其實YORK係唔係真係咁差???

islz

對比起好多學校, 佢硬件都唔算差.

是否賺錢作風令人認為佢差?
定係教學方法老土?
定係比起最好的幼稚園, 佢算最差.?

厚多士

回覆 islz 的帖子

我女兒也是約克學生。她返學返得好開心，每日放學都好興奮要話我知今日做過D乜。佢話英文堂會玩shop keeper 遊戲，佢亦學識好多日常事物的英文。她近日亦成日話將來要做Chef! 唔知是否學校同佢地玩Chef 遊戲。不過我有時也會叫女兒入厨房幫手，如打蛋，洗菜，包餃子，整蛋糕，我都會請佢參與。功課及課程是幾深的，不過這是我想要的東西。
不過女兒本來成日講英文的，因N1在另一間國際幼稚園讀，但去到York, 中文好左好多，卻不太願講英文。不知是好是壞。
總括而言，我很滿意這學校。

Matthew301

我自己小朋友係現階段PN 用家，嚟緊K1亦都會喺York讀，不過有機會會轉去美孚分校因為比較近我。
我唔講York 商唔商業，只想講學校嘅教學手法真係幫到我小朋友。
我小朋友本身係大B 考PN 除咗York 有offer，沙田樂基，青衣學之園waiting 入到，太子明慧都有offer。不過不失。
只後我選擇York 除咗覺得比較適合我小朋友外，亦因為想小朋友能在happy learning 中學到學術。小女比較慢熱，要warn up 一段時間。
雖然PN 班只有兩小時，但我見小女每日放學到家都會主動唱歌，會主動話做功課，功課都係colouring ，劃線等，中文會認下生字。小女宜家都識口，天，小，大等等生字。
有時候仲會同我講英文指令，例如，put this __into__ 。我會聽得明，知道講乜。
而且班主任亦都跟得好貼，會主動打俾我同我講小朋友情況。如果我有事揾老師，老師都會即日覆我。有時候接放學，老師都會講一兩句小朋友最近喺學校點，同邊個同學friend D 。我亦有聽到老師同家長講小朋戒片情況。但我都有聽到家長同老師反應點解小朋友條片咁濕都換等等。我見老師都有耐心解釋。
最近亦發現小女禮貌好咗，多咗講唔該，多謝，麻煩你等等。
另外有關於收費方面，我暫時都無發現要經常收錢嘅情況。
最貴應該係學校旅行，要310。暫時無要俾好多嘅情況。
So far ，我係幾滿意學校嘅教學，老師各方面。
打呢篇唔係為咗幫學校解釋啲乜，只係覺得，無一間學校係一定全面，就算家長自己教都會有不足。只係想分享用家意見，幫到各位家長。

islz

剛剛打左一大編, 不過LAPTOP斷電

Anyway, in brief:
1/ PN interview要求小朋友踢波, 我估原因是PE堂真係做PE堂應做的, 而非SIR下滑梯, 行下平衡木, 我晚晚同小朋友去商場都有啦
2/ 我之前有提及IN果時都有幾多甩皮甩骨的家長, REG果日唔見有. 相反係中青/年青家長為主(當然不是MK啦)
3/  REG果日小朋友同左個5歲左右的小朋友玩, 佢都係讀YORK, 估計細佬妹REG緊佢等. 好斯文, 好照顧我小朋友, 簡單講好有家教.
4/ REG果陣果D唔排隊聲大大的都消失了, 只有IN果日的約1/3或1/2家長, 即可能有1/3或一半BYEBYE? (當然唔知佢REG幾多日同幾耐, 同是否美孚接收左一大班)
5/ 同時我認為高質素的家長REG果時也見不到了.
6/ 只見到1-2個大陸, 英普流利, 廣都OK. 斯文人.

Finally:
7/ 我Observe到一樣野, 就係佢個student class survey board.
上面好多職業, 問小朋友想做什麼, astronaut, policeman, fire fighter, doctor ... etc 結果令我幾開心.

我見到最多小朋友貼自己張相上去的係Chef. 我相信一般學校做class survey最多比5個occupation小朋友, 最popular的多數係policeman / fire fighter / doctor 之類. Chef一定小人選, 原因好簡單, "小朋友唔比入Kitchen嫁".

如果家長門係有心思考過幼兒教育的都一定會知ZPD, 沒有全面的教育, 跟本沒有acquire足夠的knowhow 去得到其他的skills.

能夠令小朋友選CHEF的, 係我估有其中一個月的主題係CHEF, 或者COOKING CLASS. 我知道SC是有整野食, 不過只係COOKIE. 仲要係細細部OVEN, 玩完根本唔會令小朋友想做CHEF. 當然YORK點教我唔知, 可能只係play-doh, 又或者真係會洗下菜, 煮下野(某些新的幼稚園都有) 如果唔係幼稚園教, 我想問下家長門又打算幾時同小朋友入下Kitchen學下佢地應該要學的野呢?
因為我深信學會危險及面對克服危險比唔準唔準同唔準對小朋友發展是較理想的.

菲菲菲

我係廿幾年前用家，無深究呢廿幾年有乜轉變，佢商唔商業我唔知因為唔係我比錢，但我記得我返學都係好開心的。我可以話，York嘅學術令我喺初小真係建立咗好好嘅學術基礎(都深架啲野)，上到小學爛船都真係可以有三根釘 當然我相信其他名幼有好多可取之處，但要知道名幼都唔係易考，如果想搵一間重學術想接到小一唔介意谷啲又大細B都收又多位唔洗爭得咁勁，我同意York係一個唔錯選擇。

sgss1

每位家长自行在听完校长的学校介绍讲座后决定吧.

Arthurli29

咁你不如當我假嘅就算了，我只係唔鐘意解釋太多，我仔聽日返美孚校舍親子活動，我諗只有揀咗美孚校舍嘅家長先會知，唔回應落去啦！大家加油啦！

Arthurli29

我係用家，我老公當年都係york畢業，而家係一間廠的老闆，小兒今年都入讀了，我仔仔話好鐘意返學！重點我係用家，其他detail唔使講了卦，

meowymeowy

原帖由 momk 於 16-04-01 發表
PN用家

茶點多數係包點，一星期只一兩日熱食，飲品多甜飲

既然磁場唔夾就及早分手。我幾位朋友的子女讀得好開心，完全無你所講的問題，戒片、上課、老師、課外活動都是讚，讚完全無遇到你講的問題。

momk

PN用家

茶點多數係包點，一星期只一兩日熱食，飲品多甜飲

NET 係 share 嘅

返學唔會換室內鞋

一日4 sessions,  8:30-10:30, 10:45-12:45, 13:00-15:00, 15:15-16:00。 上一班放學與下一班返學只有15 分鐘空檔，程序係：搭校車返學嘅小朋友會入學校先，然後搭校車放學嘅跟住出學校上車，然後開正門給家長湊放學，同時間送返學嘅家長又會一齊踏入學校等待比小朋友入課室返學。 本人日日接放學都覺得學校冇可能好好清潔消毒，時間緊迫到老師都好難同家長講多兩句。另外，入學校前會睇接證，走係唔會，但學校充斥住湊返學同接放學嘅家長，學童洗手間走廊有一門可以通往後門公園，向外開係無鎖嘅。

本人小朋友的班主任並唔算關心小朋友，詳細唔講，純屬個人感受。

一學期完結之評估報告4頁紙，基本上都係point form ,每一點計1-4 隻大拇指，4頁紙入面有幾行comment, 另有兩張A4 size 畫紙係填色/勞作，沒有相片，除開學之頭兩天外，沒有觀課安排。

小朋友告假，致電回校有時無人接聽，無留言信箱，有幾次真的忘了再致電回校，但學校亦不會致電家長查詢。

小朋友帶口罩上學，放學口罩不見了，老師話污糟咗掉了，但書包有數個後備口罩。

同班有同學返咗兩個月都喊，第三個月班主任勸退。

生日會有大量零食上堂食同派返屋企。

開學約4個月後未戒片的小朋友往往放學時片片非常非常濕。亦有同班同學向家長講過舉手要求wee wee 老師唔應。

我奉勸各位家長如準備入讀PN 的話再想一想，其實想比啲乜嘢自己的兒女。 如家長只著眼教材、所標榜的教學方法及校舍 (硬件)  , 那這間學校應該係你想要嘅。

而我將會K1 轉走，當然我明白K 唔係一日 4 sessions 應該會好唔同，但我對呢間學校嘅辦學宗旨同付出嘅愛心就相當失望。

個人真實感受，不喜勿插。

fredayys

個人覺得吾係咁差,身邊親戚同朋友都有讀緊,不過講到尾都係睇你要啲咩

islz

請問有冇同KM比較? 大家點睇?

manimumi

puichingforsure 發表於 16-3-31 10:40
我之前在EK的POSTS都讚YORK，因為我都真心了解過YORK的課程，覺得課程好全面，亦問過好多用家，大家對老師 ...

觀乎情況似是york用家俾人圍攻較多，如太容易入, 學費貴，根本沒有留意其課程及教材。

天悅

puichingforsure 發表於 16-3-31 10:40
我之前在EK的POSTS都讚YORK，因為我都真心了解過YORK的課程，覺得課程好全面，亦問過好多用家，大家對老師 ...

HI,你說你了解過YORK的課程，覺得課程好全面，我想問下，
因為我曾聽過別人說YORK的課程深，比較谷，是否真呢?
課程深又是如何深法呢?