【短片】拔尖報牛津 阿倫兒子英會考12A*

elbar

http://hk.apple.nextmedia.com/entertainment/art/20130423/18236983





■譚詠麟兒子曉風讀書叻過老竇，以拔尖身份報考牛津大學。

現年17歲的譚詠麟（阿倫）獨生子譚曉風超叻仔，於英國GCSE（英國中學會考）考獲12A*好成績，現以拔尖身份報考世界頂級學府牛津大學，令身為父親的阿倫引以為榮。身高6呎的曉風不但生得高大靚仔，還遺傳了阿倫的音樂天份，彈鋼琴、結他、打鼓周身刀張張利。據知環球唱片想搶簽曉風做歌手，可惜被阿倫一口拒絕。

譚詠麟跟老婆楊潔薇結婚逾30年，遺憾兩夫婦多年來並無所出，反而是無名無份的紅顏知己朱詠婷（Wendy），卻為阿倫生下兒子譚曉風，阿倫和Wendy對獨生子疼錫有加刻意栽培，曾就讀本港南島國際學校的曉風，大前年考獲十優狀元後，據知前年他被阿倫送去英國讀書，於英國GCSE考試中以12A*被拔尖，約兩個月前正式投考有「天才與首相搖籃」之稱的牛津大學。

吳錫輝：佢個仔好叻

廣播處前副處長吳錫輝日前接受本報訪問，踢爆好友阿倫兒子的威水史，吳錫輝說：「兩個月前有朋友生日喺馬會擺咗六、七圍，阿倫、志偉、學友、阿叻都出席，我話我個仔係港大一級榮譽生，去年喺倫敦大學讀歐洲電影史，三十人考第二，阿倫聽到就問我：『你知唔知我個仔喺邊？佢喺Oxford interview，拔尖。』」

吳錫輝大讚曉風醒目，不但叻過老竇阿倫，簡直是半超人，他讚嘆說：「佢個仔原來好叻，點可能一個國際學校嘅local student，可以喺GCSE攞12A*，𠵱家無論香港及國際標準考試，12A*係top到冇得再top，top of the world，半超人，呢個𡃁仔DNA超越佢老竇，之前阿旦（鄭丹瑞）同我講，有次阿倫帶曉風去澳門踢波，曉風6呎2吋高好靚仔。」但據悉曉風身高只有6呎。


■牛津大學是世界頂級學府，有「天才與首相搖籃」之稱。


■阿倫公開承認有兒子曉風和知己Wendy後，不時被影到一家人天倫樂。

昨日記者再致電吳錫輝，他表示不知道曉風考牛津結果，但當日阿倫告訴他全校只有兩個學生考到12A*，一個是印度學生，阿倫沾沾自喜對他說：「知唔知第二個係邊個？咪我個仔囉！」吳錫輝表示日前為nowTV節目《輝哥的饌賞》訪問阿倫時，就曾取笑他：「我話發夢見到譚伯（阿倫先父）喺天堂，用智能手機google到高大英俊威猛嘅孫戴狀元帽考到12A*，阿倫聽到儍笑。」牛津多名人就讀，霍啟剛02年於牛津大學取得經濟及管理學學士，至於英國巨星曉格蘭特（Hugh Grant）和「戇豆先生」路雲艾堅遜（Rowan Atkinson）都是牛津畢業生。


■吳錫輝日前訪問溫拿，羨慕阿倫有個考到12A*的叻仔。

文武雙全環球搶簽曉風除了讀書叻，亦能文能武，5歲時憑一幅素描贏得全港兒童繪畫比賽亞軍，又是學校籃球隊成員，他更遺傳了阿倫的音樂天份，11歲考取六級鋼琴，既懂打鼓又識彈結他，據知阿倫所屬的環球唱片就想搶簽曉風做歌手，昨日記者致電環球高層黃劍濤查詢，他承認：「兩、三年前阿倫帶囝囝睇Mr.演唱會，當時見曉風靚仔又好有音樂天份，問有冇機會簽佢？不過阿倫話：『諗都唔好諗，讀書緊要。』」據知Wendy都不贊成乖仔入行，在她的眼中曉風是最完美兒子。

其實阿倫和Wendy關係保密多年，直至06年阿倫父親去世，在訃聞上確認兒子譚曉風身份，當年他接受電台訪問，承認自己有老婆叫楊潔薇，有知己叫朱詠婷，更有個兒子叫譚曉風。阿倫不時讚兒子讀書叻，又喜歡打籃球，阿倫曾被問到會否讓兒子像NBA球星林書豪做職業運動員？他一口拒絕：「梗係唔會，囝囝好讀得書，唔會畀佢以打波為職業。」

話你知：入名校關卡

譚詠麟兒子譚曉風前年所考的GCSE，即普通程度證書考試，是英國最基本的中學考試，所有在英國讀書的學生都要參加，考生普遍介乎14歲至16歲，考生要在GCSE取得資格，才可報考A-level及入讀大學。一般考生會選擇報考8至10科，除了必修科英文、科學和數學外，亦有些人文學科包括歷史、經濟和地理等供修選。GCSE分9個評分等級，按次序為A*、A、B、C、D、E、F、G和U，而譚曉風考獲12A*已算是頂級尖子，入名校夠資格有餘，當然亦有「神人」考獲16A*。

小時候：越大越俊朗譚曉風是譚詠麟跟紅顏知己Wendy的獨生子，小時候是肥仔一名，11歲已重140磅，幸越大越靚仔，比老竇更加高大英俊。


【6歲】


【7歲】


【9歲】


【11歲】


【6歲】


【7歲】


【9歲】


【11歲】


【14歲】

最威水：大學畢業踏星途

譚詠麟兒子準備考牛津大學，其實圈中不少藝人擁有大學以上學歷，其中郭藹明更碩士畢業，美貌與智慧並重。

郭藹明
美國南加州大學完成電子工程雙碩士

孫耀威
香港中文大學電腦科學及工程系、香港大學工商管理學系碩士

謝安琪
香港大學文學院畢業，主修美國研究

方力申
香港大學工商管理系學士畢業，亦曾是香港游泳代表隊成員



許廷鏗
香港大學牙醫學士，現為歌手及執業牙醫

森美
香港中文大學新聞與傳播學院畢業


呂慧儀
呂慧儀香港科技大學電子工程系畢業

slamai

回復 elbar 的帖子

The timing of the quoted Oxford interview is a bit strange.  The normal timing of interview is early Dec last year with result announcement this Jan for Oct 2013 entry.

KITTY.WONG

請問考生要在GCSE取得甚麼資格，才可報考A-level?

shmilu_kio

我識得個男仔係國內來英國讀書的,他GCSE成績攞左15個A*報劍橋大學,但劍橋冇比Offer佢...A-LEVEL成績全A*(我唔記得佢讀幾多科)...原因...天知道!!

shmilu_kio

KITTY.WONG 發表於 13-4-23 22:03
請問考生要在GCSE取得甚麼資格，才可報考A-level?

基本上係要攞5個grade A-C  ,又要睇你AL要報讀咩科,好似我女而家報左讀4科(英國文學/德文/數學/經濟)每間學校都要求佢GCSE要有5個A-C, 其中仲要英文& 數學 at least要有B, 排名高的中學要求相對高些。

KITTY.WONG

shmilu_kio 發表於 13-4-23 22:43
基本上係要攞5個grade A-C  ,又要睇你AL要報讀咩科,好似我女而家報左讀4科(英國文學/德文/數學/經濟)每間學 ...

不達要求是否要留班定重考? 有冇限幾年內要考到?

slamai

回復 shmilu_kio 的帖子

Apart from academic results, other factors like personal statement, written test and interview performance, etc. also count.

shmilu_kio

KITTY.WONG 發表於 13-4-27 00:19
不達要求是否要留班定重考? 有冇限幾年內要考到?

達唔到要求,首先就係入唔到SIXFORM喇~ 但又有情講ga wor~ 如果你的成績只差丁丁咁多...學校會考慮的!

真的差很多的話...應該就係重讀year 11喇~ 我記得有年齡限制的,好似係超過17y係唔可以讀year11的。

如果對gcse成績冇咩信心,咁係報考al學校時搵定多一間要求比較底的學校囉