遲來的決定……

yoyo-chow

K3開學初決定重讀K3，因仔仔發展遲年幾，但幼稚園話冇位多，到1，2月參加大抽獎時也說唔知應該冇位，我一心諗要仔仔迫上小一，知一定好辛苦。依家幼稚園先話有位重讀，嘩！下個月頭知大抽獎結果，咁遲先話仲有位重讀，要我苦等由自行到大抽獎又等結果，下年又玩多次

keen

回覆 yoyo-chow 的帖子

有無咁離譜？其實我覺得無理由無位囉…係睇下學校俾唔俾你啫。因為我覺得，我覺得咋，k2才開始執筆寫字，才發現實有D小朋友跟唔上，需要 repeat K2，咁既然有人 repeat K2，即係少咗人上 K3, 咁即係 K3會有位剩啦…其實比較少人會選擇K3 repeat, 通常都係 K2。雖然而家學位爆棚，但點都會預番d repeat 位囉…唔通真係個個有足夠能力可以升班咩… it doesn't make sense 囉…
不過如果呢間學校覆你話無位，佢唔俾你，你都無計，都要出去逐間叩… good luck for you!

keen

回覆 little_kid 的帖子

我係去香港康復學會做的(係私人機構嚟啩？)，由註冊職業治療師做評估(因為如果要申請延長一年學券，就必須要由醫生 / 註冊職業治療師等人士簽名報告，去確認有問題或有重讀必要。
有份報告 support 後，我再通知學校，話真的有需要 repeat, 我連小一派位資格都 withdraw 埋，我同學校講，我祇會 repeat, 如果原校唔收，我會逐間學校跪求K3學位，都唔會俾佢上小一.......

因為咁學校才接受，但學校再幫我出信俾健康院約見健康院醫生做初步評估，因為學校話佢地基本上係睇健康院/政府嗰邊嘅報告，私人機構祇作參考。

不過間間學校唔同政策，有d學校好好會幫手，有d可能會冷漠d，這祇是我的申請 repeat 歷程，絕不能一概而論。

puiyan119

little_kid 發表於 14-5-30 10:21
回覆 keen 的帖子

請問可以去邊度做評估?  

應該係小肌肉發展慢左，你可以試下去理工大學做評估同訓練。個時我個女連揸筆劃線都唔得，做左三個月訓練已可以寫簡單中文字，依家K3可以寫好多字完全跟得上進度。你可以上理工大學web搵資料，如果搵唔到，你pm我，我俾電話你。

little_kid

回覆 keen 的帖子

請問可以去邊度做評估?  
小囡9月尾B, 現讀K2. 老師已提醒小囡寫字唔夠力, 上直屬小學會有點吃食。
我一直著緊小囡學術方面跟唔跟到小學課程, 真係估唔到寫字唔夠力都係決定上唔上到小學的原因之一.  
因為小囡真係唔太喜歡寫字, 成日話攰. 現在很擔心, 想去做下評估.

yoyo-chow

原帖由 喜樂果子 於 14-05-29 發表
如果你真係好想小朋友重讀K3, 你大可以再試下其他學校, 可能都係困難, 但當比多次機會自己, 但如最後條路都 ...

希望佢發揮佢嘅小宇宙，可以應付到啦

bee918

回覆 yoyo-chow 的帖子

一定要轉校! 找些K3下午班, 應該有位的. 上午另找一些訓練課程

喜樂果子

如果你真係好想小朋友重讀K3, 你大可以再試下其他學校, 可能都係困難, 但當比多次機會自己, 但如最後條路都要升小一既話, 請不要氣餒, 小朋友的小宇宙我們係唔會理解的, 可能小朋友應付到呢, 起初一定會有些困難, 但總會一關一關過的.  加油價

wai406

原帖由 yoyo-chow 於 14-05-28 發表
又跟之前一樣升上小一，唯有再努力D幫佢做訓練

如果你諗住再考過小一, 現在要開始再報名了, 現在很多學校開始報名了

yoyo-chow

又跟之前一樣升上小一，唯有再努力D幫佢做訓練

hazelnutcake

原帖由 yoyo-chow 於 14-05-28 發表
非常失望幼稚園忽然話冇位比我仔重讀K3。等我煩咁多日，打咗咁多電話又取消又申請……



  ...

咁你而家點算呀！！？😖

wai406

原帖由 yoyo-chow 於 14-05-28 發表
非常失望幼稚園忽然話冇位比我仔重讀K3。等我煩咁多日，打咗咁多電話又取消又申請……



  ...

邊間幼稚園咁衰?唔 駛怕,最多揾屋村幼稚園, 應該會有位

karen55407

離譜

yoyo-chow

非常失望幼稚園忽然話冇位比我仔重讀K3。等我煩咁多日，打咗咁多電話又取消又申請……

keen

回覆 keen 的帖子

無錯。我見嗰個職業治療師都話，其實係而家普遍嘅課程係深咗，所有嘢都推前咗嚟學…加上我個仔都係細仔，所以咪跟唔上囉…我都打算趁呢個暑假佢打番好個底先…上咗小學就太遲啦…

keen

我都係今年2月才決定要重讀K3 (其實 K2已經有向學校申請，但學校覺得小朋友無問題。結果我去到K3頭覺得唔對路 (其實友人一直都勸我要 repeat, 朋友本身是做幼兒教育的)，才出去搵人做評估，結果職業治療師嘅comment 係，佢係輕微讀寫，佢根本在讀寫方面係 K2 level, 最佳方法係直接 repeat 一年，如果唔 repeat 的話，上 training course 都可以，但 repeat 才是最好方法。

跟住我才寫信直接同學校講一定要repeat，話我已經向教育局 withdraw 咗個小一位。然後求學校俾個 repeat位我個仔，如果佢唔俾個位我，我最多逐間學校拍門求K3位。跟住原校才俾個位我 repeat 咋。

真係要靠自己出去做d功夫才有得 repeat，不過為著佢將來有更好的成長，唔想佢細細個因跟唔上而討厭讀書寫字，我覺得係必須的。

LeeCC

Vincywan 發表於 14-5-23 02:50
想問下如何發現小朋友學習遲緩呀？

好多一出世已有問題，如早產

Vincywan

想問下如何發現小朋友學習遲緩呀？

Bigpig_2007

讀小一先適應，學野重快，或者佢得呢! 而且你有得觀察小一模式，進度，下年有需要才再報直資，私校好過，再扣門官津都得，反而著數過重讀K3!  

派位一生人一次，未再諗K3啦~

MrBeast

同時患上讀寫障礙、專注力失調和過度活躍症的王靖維，讀小學時曾經留級，後來媽媽替女兒轉校，又鼓勵她跳舞、學體操、演話劇、當義工，靖維不單備受賞識，部分學業成績更名列前茅，並且贏得前往新加坡交流的機會，如此，也讓父母明白到，只要有自信，孩子的潛能是無限的。
這天跟王靖維見面，她剛參加完跳舞比賽，一身中國民族服裝打扮，還即席擺了一個優美姿勢讓我們拍照。她同時參加了跳舞、體操和話劇，都獲得外界的讚賞，不單順利通過舞蹈考級，更被中國香港體操總會挑選作重點培訓，而在香港學校戲劇節中，她連續兩年獲得「最佳合作獎」，對於一直予人無法好好合作和溝通的學障兒童來說，絕對是一次難得的平反。
轉校成績躍進
自三年級開始，王靖維的中、英文聆聽考獲全班第一名，音樂和體育科成績亦名列前數名，不過，媽媽林綺玲說：「她能夠理解，亦能夠有條理地回答，但默寫方面則比較弱。」
回想靖維小一就讀一所傳統小學，功課沉重，又經常被投訴，儘管重讀一年級，也沒大幫助，結果媽媽為她轉到另一所功課較少的學校，同時鼓勵女兒多跳舞和參加話劇班，發掘才能。
事實上，靖維身體柔軟，肢體動作靈活，不論跳舞、體操等的表現都很好，並獲得學校的支持，媽媽林綺玲說：「比賽時遇上測驗周，校長會叫我們努力比賽，不用擔心測驗。」
探訪助人自助
媽媽看到，女兒雖然讀和寫有困難，但才藝表現相當不俗，為了加強她的自信心，多年來與女兒參加各種義工活動，包括賣旗、探訪傷殘人士及長者等，「讓她明白別人也有不足，要珍惜自己，幫助別人。」漸漸地，靖維增強了自信心，做人也變得積極。
今年讀五年級的靖維，已經能夠獨自溫習，不用媽媽擔心了。最近一次測驗中，她的中文科及英文科筆試分別考獲全班第一及第二名，令她感到前所未有的成功感。

編輯：黃寶恩

http://www.skypost.hk/親子教育/親子/20140522/008/媽媽積極發掘潛能%20學障女生%20留班變第一/139194