心情好差，呀女後日考試，到而家都未開始溫書

4cats

成個聖誕假期不斷催促、提醒、勸導，都冇用，係都唔讀，迫佢溫書就靜靜雞玩電話

以為呢個星期考試迫在眉睫會自動自覺溫下書，岩岩打電話俾我放學剛上車，問佢有冇帶書番黎溫，竟然答我全部留在locker！！！！

我真係好想好想星佢兩巴！！！

aa06

回覆 salinakit 的帖子

太hea阿媽不鐘意， 壓力太大阿媽又會擔心， 做人阿媽甚艱難。 你嘗試叫阿囡做多些運動以抒緩壓力， 阿囡考試前會失眠嗎？

salinakit

我囡囡一向自律 自己溫書 少用沉迷電玩
所以成績一直好好 keep到全級頭五
但就因為禁搞到太緊張 成日情緒唔穩定好唔開心

miffyumiffy

4cats 發表於 16-1-15 08:35
呢幾日陸續派考卷，女兒心情低落，除左中、英、chi lit同eng lit仍然keep 得住班五名外，其他科都只係比合 ...

OK啦, form 1第一次, 我仔剛升中, 完全唔讀書, 考試求其溫下, 考得麻麻地, 全級中間上小小
下學期考試, 佢已經察覺咁樣唔掂, 佢努力咗, 但因為臨急抱佛腳, 唔夠時間, 有啲科ok, 有啲科就麻麻

今年form 2, 佢又再比上次考試勤力小小, 不足的科目上番水平, 本來ok的科目考得幾好, 考了兩次, 佢知道了答題技巧 , 點答先會得分

form 1比時間佢自己摸索下, 好緊要, 因為臨場無人幫到佢, 佢自己一定要識點樣handle份卷, 考得唔好, 佢地會自己調節番

4cats

虫虫主人 發表於 16-1-15 17:06
回覆 4cats 的帖子

唔比返屋企唔係化

聽女講，唔知係咪真係咁癲

4cats

blee427 發表於 16-1-16 08:46
我那個以為最好的數學失手，平時都test八尾九頭，今次只有七字頭。 佢太驕傲， 成日覺得自己數學好勁，唔使 ...

哈，我個話最易嗰兩科都失手，所以一聽佢話好易，我就知大件事

blee427

我那個以為最好的數學失手，平時都test八尾九頭，今次只有七字頭。 佢太驕傲， 成日覺得自己數學好勁，唔使溫，今次跌跌都啱。 等佢反醒下，中一第一個學期而已。 反而佢話考得唔好的科，有全班前5. 所以佢一講好易，我就驚

虫虫主人

回覆 4cats 的帖子

唔比返屋企唔係化

skkeung

要小朋友知道讀好書是自已得益, 而唔係父母!

妹妹頭

回覆 4cats 的帖子

識得覺得自己成績唔好, 衰極都有個譜, 下次一定會比心機去溫習, 放心

TwinWong

4cats 發表於 16-1-15 08:35
呢幾日陸續派考卷，女兒心情低落，除左中、英、chi lit同eng lit仍然keep 得住班五名外，其他科都只係比合 ...

放心, 佢自覺不滿意, 下次會加把勁温習

4cats

女兒話有個同學有幾科唔合格，呀媽係電話叫佢唔駛返屋企，搞到同學喊哂口......

聽完更加要自我驚愓，唔好俾女兒覺得媽媽愛成績表多過愛佢。

4cats

呢幾日陸續派考卷，女兒心情低落，除左中、英、chi lit同eng lit仍然keep 得住班五名外，其他科都只係比合格好少少。本來想笑下佢，但又諗下唔好落井下石，唯有安慰佢。

問佢是否滿意成績，佢搖頭，我話今次係升上中學第一次考試，而家你了解到中學同小學有好大分別，下次你再諗下點做先可以達到你的目標。

希望佢今次真係可以汲取教訓。

JessicaElla

女兒亦是中一生, 第一科考的是英文, 考完回家, 她告訴我, 英文可能會肥佬, 所以要在其他科目上努力, 於是她真的每天都埋頭溫習, 今天剛好是考試的最後一天.

UT她考全班第6, 她的目標是保住Top 10位置, 所以這次頗自覺地溫書, 我很安慰. 她以前並不是這樣的.

我想說的是, 小朋友慢慢長大, 有一天忽然會醒悟起來, 或許是不想輸, 或許是想有美好的將來, 有各種原因令他們發奮. 總之身為媽媽的我們, 不要放棄, 每個孩子性格不同, 我們不妨試不同的方法, 總有一天會成功的.

annie40

只要做任何對佢自己有益又開始的事，佢完全可以自己話事。

TwinWong

4cats 發表於 16-1-12 09:49
她已經書不離手，不是書就是ebook，可惜全都是閒事

平日已唔管佢，但考試仍然拎住本小說而唔係課本，先令 ...

肯睇書, 不論任何時候, 我都由得佢,
起碼唔係打机, 煲劇, 追星, WHATSAPP 就要还神