小二數學成績欠佳，可以怎麼辦？

Manwah

小一時尚可，但升小二每況愈下⋯⋯
家長已放工陪做功課及温習但第二次測驗不及格。可以怎樣幫助她？
補習？還是多做練習？
但見問題源於小朋友掌握不到課程。

skkeung

原帖由 Gella77 於 16-02-06 發表
我都同意每日都適當做幾題數學題，慢慢理解能力就會提高，有時系粗心，數學基礎唔好，會覺得越來越難！



  ...

找出問題核心先!

Gella77

我都同意每日都適當做幾題數學題，慢慢理解能力就會提高，有時系粗心，數學基礎唔好，會覺得越來越難！

Lchlau66

回覆 MashiMaro 的帖子

其實數學練習相差無幾，不過建議買一啲由淺入深

MashiMaro

原帖由 Lchlau66 於 16-02-04 發表
操卷

點樣操卷?
市面的卷又不似學校卷，可以怎樣操?

Lchlau66

操卷

skkeung

原帖由 rean_chau 於 16-02-02 發表
完全認同，所有去到某啲類型題佢講極都唔明我就會由佢先，過多一排再攞出來比佢做。睇過一個數學家的嘆息呢 ...

完全同意!

skkeung

原帖由 芬芬分分 於 16-02-01 發表
出去補習吧

最賴的方法!

Manwah

謝謝妳的好分享。我會思考一下。

rean_chau

原帖由 MASAYA 於 16-02-02 發表
我覺得數學好唔好，好講思維夠唔夠闊，每個孩子發展唔同，數學真係好難勉強，不過個人認為數學係要做適量練 ...

完全認同，所有去到某啲類型題佢講極都唔明我就會由佢先，過多一排再攞出來比佢做。睇過一個數學家的嘆息呢本書，從另一個角度去睇數學呢個科目，現在數學科既操練往往係造成孩子抗拒數學既根源，令佢地無辦法去體會同欣賞數學既價值。而我地家長往往因為分數而掉入左個陷阱裏頭而深化左抗拒。所以我都經常提醒自己，適可而止，比空間佢消化同自學。只要佢遇到一個好老師一個好時機，佢就有機會揾到數學既樂趣。

Jane1983

小學數學尤其係初小，係運算為主，就算吾叻都吾能於以後一定吾掂。同樣初小數學勁，亦吾擔保以後讀上去，數學一定叻。

MASAYA

rean_chau 發表於 16-2-2 18:50
數學都幾令人頭痛，我自己來講，除左做練習都係做練習。因為概念唔清有口都難言。我仔就係數學差果一類，宜 ...

我覺得數學好唔好，好講思維夠唔夠闊，每個孩子發展唔同，數學真係好難勉強，不過個人認為數學係要做適量練習，但如果太大量，好易做到思維變窄

rean_chau

數學都幾令人頭痛，我自己來講，除左做練習都係做練習。因為概念唔清有口都難言。我仔就係數學差果一類，宜家三年級做返一三年級既野都會唔識。單位換算最差，唔係唔識，但容易甩漏，明明好簡易佢都有能耐做錯晒。日常生活教唔到咁多，唯有做練習。上過數研，但效果一般，反而坊間啲練習幫到手，我用樂思躍思，深淺都做。考試前就睇返上一次測驗既題式去出幾題佢常錯既，考多幾次你就會熟習試題形式，其實出黎出去都係呢啲野。如果唔太注重分數就由佢，我自己覺得數學都好講開竅未。我有個女同學係數學老師，小學數學成績好一般，到左中三四先一枝箭咁標出來。

little_yolky

Manwah 發表於 16-2-2 12:38
我個不是細B，但佢不足月所以朋友叫我當佢係細B。
謝謝你分享。昨天知道佢測驗不及格（要60以上才及格）真 ...

之前睇過一套BBC既child of our time, 不足月=細B。唯有做下練習, 等佢熟D題型, 慢慢嚟。

Manwah

我個不是細B，但佢不足月所以朋友叫我當佢係細B。
謝謝你分享。昨天知道佢測驗不及格（要60以上才及格）真係沮喪到不得了。

little_yolky

Manwah 發表於 16-2-1 19:31
小一時尚可，但升小二每況愈下⋯⋯
家長已放工陪做功課及温習但第二次測驗不及格。可以怎樣幫助她？
補習？ ...

真係要握握手先。

我女女又係咁。佢係小一小二同一位數學老師, 小一尚可, 但到小二就OMG了, 一次測驗低過一次, 解極都唔明白。而且, 佢話老師上堂時如果做堂課, 小朋友唔識就俾答案, 但又無解釋個答案。情況由小一的上學期8X分去到小二的71分！我簡直絕望了！因為小一、二的數學, 淺到真係無理由唔明, 所以我認為補習係無用的。所以, 我只好自我安慰女女係細B, 所以會遲D明(咁佢小二又真係明白返小一既嘢既)。所以, 學樓上JM話齋：順其自然。


點知, 下學期時, 女女好朋友有一日, 可能見女女數學實在太差, 測驗前俾咗一份平時補習班既練習女女做, 女女做完之後果次測驗有80分。你知啦, EK個個JM都話初小數唔駛操練嘛, 所以我一直無理。但見到神奇既練習題, 我就去書局買咗一本TSA俾女女, 考試前一日俾女女做, 每做一份馬上改, 然後馬上解釋點解錯。如此, 小二下學期考試居然有88分。


今年小三, 終於脫離果位數學老師既魔掌, 數學由科主任教, 老師教得好明白, 測驗分數屢創新高, 上學期考試居然可以攞到唔可能既94分！


所以, 小朋友如果係初小, 又係細B, 試下俾小小練習佢做下, 可能有即時效果。長期就要祈多D禱, 望有個好老師教了。


PS. 女女小二暑假去過「數X」補暑期班, 覺得同自己買練習做真係唔係有好大分別。可能佢哋精英班啲題目好D。

Manwah

Thanks a lot

A-Mum

掌握唔到課程即係唔明？唔小心？唔肯用腦唸？
我兩個小朋友初小都數學低分，高班就代表學校出數學比賽。
當年一個係唔明，用實物教，換個角度講，佢明左就會 ok。
另一個大頭蝦兼唔肯用腦，針對性每日出幾條數佢做又 ok。
最緊要唔好俾佢覺得自己無數學天份。我當年次次派卷都會搵野讚，再加句：低班高分個批未必就係高班高分架，慢慢進步就得喇。
想培養數感可以玩計24。搖四粒骰仔，鬥快用加減乘（除）算24。市面有1-10，甚至更大數值嘅骰仔，帶埋出街可以周圍玩，好方便
當然，如果你唔明佢唔明咩，就不如搵人教，數學唔拖得，只會越拖越跟唔上。