怪獸家長：Band2是垃圾桶 Band3是堆填區

elbar

撰文

:

TOPick 編輯

讀名校是成功的象徵？「90後教師決戰怪獸家長」」版主戴Sir今天（24日）在facebook 表示，一名學生因成績不達標已重讀兩次，他受校長委託勸說家長轉校，豈料家長卻堅持非Band1學校不讀，更形容「Band2係垃圾桶，Band3係堆填區」。

根據戴sir的貼文，該名學生3年前升中，因英文成績太差，導致英文、數學、科學、歷史及地理等科目不合格，目前仍在讀中一。期末考試出爐，該名學生的成績仍然達不要升班的要求，但家長居然要求繼續重讀中一。

戴sir受到校長委託與家長商量轉校事宜，但家長稱轉校可以，但一定要轉去其他Band1學校，

我上年咪講左囉，其他BAND 1 OK，BAND 2 就一定唔轉。

戴sir直言，以該名學生的成績，Band2學校都未必肯收，於是問家長轉Band2學校有何問題，家長就解釋，

叫我個仔著住BAND 2 校服，個校徽成個垃圾筒咁。
總知(編按: 之)唔係BAND 1 我都唔考慮，BAND 2 係垃圾桶，BAND 3 係堆田區。

更將兒子成績跟不上進度歸咎於教師的責任，

咁呢個咪你地老師責任囉，而家俾夠第三年你教我個仔中一課程，咁都搞唔掂你地咪係BAND 1 教啦，全部送去垃圾桶、堆田(編按: 填)區啦。

最後更明言堅決不會轉校，情願留在Band1學校繼續重讀做「垃圾」，

我寧願佢係一間BAND 1學校係中一班房做三年垃圾，都唔會俾佢去BAND 2做垃圾桶、去BAND 3 做堆田(編按: 填)區，阿SIR你明唔明丫？

更解釋她最大的憂心之處：

俾人知我個仔唔係讀BAND 1， 我邊有面出去同街坊飲茶新年帶佢出去拜年丫？阿SIR你明唔明丫？

相片來源：facebook截圖

小編就覺得，無論讀Band1還是Band2學校，只要努力讀書，總會有出頭路。小編重申，Band 2 絕不是垃圾桶，更何況垃圾筒桶都有出頭天，各位怪獸家長明嗎？

goodenough

好奇怪，現實跟本係沒有band 1學校而只有band 1學生！我諗這位「阿sir」已經降格到跟家長一般見識。難得有這樣的老師，也難得有為了件校服而親手送孩子上不歸路的家長，無怪乎有這樣的學生了。這位「阿sir」的學校又真係幾好，直情好到加零一，可以給你無限次的留班機會！如果是別的學校，既然留班試過，請離又唔得，索性讓你補考，給你合格然後升班！生命是你的，你選擇浪費是你的事，留班已經是最大的懲罰也是給你機會！但機會也不能無邊際的浪費納稅人金錢，始終還有其他同學等著善用！

skkeung

三十歲都讀中一！怪得誰！

RiboMM

吓？梗都得？
真係極品怪獸！頂唔順

secretrose

原帖由 skkeung 於 15-07-26 發表
三十歲都讀中一！怪得誰！

自己小朋友蠢仲要怪人，奇哉！

nintendo

其實呢個人寫D嘢，有幾多成係真？

Artie

nintendo 發表於 15-7-27 12:21
其實呢個人寫D嘢，有幾多成係真？

我唔信全部係真。

hkpapa852

ha8mo 發表於 15-7-27 18:08
我覺得唔係一個人，而係一群人，俾料個page admin寫
FB出既無名無姓野，你想有幾真呀？
...

其實現實係有唔少呢D家長, 就算作者唔攞出嚟講, 大家都可能都已經見識過.

如果作者只係想大家笑下開心下, 我覺得無問題, 但如果作者真係某間所謂"Band 1"中學既老師, 而不停網上公開佢學校學生家長既"醜態", 我覺得佢, 同基真小學兩位副校長, 根本只係一丘之貉.

作為一位教師, 如果見到自己學校既學生家長有問題, 應予以協助(或轉介予相關部門). 沒有為學生家庭提供支援, 更在網上公開其"醜事", 是一位教師的責任嗎?

如果呢作者真係某"Band 1"中學既教師, 我只會建議, 大家應對該校敬而遠之.

如果Band 2學校係垃圾桶, Band 3學校係堆田區, 一間有呢D面善心險, 口是心非既教師既Band 1學校, 係更可怕既"大頭奶粉", "地溝油", "超標鉛水"學校.

垃圾桶, 堆田區, 大家一望而知, 自會避之則吉; "大頭奶粉", "地溝油", "超標鉛", 落咗肚死咗都可能唔知咩事.

或者你可以好似某D專家/高官咁諗, 係入面讀幾年書, 拉勻一世唔會有咩問題既!