培道Interview

snowqueen929

我見9點完全冇呢個問題wor...
仲主動同我女打招呼（我地唔識d老師架！）
見既時間都好nice, 冇黑面之呀⋯
但我想問，見咁多家長不滿，如果佢收你地又會點？

snowqueen929

原帖由 Hopeforb 於 14-11-16 發表
我係in昨天上午十點半，整體都算𣈱順，十點二十分登記，in完出來剛好十一點零五分，仲趕得切去民生i ...

Agree

chok0925

原帖由 snowqueen929 於 14-11-16 發表
我見9點完全冇呢個問題wor...
仲主動同我女打招呼（我地唔識d老師架！）
見既時間都好nice, 冇黑面之呀⋯

好問題，我覺得係等得耐左啲，老師方面，我理解佢地可能好攰，過左一日想番我接受到，因為好多用家都講老師平時好有耐性愛心。

可能之前聽得太多話點點點，到真係去同自己想既有出入。咪失望囉。

但佢收左我先想都未遲，我小朋友一般，我答到九唔搭八，一舊舊。

Luluyen906

原帖由 ferferfer 於 14-11-16 發表
真係安排得好差，不停轉課室，令小朋友好緊張。同埋校長說玩玩具唔計分，但個label貼後面即係果part都計啦 ...

個label貼後面係驚小朋友多手撕左，好多學校interview label 都貼後面。

carol0914

原帖由 Luluyen906 於 14-11-16 發表
個label貼後面係驚小朋友多手撕左，好多學校interview label 都貼後面。

呢part應該係計分架!因為我見啲老師揸住塊板 觀察完再寫底！一有老師話排隊上一樓面試！好多媽媽即刻幫啲子女著鞋衝去排隊！但我要知個囡自己著 所以排最後 個時我就睇到老師有觀察有寫底野架！

yansing

我3：30in..攪到5點幾，好長同等好耐係真既，不我行過見既老師又ok wor...唔太差，不過佢地真係小學老師，唔係幼稚園。之前等入課室我個女都好唔耐煩，入到去都成日話走，好彩去到老師面前都肯講野。但佢真係問很多問題，明明老公話簡介會講唔會考咁深，又話唔問家長，點知去到問左阿女好多野，考minnie...叫咩名，我女答mickey..問apple 係咩，咩色，我個女唔答，老師就問我佢係咪唔識，我話唔係，跟住問我個女，但佢都唔答我。之後花那d佢識，但隻狗佢真係唔知咩來……跟住就問我點解揀呢間學校，佢係咪讀n..邊個湊佢等，又問我女佢叫咩名，邊個帶佢來，爸媽既名，，鍾意食咩，飲咩，好彩我個女全部識答……出到去即刻話爸爸呃我，又話唔考野

Justsayhi

原帖由 yansing 於 14-11-17 發表
我3：30in..攪到5點幾，好長同等好耐係真既，不我行過見既老師又ok wor...唔太差，不過佢地真係小學老師， ...

我地上年午見都唔係等好耐,但見我個囡個老師一個問題都冇問過我,可能對我個囡無興趣呀！

CorrineNg

我覺培道面試係比我想像中深，入到去老師問邊個同你黎，女答，媽咪爸爸，老師再問，你爸爸係邊，女答，係出面等我，老師問呢個係咩黎，蘋果，阿女答完話屋企仲有雪梨，老師又問邊個買，問好多連帶問題，至於等排隊時間係耐，但我地呢排見既都係等甘耐. 另我們排隊入課室時，後面家長係甘同個女講家姐係到讀，點點點，入到去見我地老師仲同佢hi，好似好熟甘，個下心諗，係咪收梗佢個女

悠悠110409

delete.

helenmelody

回覆 悠悠110409 的帖子

我估, 設定的問題係製造話題, 同小朋友傾下計, 交流一下, 我覺得培道唔會因為唔識答卡通人物的名而唔取錄
聽好多JM講, 考其他學校時, 全部答啱哂, 都無OFFER, 有D連後備位都無收到, 所以唔洗太擔心

面試時, 其實同老師的交流, 眼緣, 氣氛, 有無禮貌等等都好重要, 有D學校可能會揀埋家長

我有去簡介會, 培道好著重德育, 所以禮貌呢一環應該好重要的

babygini

原帖由 yansing 於 14-11-17 發表
我3：30in..攪到5點幾，好長同等好耐係真既，不我行過見既老師又ok wor...唔太差，不過佢地真係小學老師， ...

應該我同你係同一個老師..同我問既野一樣..係咪短頭髮架個老師? 你個女係幾多月b??

wingtam91

其實估唔到甘多人都覺得佢安排好差，不過以我自己黎講，我覺得都唔算等得耐。可能之前睇過呢度D人講話等左超耐，所以我自己真係準時去到一分鐘都無早到。同埋自己帶定D書同小玩具比阿女消磨時間，所以都OK。
不過其實我見佢分左A組B組，其實有咩作用呢？因為我地入去另一個房度玩玩具時，其實都撈亂哂D人又無話A組呢度B組呢度既！而再入去課室等個陣，又係撈亂哂，排隊入房見老師，都係無次序既，總之你行得快就排前D、行得慢就要排耐D甘囉。
另外，我地住係青衣既，一入去見到老師，佢就同我講話係咪等左好耐呀？你地專登係青衣黎甘遠呀？我話，唔係呀，都好快呀。之後佢就無再問我野。
In既時候，佢都係比本Minnie書問我女呢個係邊個，我個女其實係好鐘意迪士尼既(因為住青衣，所以都有去迪士尼)，所以佢識答，不過答左"Mickey"…然後又問邊個同Minnie睇書呀？我女識答Daisy，然後老師就問佢鐘唔鐘意迪士尼呀？我女點頭。然後老師再問佢其他野。我估學校其實都可能有好多迪士尼既教材，因為我去簡介會時，我記得有老師話D學生問老師係咪住係迪士尼。所以我估可能真係想睇下小朋友對呢d人物有無興趣… (不過純粹係估，無根據的…)
其實之前對呢間學校無咩認識，直至去完簡介會之後，就對呢間學校幾有好感，覺得佢幾樸實同真係幾關懷d小朋友。而去完Interview之後，都真係覺得學校好樸實(因為成間學校都好舊下)。
不過無論如何，我覺得如果間學校係真係好既，大家都唔好因為一日既經驗而錯過左一間好學校呀！希望大家如願已嘗啦！

wingtam91

回覆 helenmelody 的帖子

我都覺得係，你識答哂都無話一定收你，都好講個老師In你時覺得合唔合眼緣呀、鐘唔鐘意個小朋友。

helenmelody

回覆 wingtam91 的帖子

如果大家同我一樣, 無人事關係幫助, 其實大家都一齊講運氣的, 如當日小朋友的狀態心情, 當日碰上怎樣的老師, 輪候的時間等等
大人見工或升職都好講天時地利人和, 我相信學校面試都一樣

不過今年同龍年B一齊爭, 競爭咁大, 我都唔抱太大期望, 見阿女表現唔錯, 比佢見識下, 見多D人, 都係有得著的

另外聽JM講, 負責IN的老師寫左評語, 又未必係同一個老師決定比OFFER, 所以醒目的學生相應該都有幫助

w.ling

原帖由 helenmelody 於 14-11-17 發表
回覆 悠悠110409 的帖子

我估, 設定的問題係製造話題, 同小朋友傾下計, 交流一下, 我覺得培道唔會因為唔識 ...

其實我自己都會覺得，識唔識答都冇問題，如果有愛心既學校，老師都會睇小朋友反應，唔係只會收最叻既小朋友，更加係睇小朋友反應，睇小朋友有冇嘗試等等。但in時，我個老師，真係全無笑容，阿囡玩拼圖，有嘗試，但睇得出佢驚個老師，老師最後有的指示俾我個囡，但佢唔係用手指，佢個樣同語氣，都有種唔友善既感覺，又用支筆'獨'塊板，問阿囡會唔會係呢個。佢又似俾我一種感覺，佢做左幾樣唔算太識，答老師又細聲(阿囡驚，更加講得細聲呢!)，老師好似都冇心機去問阿囡或引導佢咁。但我知唔係全部老師都係咁，我行過的房，有的老師都有笑容，只可以話阿囡唔好彩，遇到呢位老師，只可以話係天意。有時老師對小朋友要夾眼緣，小朋友都係一樣，但此終呢位老師，都真係令我有的hard feeling者。

w.ling

原帖由 helenmelody 於 14-11-17 發表
回覆 wingtam91 的帖子

如果大家同我一樣, 無人事關係幫助, 其實大家都一齊講運氣的, 如當日小朋友的狀態 ...

都係架，我因為有n可直升k1，所以我先搏下呢間，原本其實都唔諗住報架，因唔想小朋友in太多。自己阿囡係細b，覺得好似更難咁。都係預搏下。再加上阿囡呢個月先岩岩開始返n班，都有因為咁，而影響佢interview既表現，自己都預左，諗住當試下，俾阿囡一個機會。

helenmelody

回覆 w.ling 的帖子

都好明白你的心情, 大家應該好多唔係住附近, 專登坐車去, 幫小朋友著靚靚, 帶齊文件, 好重視每個面試的機會, 然後碰到唔友善或敷衍的老師, 又真係會好唔開心, 好似白白浪費了一番心機
我相信上天早有安排(雖然我不是教徒), 最後大家的小朋友應該都會有一間好的學校收GE...

下星期大家開始見創價...培正....等等...一浪接一浪, 大家一齊加油啊~~~!

悠悠110409

helenmelody 發表於 14-11-17 11:05
回覆 悠悠110409 的帖子

我估, 設定的問題係製造話題, 同小朋友傾下計, 交流一下, 我覺得培道唔會因為唔識 ...

delete.

helenmelody

回覆 悠悠110409 的帖子

係喎, 龍校咁多人報, 唔得預左, 有就 bonus X 2

janette_chan

ferferfer 發表於 14-11-16 08:49
其實我唔係認為深，尋日問的問題，去年康傑考n班都差不多，但我女係1月，所以都答到，何況今年，但面試的老 ...

我嗰日去到IN都好驚訝有咁多B6,我大女喺培小讀緊,以我女嗰班為例,95%以上係港人,接返學放學或者GROUP CHAT都無大陸人,因為大女唔係培幼升上去,所以唔知培幼多唔多B6,但係我相信你話佢鍾意收有錢B6應該唔係, 因為大女IN培小嗰陣都有好多,但返學之後真係無見到有,至於培幼我就唔知,因為小學同KG係唔同時間返學放學的