12區派左去李賜豪

zeno1213

HIHI 各位,

我係誇區專登揀李賜豪架, 第一輪已經收左, 因我去過聽佢地介紹同講解課程, 亦帶阿仔去試堂 (用普通話上中文堂), 我覺衣間學校真係唔錯..校長老師都好親切, 好有HEART, 東華三院既資源又多, 我相信自己無揀錯, 大家放心讀啦! 灣仔區除左果幾間傳統名校之外, 次選都係李賜架啦!   

zeno1213

回復 Ting0329 的帖子

李派位唔錯..多數係李潤田及鄧兆堅! 主要派BAND 1 , 2 既中學, 本身間小學唔差架! 聽講功課一般啦..唔算勁多!

zeno1213

回復 Mybaby03 的帖子

小班教學! 每班大約28-30人, 有3班, 有一班中文班係用普通話上堂! 我有帶阿仔去試堂 (普通話中文班), 真係唔錯, 我仔無學普通話, 但試上一堂, 阿仔都跟到少少, 如果日日上, 阿仔既普通話同中文水平相信會好快有進步!

另外我去聽佢地既講座, 佢地既英文水平都唔錯, 聽佢地學生講英文(播片), 老師強調果個學生唔係屋企有外傭或英語環境長大..都能夠講得一口流利英文! 所以我對衣間學校既課程都有信心!

另外學校都好注重自理能力, 佢地既學生可以係指定時間內, 如著好件著, 綁好鞋帶, 摺好件衫, 佢地除左著重3文兩語, 仲有自理能力都一樣注重, 衣點我最buy!

衣d係我係佢地既講座入面知道既事, 真係要我仔9月入學, 先知實際係點既! 不過我揀之前都有睇其他人點 comment間學校!  我覺應該係唔錯既一間學校, 須然唔係多數人既首選,  但校長同老師應該係好有heart 去教小朋友!

其他讀緊既有comment都可以比d意見! 希望大家既仔女9月上讀得又開心又鍾意番學啦!