DEL

Charlotte_mom

glo000 發表於 14-8-26 09:34
忍左好耐，上黎呻下，應該好多朋友估到我地係邊個。

女兒現的幼稚園老師有愛心，但在品德教育方面比較鬆， ...

我住隔離tim啦
曾經, 我都有怨過, 點解8月要俾人睇小
曾經, 我都有怨過, 駛唔駛交叩門信去都咁巴閉(永遠記得個嬸嬸果副嘴臉), 估唔到親手交去會俾人問: 你問左佢地肯收架拿?
曾經, 我都怨自己點解唔裝備好d, 點解唔aggressive d, 點解點解, 好多點解

結果, 原來天父一直安排左最好嘅路俾我, 我小朋友無讀神校, 亦唔係叻, 但我200%感恩佢有機會在一個充滿愛嘅自由環境下成長, 我有唸返轉頭, 如果當初讀xxx, 而家會點呢? 如果果時???而家又點呢? 反覆思考左好耐, 答案就係活在當下, 做好自己, 我得唔到一d野, 但我亦比好多人幸運

學樓上話齋, 有個健康嘅小朋友已經係福氣, 我仔係sen仔, 有傷心過有down過, 但當我去到大口環見到人地不幸d小朋友, 連照顧自己都唔識, 我在佢隔離拖住個仔, 烏語花香兩母子手牽手可以有講有笑, 原來一切已經好美好

共勉之

little_yolky

glo000 發表於 14-8-25 22:36
我想全世界只有香港這個地方，八月出生的小朋友，由出生那日開始注定無運行(因現在九月已可做超大女, 即是 ...

根本唔會有咁多人做超大B, 做超細B既就多的是。香港社會雙職父母多, 有學校收, 當然第一時間塞入2歲班, 仲點會做超大B咁得閑。不要庸人自擾了。

我囡囡11月底細B, 自小聰明伶俐, 但考幼稚園無間收, 只有一間收咗, 當時好唔開心。到考小一時考4間又只有1間收, 當時又再唔開心過。但後來諗諗下, 一個人只需要有一個學位, 現在不是就有一個學位嗎, 而且是4間入面最適合的一間, 不是很好嗎, 有多個offer, XX vs YY, YY vs ZZ也是父母自己的自我滿足而已, 間間學校都有優缺點, 個個小朋友都唔一樣, 個個家長要求又唔一樣, 無話一間學校fit晒所有小朋友同家長的。三姑六婆(其實我想講死X婆, 但講粗話驚被人封艇)通街都係, 你理佢咁多做乜。只要努力做好咪得囉。

今年到我細女考小一了, 剛考完真道, 佢好開心同我講答得好好, 原來佢只識答一題, 佢好開心同我話「其他唔識喎, 老師話唔識答無問題的」, 佢EQ咁高, 收唔收仲有咩問題呢? 有樂觀的父母方可以有樂觀的小朋友, EQ高遠勝於IQ高。

小兔~阿比

我囡11月尾仲要提早開刀(本來12月的)，超細b拉，班都仲有2，3個細過佢，8月咋喎，有乜問題，你唸多左

我有1仔1女 ，女仔真係已比男仔佔優

yfchoy

其實年齡差距和學習能力差距的比例會隨着年紀越大而減少，樓主的小朋友都已經過了幼稚園面試的階段而好好多(以咁細個嚟講，就算大人想谷小朋友試多啲聽話多啲都難)，嗰時幼稚園就真係好着重年紀大細。小女都係細b(11月中)，一直被嬰園教道得很好，懂秩序自理。考幼稚園時以為冇問題，點知因為外來引誘就令佢嗰年全軍覆沒，只得一間有聯系的幼兒園收。一年後聽到心儀學校有人退學再試，完全係另一竟況。面試老師亦難以相信當初為何連後補都冇(佢好主動，又唔怕老師和學校陌生，對答完全冇問題，反而不停講)，最後都完成了3年幼稚園生涯。我身邊都有朋友話細女會讀得辛苦，但我的宗旨係在中游位置已很好，所以過往3年問題不大，亦次次考評有進步。9月便升小一，去年亦有考私小，雖然只得原校收(我揾得3間)，另外兩間，有一間是要很乖巧的學生，以小女性格，不管是大女或是細女都知道冇乜可能，純粹一試。另一間亦是好的龍校，雖然最終冇收到小女，但亦去到第二次面試(識得有些大B的小朋友連第二次都去唔到)，咁我覺得其實囡囡表現已唔錯。最後，幸運地，大抽奬抽到心儀學校，我亦會担心囡囡太BB(暑期班的老師咁講)，在暑假期間盡量去改變佢以往的習慣(以前不催谷，由她自由發揮)。經過一個暑假，老師們都話囡囡有進步。其實我覺得小朋友的出生日子不是問題，問題在於太多的道聽途說和家長沒有為自己的目標作好準備。學校不收細B一定有佢既原因，不管是什麼原因，其實已跟樓主的想法不一樣，勉強去想去埋怨生不逢時，不如找一些跟自己理念一樣的學校。覺得小朋友是細B(真的不算細B，囡囡幼稚園班都有好多11月細B)，能力唔夠，便去武裝小朋友，不要一邊說是細B和任由發展，另一邊埋怨學校不肯收細B，好多時學校唔收細B係因為能力唔夠和紀律唔得，若學校真的咁着重年紀的話就已經不合樓主。

PY-Sing

我個都細仔B, 佢的表現同佢D 大女B, 真係好遠好遠.
當然行為尊注力等同D 女同學真係 有距離, 但其實佢已經有好大的進步.
在學術上已經追到D 同學.
I always remind myself that this is the real life story of Tortoise and the Hare.

glo000

睇完大家分享已經好好多。

rhung

原帖由 Charlotte_mom 於 14-08-25 發表
對, 有個健康的小朋友, 已經係上天對你好大的恩賜, 要珍惜自己擁有的

我女都係8月, 8月尾tim, 我都曾經覺 ...

很對，我感恩有兩個小朋友，健健康康已足夠。

glo000

這正是我在想的問題。

piglet_be

原帖由 little_yolky 於 14-08-26 發表
根本唔會有咁多人做超大B, 做超細B既就多的是。香港社會雙職父母多, 有學校收, 當然第一時間塞入2歲班, 仲 ...

講得好啱! 你細女很可愛,要繼續把她美好的EQ發揚光大啊!

mimi1102

我囡都係11月出世, 但係我從來都唔會話"因為佢係細B, 所以佢做唔到XXXX", 相反, 我會覺得佢比人多賺左一年,  將來如果大吉利是考唔到大學, 再考多年, 感覺都唔會好老.

年頭年尾的差異, 我覺得上左K1 下學期, 已經唔係好覺. 我女當年考四間私/直, 有兩間收, 算係唔太差吧 !

我唔係信教, 所以唔清楚你地的教義. 不過, 聽講你地的神, 好多野都已經同你地安排好, 何不順著天意, 積極面對? 小朋友已經出左世, 係改變唔到的事實.

至於果D 三姑六婆, 見面時盡量唔好同佢地講小朋友的問題,, 有時佢地咁直接叫你唔洗諗神校, 可能都係安慰說話, 唔想你期望太高啫, 唔好諗得太負面. 依家先幼稚園, 幾時負面到大學呀?

little_yolky

HY2007 發表於 14-8-26 10:45
AGREE！
近油麻地培X，專收9月1日起出生，8月真蝕底！
還有土瓜灣培X，把口話收到12月，去到IN，8月都話你 ...

唔好意思, 土瓜灣培X, 係唔係又名X道果間, 如果係, 我囡囡11月底出生, 升小二了, 有同學仔12月出世添。去in時, 如果老師話8月好細, 可能係話佢好細個, 好可愛, 做得好好既鼓勵意思, 唔好諗多咗。响培X又名X道, 8月都唔細了。如果我估錯學校, 就請唔好見怪。

至於油沭地培X, 係唔係又名X正果間名校? 我囡囡幼稚園時做過超大B考過, 都係唔得, 無緣就係無緣, 無話蝕唔蝕底的。佢哋相集中一批較成熟的小朋友教導, 減少差距, 方便教學, 也是無可厚非的, 始終他們有他們的傳統, 命裡有時終需有, 命裡無時莫強求。

little_yolky

glo000 發表於 14-8-26 10:47
睇完大家分享已經好好多，我看到自己的問題，會努力改變自己想法。

女兒雖然係細女，但她的外表，身高和行 ...

咁你要快啲解開了, FTM最易走入死胡同, 因為世界入面只有家人, 甚至小孩, 小孩的成就就變成你的成就, 小孩的失敗就變成你的失敗咁, 小朋友上小學後多啲時間, 你試下做做義工, 接觸多啲人, 人都會EQ高啲。

littlefaith

glo000 發表於 14-8-26 10:47
睇完大家分享已經好好多，我看到自己的問題，會努力改變自己想法。

女兒雖然係細女，但她的外表，身高和行 …

其實你有個咁叻嘅女，真係應該感謝神﹗希望你囡囡能夠入到心儀嘅小學﹗

little_yolky

mimi1102 發表於 14-8-26 11:12
我囡都係11月出世, 但係我從來都唔會話"因為佢係細B, 所以佢做唔到XXXX", 相反, 我會覺得佢比人多賺左一年, ...

你真係大吉利是, 話阿囡要考多年大學。

我就阿Q啲, 囡囡都係11月底出世, 佢有咩做唔好, 我就一定賴係細B關係, 大大吓就會做到。至於佢做得出色的, 我就會覺得佢超級叻, 咁細個都做得咁好 。佢幼稚園專收大B, 全班得一兩個小朋友細過佢, K3畢業果年, 囉咗個全年進步奬, 老師校長錫到佢燶, 可能係咁佢皮膚比較黑啲, 哈哈。哎吔我好似儍瓜咁係咁讚個囡添。

mimi1102

little_yolky 發表於 14-8-26 11:39
你真係大吉利是, 話阿囡要考多年大學。

我就阿Q啲, 囡囡都係11月底出世, 佢有咩做唔好, 我就一定賴 ...

haha....係呀~ 由有左佢, 知道佢11月出世, 就已經係咁諗 ! 考唔到大學可以比多一年時間再考過....

meia

Sorry to hear that!

You are so blessed to have a healthy daughter while many other parents are longing for one!

070803

又唔洗講到甘灰

我個仔係8月尾出世, 今年小一, 都係做細B

都考到一間私小,一間直資

notcool

definitely, small B is disadvantaged when applying for K1. The % of age gap is big (say 32 vs 26 months)When applying P1, the % of age gap is 10% (71 vs 65 months). Not a big diff.

You are FTM. I would say your interaction with your kid is more than many working moms.