- 在線時間
- 26 小時
- 最後登錄
- 14-9-12
- 國民生產力
- 0
- 附加生產力
- 343
- 貢獻生產力
- 0
- 註冊時間
- 12-7-11
- 閱讀權限
- 10
- 帖子
- 138
- 主題
- 8
- 精華
- 1
- 積分
- 481
- UID
- 950288
|
咁多位家長,實在不好意思!近段時間中學生期考,要幫學生補課,忙得不得了,小女又系第一年中學期考,所以忙完外面忙家裡,沒有時間上來。
半夜抽空來寫幾句,實在是有些感慨,想傳達給各位家長。皆因名校生的中文成績爛到出乎想像。先講講小女學校,這幾天剛考完中文,全校一片烏雲蓋頂,淒涼加慘淡。我睇咗小女facebook,幾乎各年級所有鋪出黎嘅狀態,全部喺講中文被炒。有D甚至話拿到份卷,只寫咗三個字就唔知要點做落去,但喺英文方面就全部輕鬆過五關斬六將。小女就讀名校,身邊全部叻人,但中文弱雞幾乎是全部人的通病,除左幾個鍾意睇書嘅保得住不敗地位,幾乎各個叻仔叻女都面臨中文被炒危機。
而我手下幾個從小學一路睇住上中學嘅學生,除咗自細鍾意睇中文書嗰個,和吸收能力特別強大的另一個學生,兩個都喺聖保羅男女中學,(scpp中文完全依照大陸一套,難度相當高),除左呢兩個能keep住中文成績優勢之外,其他幾個英文好叻嘅名校生,雖然從小學一路補中文到而家,但都只能勉強保持合格,成績未能有突破。究其原因,從小只睇英文書,唔中意睇中文,中文知識缺乏太厲害。小學唔覺有問題,上了中學,小學可以操練的題目去到中學全部變作問答題,思考題,理解題,因理解能力和表達能力的欠缺,就算點補習都好,都喺頭痛醫頭腳痛醫腳,治標不治本。
我冇時間睇各位家長回覆和留言,相關質疑等我有心情先慢慢回答吧。我只想中肯地告知各位找不到方向的家長,中文閱讀好重要!英文閱讀對英文寫作好有幫助,但是就目前香港考試制度來講,要求唔高,你更需要把大量時間放在中文的浸淫之中。我之前講到英文背到就得,好多家長質疑。不要以為背英文是個愚蠢的辦法,一份付出必定有一份回報,等上咗中學,你們就會知道,從小肯去背誦的學生,到了中學應付各門學科都會遊刃有餘!不要以為背誦是苦事,讀書哪有不辛苦的?如果自小就有背誦的習慣,到了中學,佢會比其他同學喺記憶能力方面快N倍。我那個只喜歡看英文書的學生,我規定佢每堂課背誦一段文言文,日積月累,不光是文言文難不倒她,更重要的是她根本不怕背誦,記憶其他科目都易如反掌。不要忘記,上了中學,歷史地理科學,哪一樣不是生僻的英文詞彙?如果你想小朋友上咗中學後有均衡的成績,克服中文爛的難題,那就要從小學抓起吧,閱讀是永恆途徑。
我小女各科成績均衡,哪怕我最注重中文學習,但她在學業上的表現,還是英文叻過中文,令我更生感歎,那麼其他那些只重視英文忽略中文的家庭,如何過到中文關呢?從小到大,放在小女英文學習上的時間甚小,英文閱讀只能在暑假進行。小女的小學谷得好勁,每日功課要做幾個鐘,就算有時間睇書,睇中文書都唔夠用。所以英文閱讀我幾乎都喺放在暑假,上咗小六之後就開始出去補英文,上咗中學后開始補口語。真喺凈喺靠補習輕易過到英文關。但身為專業補習的阿媽我,自細冇同佢補過一個字,無論中文或英文,小時候佢凈喺睇中文書,因為識字就唔使我陪讀;大了才看英文書,那時有一定詞彙量,又唔使我陪讀。學業上我凈系幫佢兩樣嘢,功課唔識我會教,默書要跟貼,到了考試,就出幾份卷畀佢模擬熱身,就系咁多。小女學琴都喺上咗6年級先開始,大個咗唔使我陪練,出去補習都喺上6年班之後,唔使我接送。大家可以看到,我喺一個比較會跟時間算經濟賬的人,我喺女兒身上所花費的時間,比其他家長肯定少之又少。我喺一位付出極少但回報率很高的家長,小女喺名校雖非尖子生,但都能keep住較好水準,各科成績都很穩定。所以我的經驗體會,喺比較適合平時忙於工作無暇顧及孩子,而小朋友成績不好,又找不到頭緒的家長。如果小朋友已經叻到識飛,基本可以忽視我所講的內容。因為每個小朋友每個家庭都會有一套適合自己嘅方式,如果自己的方式運作得很好,就不要去輕易改變。
evil不好意思,近排太忙,未能及時回答你問題。小朋友還小,唔急住,等我女女和學生全部考完,我再同你好好分析下。你可以做各種嘗試,除左開發腦力之類的訓練班喺呃錢,其他實用課程都可嘗試一下,再問小朋友自己感受,喜歡就繼續,不喜歡就停,慢慢你就會摸索出小朋友的興趣愛好和能力傾向。至於你朋友嗰仔,物質越多,越唔識珍惜。不必全部收起,但要畀佢知道有付出才會有得到的道理。實施獎勵制度,如果佢做到麼麼,就可以獎勵玩指定車輛幾部,等等的方法。詳細等考完再談。
咁多位留言嘅家長,真喺唔好意思,等考完試再來一一回覆。 |
|