有無需要驗？驗了是否有program更好地栽培小朋友

Jane1983

小朋友6歲多，語文和數學有很大的超前，行為上無問題，都算聽話。

想問有經驗的家長，有需要帶小朋友去驗嗎？如果確定是，社會上會有更好的program或計劃去栽培小朋友嗎？還是得個知字，其實都無分別，一樣係家長自己想辦法幫小朋友發展潛能？

謝謝

Radiomama

Em...其實就算不做IQ Test, 也可報考中大資優課程，中大會提供一個評核，報名費$180；三年級或國際學校的Year 3生就可。如果再細一點，可致電查詢。報讀後每個課程若$3xxx/6堂左右。
春季課程1月20日截止，可上網查看。

如想參加Stanford or Johns Hopkins 等大學的gifted program, 也是上網睇，每間機構都有自己assessment，沒有IQ Test score也可一試。

當然大人總有好奇心想知道清楚子女的狀況，所以若金錢不是考慮，七歲後到一些機構做IQ test也可。小兒當年在中大做韋氏第四版，但我們做英文的，所以其成績是跟外國兒童做比較。

Jane1983

回覆 Radiomama 的帖子

謝謝，請問是否7歲後做最凖？

Radiomama

一般資料都說這test is for 6-16 years old, 不過香港普遍機構提供的資優課程都是小三甚至小四以上才開始，所以計埋個test的有效期（兩年）就不用太早進行測試。(特別是你的孩子無其他情緒問題，不用急於接受治療。）

Jane1983

回覆 Radiomama 的帖子

Many thanks

lillymarie

我住海外，仔仔報課程或報中學，主要都是看學校成績，或一些公開數學比賽成績。那份報告一直都沒拿出來。
最近認識growth mindset, 覺得這個approach對仔仔對我更有幫助。

YanKanMom

回覆 lillymarie 的帖子

請問什麽是growth mindset?

lillymarie

YanKanMom 發表於 15-1-3 18:31
回覆 lillymarie 的帖子

請問什麽是growth mindset?

What is mindset?

Carol Dweck: The power of believing that you can improve

YanKanMom

回覆 lillymarie 的帖子

謝謝! 嘗試找資料看看。

dlam141231

Jane1983 發表於 15-1-2 23:19
小朋友6歲多，語文和數學有很大的超前，行為上無問題，都算聽話。

想問有經驗的家長，有需要帶小朋友去驗 ...

你家小朋友, 情況跟我家兒子當年相若, 也是六歲多, 語文和數學有很大的超前, 行為上無問題, 而且仲算得上聽教聽話.
我們當年有讓他做測試, 就在六歲多, 果然是資優, 140+.   不過, 我們不是虎爸虎媽, 知道了是高興, 也沒有刻意栽培.   當然有找一所好學校, 讓他在學業上能挑戰較高難度的, 此外, 就是找些課外活動如國際象棋給他鍛鍊腦筋, 還有從小培養他廣泛的閱讀的興趣, 這樣一來, 學業上的培養就足夠了.   我們其實更注重他的健康, 讓他從小長期習泳, 又參加球隊, 因為他比同齡小朋友瘦弱.

就這樣無風無險, 兒子安然渡過小學和中學階段, 行為上也一直沒偏差, 又因為從小運動, 長大了體質也變佳.  他在30餘人的精英班裏頭就讀, 但成績只是中等靠後, 大概考20餘名, 不過, 他讀得輕鬆而且開心, 又朋友多多, 雖然知道若他稍為勤力些, 名次和分數應該會較佳, 我們也沒有給他壓力.  他現在已進入一般人認同的大學神科就讀, 而我驚訝的發現, 資優的優勢, 現在才真正顯現出來.  

所以, 資優兒童的父母, 應該如何做, 真的要端看父母的心態、期待、金錢和時間, 也要看小孩的個性, 不是每個小朋友的模式都適用.   不過, 我見你寫到你家孩子六歲多的情況, 想到我家孩子, 在此先祝福你, 家有資優兒, 但行為上沒問題, 已經是一大福氣, 往後如何, 心態放輕鬆, 隨遇而安, 可能有更佳收穫.

wan_sosin

dlam141231 發表於 15-1-17 23:51
你家小朋友, 情況跟我家兒子當年相若, 也是六歲多, 語文和數學有很大的超前, 行為上無問題, 而且仲算得上聽 ...

你的經驗分享實在很寶貴!

我的兒子同樓主一樣也是6歲,未做過IQ test,但老師曾叫我帶佢去做,但佢本身有ADHD,不過係踩界,個腦同個人都不會停下來,可以在床上自己同自己講一大篇天馬行空嘅嘢才瞓.

我曾考慮過帶佢去check,但現在想唔去多過去,因為佢現在成績很好,如果能力表現到出來,覺得未必需要知道有幾多分,也考慮當check完之後,佢終會知道個分數,如果學校同佢自己知道個結果,會否造成壓力?我仔又十分之貪玩,暫時都未知佢幾時先識認真,佢自己本身都有d感覺到比人叻少少,佢講過,我咁學,同學又咁學,點解佢哋會咁低分?

始終佢本身都未有很大動力學習,都只係玩玩下,個分數對佢現時來說好像無乜意思,相信都係大多少少再算.

Jane1983

回覆 dlam141231 的帖子

謝謝分享。
我女現在在一間學術好强的學校讀，讀得輕鬆快樂，我也是把精神放在幫她搞體藝發展，不過有時亦會想自己會否没有幫她發揮最大濳能，辜負左佢。

小曳人

Jane1983 發表於 15-1-18 09:23
回覆 dlam141231 的帖子

謝謝分享。

我嘅睇法係揾到亮點，俾資源佢繼續，再放少少資源去佢嘅缺點上面
記得加運動，最近聽講座話，一係團體講求合作嘅，一係童軍嗰類

我個仔有捉棋，而棋係佢嘅亮點
最近大半年開始踢足球，其實佢大肌發展比較慢，佢自己話去學，我地求之不得！

其他嘅，隨緣

浩霆豬豬

原帖由 dlam141231 於 15-01-17 發表
你家小朋友, 情況跟我家兒子當年相若, 也是六歲多, 語文和數學有很大的超前, 行為上無問題, 而且仲算得上聽 ...

可唔可以講吓，資優嘅優勢係咁大個時點顯現出嚟？因為我仔前年九月被評定為資優（144）後，我到而家都仲摸索緊到底佢係邊方面資優，有時都驚自己會擔誤咗佢佢成績就幾好嘅！多數全級十名內，學乜嘢都好快，又乜嘢都好有興趣，都多數三分鐘熱度。

dlam141231

浩霆豬豬 發表於 15-1-18 20:34
可唔可以講吓，資優嘅優勢係咁大個時點顯現出嚟？因為我仔前年九月被評定為資優（144）後，我到而家都仲摸 ...

嗯, 入左大學, 今年大二, 他那一系, 要成績好至入到, 同學中猛人不少.  但阿仔讀左一年半, 仍然讀得輕鬆, 可以用游刃有餘來形容, 佢仲攞埋奬學金, 係全奬.   我前幾日至問過佢, 佢身邊認識既同學裏頭, 成績優異既, 有幾多個好似佢咁係唔勤力都讀得好, 佢認真想了一下, 回覆是同屆的沒有, 師兄師姐中倒有兩個.   我已說過, 我仔在中學時期, 在精英班內是不起眼的一個, 我知佢聰明, 但佢係臨考試至去溫書果類學生, 平日更加唔肯上乜乜補習班之類, 因為懶做學校以外的功課.   佢上大學, 我仲嚇佢, 唔好再咁懶, 神科唔係咁易混, 唔好俾人踢出系.   但想唔到可以讀得咁好, 唸黎唸去應該係同資優有關.   

浩霆豬豬

原帖由 dlam141231 於 15-01-18 發表
嗯, 入左大學, 今年大二, 他那一系, 要成績好至入到, 同學中猛人不少.  但阿仔讀左一年半, 仍然讀得輕鬆,  ...

又係喎！因為知佢好記性，我呢個阿媽同佢溫習都唔算好落力，通常明天考邊科就今日先溫，咁考出嚟又幾好喎希望佢第日可以好似你仔咁考到大學就好啦！

小曳人

浩霆豬豬 發表於 15-1-18 20:34
可唔可以講吓，資優嘅優勢係咁大個時點顯現出嚟？因為我仔前年九月被評定為資優（144）後，我到而家都仲摸 ...

唔駛心急我都係好巧合之下，阿仔接觸到棋，我地從來無諗過要俾佢學棋架！我仲一拖再拖先幫佢報名...
基本上，俾佢睇多d課多書，上d體驗性或創造性嘅興趣班 (e.g. 聽人講 lego 機械人幾好，之後仲可以學上去，寫program， 我都好想俾阿仔上，可惜撞咗學校棋班！)
從中，由佢第一身去體驗學習，需要時加埋書本
另外，俾佢認識一d同佢一樣咁諗嘢嘅外星人，會有化學作用，我見資優教育學院家長小組班仔，特別係高小嗰班，學習動力大咗，自信心大咗！
只有由佢地自己主動學習，先會有火花！

dlam141231

浩霆豬豬 發表於 15-1-19 01:33
又係喎！因為知佢好記性，我呢個阿媽同佢溫習都唔算好落力，通常明天考邊科就今日先溫，咁考出嚟又幾好喎:h ...

有一點要補充, 我們雖不是虎爸虎媽, 但也沒有完全放牛食草, 尤其是從小培養他廣泛閱讀興趣這一點, 花左好多心機. 佢閱讀範圍廣泛, 小說以外, 歷史, 科學之類既書籍都睇好多, 一般常識比許多同齡孩子豐富許多.  記得係中五時, 阿仔學校搞左個類似通識既擂台, 由得校內高中年級學生自行組隊參加, 勝出既一隊就去和友校作一場友誼比賽.  阿仔俾同班既才女同學立時拉入隊, 佢地在校內20隊參賽者中脫穎而出, 和友校既比賽都嬴左.   此外, 我其實都著緊校內成績, 但我要求唔似其他家長咁高, 考得OK就收貨, 而且亦都了解個仔性格, 知道逼唔到.

Jane1983

回覆 dlam141231 的帖子

係，佢地對常識好感興趣。我女同我講美國的first amendment，second amendment，又講cold war、latin music...這些都不是一般6歲小朋友會有興趣的事情，但佢睇video，其樂無窮。

himmamme

浩霆豬豬 發表於 15-1-18 20:34
可唔可以講吓，資優嘅優勢係咁大個時點顯現出嚟？因為我仔前年九月被評定為資優（144）後，我到而家都仲摸 ...

個EP應該会同你解釋，我個仔那時佢有解釋边方面优秀，可以如何栽培。