為家人擔心

legolas625

雖然我未見過你的姪仔，但你姪仔的情況似乎比我阿仔差，我阿仔大肌肉無問題，得bb話，俾人評為有自閉症狀、整體發展慢，但無沉迷轉車輪、亦無同一路線來回跑。自閉有好多症狀，要綜合黎睇，問題行為亦要睇程度，我覺得叫名唔應、無眼神仲嚴重過玩車轆，因為這樣係唔理人。

如果以前有眼神，而家無左，即係倒退，亦更加要留意，小朋友應該而家大左應該識同人溝通交流、表達自己，醫生話A仔的症狀會慢慢浮現，愈大愈明顯。無錯，發展指標指標是根據統計所訂，小朋友有快有慢，但誤差是6個月，而家好明顯係慢過誤差期。

如果你弟弟夫婦抱住咁的心態，聽唔入耳，去健康院都咁堅持，加上遇上d求其的姑娘、醫生，話觀察下，又會拖到2歲再去健康院，又遲左，排cac又遲左，排服務又遲左。

咁如果佢地認為個仔係咁，係因為工人照顧造成，佢地有咩有打算?　點樣教番好佢? 無人教佢唔會識架，小朋友如果繼續習慣咁既行為模式，會好難改變，2歲無書讀又算，咪繼續自我世界。

Anan3388

勸親人真係好唔易。我都試過。要堅持，同埋同佢哋講，當買個保險，評咗無事咪得個安心，好過第日後悔自己無早些幫個仔，因為排服務都要一兩年！

當年我咁勸親人，佢哋都唔肯即時去貴嘅評估，先去咗協康做幼師評估(當年600)，係知無得排服務嘅。評出嚟係知有問題，我再勸佢哋，花多少少錢排住隊先，到時排到無用咪唔要，好過誤咗個仔。因評咗第一次都接受多咗，就去另一間有得排嘅做評估。最後，都係自閉，都排年多有服務，但好在當時有排到，否則仲耐。

排到之前佢哋都開始接受到，轉到個思想係點盡早幫個仔，所以未排前有密集。現在相比佢當初，孩子好大進步嘞！

我當時無兩公婆一齊傾的，我選擇同至親那個單獨傾，始終面子問題。所以我建議你同細佬再私下傾多次，再鼓勵佢哋去評估呀！

其實當初我都好怕親人覺得我多事，但我同我親人講，你怨我多事我都要堅持勸你，因為訐咗一場虛驚，最多咪俾你話我大驚小怪？我出發點都係當孩子係親人想幫佢。但萬一我唔提出，遲咗先去評而又真係有事，誤咗孩子黃金期，我真係好唔安樂㗎！

到今日，我無後悔過我堅持，仲覺得好彩我堅持，孩子進步我都有功勞㗎！

Joanwatson

不好意思 浪費了大家的關心 結局是壞消息，事情發展到今天家庭聚會，我趁父母揍孫時拉細佬兩公婆談自閉傾向的詳情，兩公婆沒有動氣， 弟婦話找過做幼教之類的朋友問過，佢朋友話無擔心需要，因為自閉兒必定會玩車輪，轉轉物體而姪兒沒有，繼而話溝通方面，話姪兒六七個月大前都懂得與人眼神接觸發出bb話與人溝通，而家同人無eyecontact無語言手指指發展慢係家傭造成，我想插咀也不行，最後他們話，月底到健康院檢查就算姪兒發展未達標也不會擔心，因為指標泛指一般小朋友，不能概全，而且佢地話姪兒懂行懂走爬上爬落玩具識玩，沒有智力問題，反叫我們唔好想太多杞人憂天，聽到此 心有點痛 不知他們天真還是鴕鳥，看著姪兒整晚三小時的家中來回同一路線跑動，自笑自玩皮球（不也是圓，會轉的嗎）真希望是大伯伯娘看錯 。

cvpigpig

原帖由 Joanwatson 於 14-03-03 發表
全對 基本上講過一次，見面氣氛已有不同，如果不是怕婆媳爆發我媽都不會要我開口吧，playgroup也是好提議， ...

老師唔會明顯講，但係當一班年齡差不多的小孩在一起玩時，就會好明顯見到分別。

pocoyo123

樓主你真係一個好人, 只是佢地暫時感受不到.

想當年, 亞仔評估有問題時, 我也有幾個月不能面對自己囝囝, 那種自責, 傍徨, 無助, 有時係好難去面對.

回想我都係有家人支持先可走出這困局, 希望, 你都可以幫助佢地一家人走出去, 努力面對

legolas625

我都建議你叫弟弟夫婦帶阿B去參加playgroup，要揀同班差唔多年紀大細既，咪話當係玩囉，帶佢見多d人都係好事，因為佢要知道要同人溝通，唔係困在自己世界，一家有好無壞。

我都是因為參加後，覺得阿仔好多方面比其他小朋友差(我絕不係怪獸家長)，唔到我唔認，因為無理由差太遠、慢太多。我地兩公婆都有返工，為個仔撲黎撲去都辛苦架，我有時好累會喊，但學我老公話齋:"辛苦都要做架。"，好彩佢好支持捱過。就算阿仔其實係唔係a仔，我地一定係幫緊佢，幫佢接觸、適應呢個世界，同人溝通。

呢度好多媽媽都好戥你個姪心急，加油呀

Vichang

原帖由 Joanwatson 於 14-03-03 發表
姪兒出生我父母已經幫bb買左，不知道將來確診會否影響受保？謝謝你的提醒！



  ...

如果買左危疾有自閉症，確診后可能有得賠。

llam1210

試問一些有特殊教育經驗的機構例如心橋，循道。希望幫到你。加油。唉看你描述真同我女兒那時一樣

Joanwatson

原帖由 legolas625 於 14-03-03 發表
醫生話發展可以有6個月誤差，而家未識bye，應名，太慢了。
教仔一定要勤力，仲好辛苦，尤其係A仔，要不停同 ...

謝謝你的分享，看到你們為小朋友的付出令小朋友日漸進步，希望家人也盡快接受，好好幫助小朋友，雖然弟兩公婆說什麼搵食艱難 返工壓力是真的，家家都有，但我認為教養小朋友父母是責無旁貸的，小朋友比大人更無辜，有病加上白紙一張，什麼命運就是看父母如何去對待。

Joanwatson

原帖由 Vichang 於 14-03-03 發表
突然間諗起，如果弟婦未幫囝囝買保險，快d買，任何懷疑個案一入左file 保險公司唔承包！



  ...

姪兒出生我父母已經幫bb買左，不知道將來確診會否影響受保？謝謝你的提醒！

Joanwatson

原帖由 pokey 於 14-03-03 發表
從來干涉人教仔都會失感情，即使係多年好友，你一講人地個仔點，或者佢地教法點，即刻反面都有可能。所以我 ...

全對 基本上講過一次，見面氣氛已有不同，如果不是怕婆媳爆發我媽都不會要我開口吧，playgroup也是好提議，但私營機構不知道見小朋友有問題會否作出建議提醒，但起碼是一個學習機會，謝謝你的建議！

bearclub

原帖由 chowqv 於 14-03-01 發表
得18個月，又真係好難知。
有自閉症既，就連阿媽都唔會有眼神接觸。
不過快2歲，你不如鼓勵弟婦俾阿b讀下b ...

唔一定。有啲自閉症小朋友眼神接觸唔錯，有啲就局限於親人。

Vichang

突然間諗起，如果弟婦未幫囝囝買保險，快d買，任何懷疑個案一入左file 保險公司唔承包！

琪寶

我好明白你弟婦的心情，以我為例，我嫂個仔係典型a仔，在我女還是bb時已經常提點我要留意什麼什麼，我當時一點也不上心。到我女兩歲多語言發展仍很慢時，她就多次叫我要帶阿女去評估，說她可能都是a的，當時我覺得很煩厭，心想為什麼你總認為我女和你兒子有同樣問題。我覺得我女除了語言慢和怕陌生人之外，其他都很正常，跟你兒子很不同。
到之後，連我女的老師都說她語言真的很慢，我才帶她評估，才發現她是自閉傾向，雖然到現在我都不太接受這個結果，因我覺得心理學家的解說很含糊(她說我女兒是踩界，剛剛跌入自閉傾向這個範圍，若在我們中心上三個月課程，必會有很大進步)，我覺得他是為做生意居多。
我覺得真的需要有專業人士(如老師)出口說，你弟婦才會醒覺有問題，你侄兒有上playgroup嗎？如有，可問下導師的意見，如沒有，可提出讓小朋友上playgroup，等你弟婦親眼見下兒子和其他小朋友的分別。

pokey

從來干涉人教仔都會失感情，即使係多年好友，你一講人地個仔點，或者佢地教法點，即刻反面都有可能。所以我都避免講太多，有啲野提一兩次佢都唔理就算了。另外再旁敲側擊咁囉。例如你介紹佢去playgroup，唔駛日日喺屋企悶幾好喎，等老師同佢講個問題。例如你facebook同其他朋友討論下社會上的幼兒問題。

siufung

原帖由 Joanwatson 於 14-03-03 發表
原本家事不想多講，細佬兩公婆都做野返工時間長，姪兒滿月起就是跟家傭揍大，他們放假我媽上過佢地屋企，媽 ...

其實他們有你這樣的大伯已好幸福了！你自己有自己家庭，亦有孩子要教，爲了不誤姪子多番搜集資料，希望能幫一把...老實講，得罪一句，你弟弟和弟婦如果仍堅持這種態度教養孩子，莫講是A仔，就算是天賦異稟的天才，也養不了成才；萬一孩子真是A仔，所需父母投放的愛心耐性時間金錢將比培育正常小朋友多無數倍，如持續“放逐“態度對待，這有如置孩子於永無翻身的萬丈深淵！小朋友好可憐，父母將來更會視之如包袱。這並不是“自己受番“咁簡單，因為小朋友將來是一個獨立個體，他也要面對社會、面對自己，到時他沒能力自處，只埋怨父母又有何用？現在首要是父母面對問題，積極幫忙小朋友；其實幫孩子也是幫自己！

siufung

原帖由 legolas625 於 14-03-03 發表
我的感受係，做父母一定要主動，先幫到阿仔。我叫老公自己搵自閉資料，佢都覺得似阿仔的問題，好接受到，仲 ...

你囝囝好好好幸福！！有積極正面的父母，他一定會好快進步！！

siufung

原帖由 jjcow 於 14-03-03 發表
係呀，你講得好啱，慢咗就係慢咗，唔好理最後係唔係。小朋友發展係有里程碑嘅，尤其係三歲前，係發展最快速 ...

“每個小朋友發展都不同，不要比較“某程度可以係啱的，但有d野，off得緊要一定要注視....BB的發展係有標準的，我女當年是典型:“七坐八爬九出牙“.......之後有d野稍一跟慢左(例如自己用杯飲水較遲掌握)，我便努力跟進番個task

legolas625

我的感受係，做父母一定要主動，先幫到阿仔。我叫老公自己搵自閉資料，佢都覺得似阿仔的問題，好接受到，仲一齊同阿仔上堂

legolas625

醫生話發展可以有6個月誤差，而家未識bye，應名，太慢了。
教仔一定要勤力，仲好辛苦，尤其係A仔，要不停同阿仔玩，講野，教指令，認物件，可能要一個動作要教幾個月，父母太懶，當然唔會識，BB天生不會bye