

我反而覺得本地的小學生同家長,
因為功課多, 補習多, 以 '減壓' 來做藉口,
易養成 '打機' 的惡習

shadeslayer

原帖由 birdbird 於 16-05-02 發表
本帖最後由 birdbird 於 16-5-2 11:30 編輯

我仔在小學階段,

易養成 '打機' 的惡習

Xxxx

其實打機唔係惡習。過份打機才是。

Park88

回覆 Kayinden 的帖子

不用擔心，聽國際學校嘅前輩們講（他們的子女全部一綫外國大學畢業了，而家已工作中，專業人士），他們最初於子女中學時，也看見子女們好似每日不用怎樣温習做功課，忍唔住仲打佢地（以前嘅年代），日日擔心！前輩們心諗由得佢留班當教訓⋯⋯怎知IGCSE 考到好多A, 個個同學都考得好好！之後放手由得小朋友自律去學習！個個子女最終全部考得6-9A以上！所以請相信子女及學校！

紅紅

國際學校小學階段功課少，但不是零功課，另外只是堂課比家課多，引起誤會以為好hea。但好多小朋友有機會喺課餘發展其他興趣，何來懶散？除非勤力定義是做copy book+練習簿？

至於幼稚園，本地或外地，都根本不應該有功課，幾歲人仔hea吓開心吓係應份嘅，點可以叫懶散？

人生不同階段有不同責任，但幼兒階段的責任應該只是enjoy！短短5-6年都唔比人hea吓, 做少份功課又叫懶散，未免太不人道吧！之後要捱成世㗎！放鬆d啦！

Jane1983

「學習懶散」是生活態度，吾關讀乜野學校事。實情係你要讀得好，係IS或local一樣要出力，只係IS的過程會愉快d，少d功課、抄寫、默書、測驗...。

sell2japan

回覆 Jane1983 的帖子

孔子曰：「生而知之者，上也；學而知之者，次也；困而學之，又其次也；困而不學，民斯為下矣。」 (《論語·季氏第十六》)


要認命, 因為不知道仔/女抽到邊支簽

Jane1983

回覆 sell2japan 的帖子

不盡然，除了天生不幸智力有問題之外，小朋友自少完全不聽勸導，無心學習任何事物的，畢竟是少數。父母好好教養，引領佢走最好的路。努力栽培之後，小朋友發展如何，就多少要認命了。

annieeinna

其實國際學校的功課量不多，但是對功課的要求不是量是深度。深度非深奧，而是要他們思考，思考是一種習慣、過程，從小他們學習的內容就是讓他們知道學習的空間是可以很廣很闊。曾經我自己的日文老師告訴我（她兩位小朋友都是讀國際學校的），讓子女讀國際學校，家長的投入程度更多，因為我們本地家長的學習模式大不同，絕不能覺得放任不理，反而家長更要想多一些去引導子女。

Kayinden

提醒我的朋友們的仔女也是讀國際學校，一個是Y4, 另一個是Y6, 他們告訴我在Y2前也沒有給額外功課給仔女，後來開始自行比少少功課，小朋友就好反抗吾肯做話因為不是學校要求做的，於是唯有出去補習，補習老師要求做的反而好少少，所以提醒我叫我早少少（幼稚園）自己比功課，等有做功課的習慣，所以想問大家你們由幾大開始比小朋友额外功課（明白是適量）？

紅紅

首先，為何要自行加功課？如果覺得國際學校太hea, 要自行加功課，咁點解要比咁多錢留喺國際學校？十分矛盾！

紅紅

何謂適量額外功課？學校理應是教育專家，佢地定的功課量如家長認為不夠，要自己加，仲要係小學階段，我覺你要三思係咪真係應該比小朋友讀國際學校。