- 在線時間
- 2905 小時
- 最後登錄
- 24-3-26
- 國民生產力
- 20491
- 附加生產力
- 60760
- 貢獻生產力
- 1100
- 註冊時間
- 13-12-3
- 閱讀權限
- 10
- 帖子
- 38007
- 主題
- 177
- 精華
- 44
- 積分
- 120358
- UID
- 1389083
 
|
本帖最後由 hkpapa852 於 15-11-3 09:11 編輯
又出埋呢篇可能俾人圍插既文......
TSA導致不少學生要學生操練既問題, 引發大眾關注, 主流關注的問題如下:
1. TSA 遠超學生基本能力,不操不識
2. TSA 操練壓力嚴重超標
3. TSA 習作操練增加,小一有惡化趨勢
4. 教育局以TSA成績評核學校, 甚至用作殺校用途
所以不少家長要求取消小三TSA, 甚至所有TSA, 矛頭亦指向教育局.
但問題真的只在於教育局嗎? 制定 TSA 呢個考核既教育局, 導致今天既大眾聲討, 固然係元兇, 但要求學生操練既學校, 絕對係幫兇.
Q) 可能你會話, 咁教育局要考核佢, 咁佢都要操嫁?
A) 對! 但點解有不少學校都只要求學做練習, 甚至完唔駛做, 但又有D學校要學生加操?
Q) TSA成績唔理想, 教育局會殺校啊!
A) 會不會殺校, 其實主要取決於學校是否收生不足. 如果學校本身受歡迎, 那管TSA成績如何, 派位後都大把人去叩門啦! 根本唔會收生不足. 即然唔會收生不足, 教育局可以用咩籍口殺校? 佢最多只能定期叫人去哦學校, 改善吓TSA成績啦, 仲可以點? 老屈學校定係去唱衰間學校? 教育局D公務員先無你咁得閑.
Q) 名校本身要求高, 梗係唔駛操啦!
A) 如果名校本身課程要求已經可以令到學生唔駛去操TSA, 咁點解其它學校不能仿效呢方面去"修定課程", 而要去操呢? 如果課程修定咗, 學校只需專注恒常課程便可保証學生有足夠能力去應付TSA而不需要額外操練, 唔係更好咩? 為TSA去操學生, 但校內又要考另一項課程, 唔通對學生會更好?
Q) TSA 題目咁難, 根本唔係學生基本能力可以應付嫁!
A) TSA 題目, 其實根本沒有"傳聞"中咁艱深, 以數學為例, 題目只係需要學生懂得將多於一項已學會既技巧一齊使用, 便可解決問題, 話題目艱深既人, 請問你們真的看過/做過 TSA 題目嗎?
學校修訂課程, 或將 TSA 加入作恒常課程, 其實對學校, 學生和家長都有好處. 當日常課程, 測考, 呈分試等都混合了 TSA 元素, 學生習慣了又點會應付不來? 而且日後既Pre-S1, 亦係以類似TSA 既型式去考 (只會更深), 在恒常課程加入 TSA 元素, 可讓學生更易於應付 Pre-S1. 而且既然變了恒常課程一部份, 跟本不存在需要"額外操練"既理由了吧!
要求教育局取消TSA, 或暫停TSA, 可能有一時成效 (減少學校要求既TSA操練), 但未必係短期可達成既目標.
而且, 對於習慣於要求學生以操練形式去應付公開試的學校, 如果沒有了TSA, 佢地亦會改為操練其它項目, 解決不了小朋友面對"操練"的問題. 作為家長, 除了要求元兇去正視問題, 為何不協力加強監督幫兇?
家長積極參加家教會, 再透過家教會, 團結家長, 便有機會施壓令幫兇(學校)不再要求學生作不必要既操練 (或一齊抵制).
只著眼教育局是否取消TSA, 是解決不了學校要學生操練既問題, 亦只會錯過拯救自己孩子既最有效方法.
|
|
發表於 15-11-3 08:56
