成日見到D叫人帶壓力鏡既帖

joyce1234

回覆 lawsonmoon 的帖子

我都係真心想問,係邊條香港法例,指明"不可讓視光師直接替七歲以下兒童配眼鏡,一定要有眼科Dr醫生紙證明有近視才可配"

我google 唔到,既然你知,可否明言邊條法例?

joyce1234

回覆 Aerosol_Ma 的帖子

因為小兒都有近視,睇過眼科醫生及視光師,然後自己上網查了一大堆資料.
正如你所講, 其中2種比較有效控制近視加深的方法是1) atropine (2) Ortho-K ,即角膜矯視. 另一種漸進鏡,好似未有好solid的研究指能夠有效減慢近視加深.

講到atropine或Ortho-K那種方法好一點,我發現一個有趣現象,就是視光師都認為Ortho-K好一點,反而我問過的視光專家(有別於眼鏡鋪的視光師,他是在大學專門研究近視問題)就反對用atropine. 相反, 我問過的眼科醫生,就好反對用Ortho-K,反而建議用atropine.

有趣的是, 如果你用Ortho-K,你係去幫襯視光師而唔係眼科醫生, 但如果你係用atropine,你係去幫襯眼科醫生而唔係視光師.

然後,我自己搵咗一大堆資料,知道呢兩種方法都有其好處(減慢近視加深)及副作用. atropine中文叫散朣劑,就類似小朋友驗眼要滴放朣藥水以便放鬆眼部肌肉(睫狀肌)的原理一樣. 用atropine減慢近視加深,係要每日都滴呢隻藥水,令眼部肌肉放鬆,從而達到減慢近視加深的情況(近視加深係因為眼部肌肉長期緊張,失去彈性).但副作用係,長期用呢隻眼藥水,會令朣孔散大,令大量光線包括太陽的紫外線進入眼睛,對視網膜不好,所以滴散朣劑的小朋友如果在陽光普照下活動,醫生建議需要戴太陽眼鏡. 另外亦有副作用好似畏光,看近的東西會模糊等等...

用atropine在台灣比較流行.各位如果有興趣,可以自行google,便可以搵到大堆資料. 不過我對這方法很有保留,因為每日滴藥水(睇過有啲用家話小朋友滴時會覺得痛)+過多的吸收紫外線,我好擔心長此下去對小朋友眼睛的影響好大.

至於Ortho-K,最大既副作用應該係有機會令到角膜受損(可能因為清潔不夠,或因為小朋友戴矯視鏡時捽眼..等等), 角膜很容易受損的, 但輕微既損傷又可以很快的自我復元. 但當然,嚴重角膜受損可以好大件事. 至於呢個問題係唔係可以避免, 我諗清潔方面,只要日日跟足程序,大致應該冇問題.但小朋友瞓覺時捽眼,則無得避.

所以我都十五十六. 不過如果在atropine同Ortho-K之間揀, 我一定唔會用atropine.

先聲明,我冇利益衝突, 我只係一位好擔心小兒近視不斷加深的普通家庭主婦,所以自己不停去搵有關資料而已.講咁多,係想講大家如果真係想知更多,其實google一下查證一下,係可以搵到更實在既資料.

我認同樓主話,大家係考慮各類方法去減慢小朋友既近視時,應該要搵齊pros and cons , 一定唔可以輕率, 但至於樓主話"香港法例不讓視光師直接替七歲以下兒童配眼鏡,要有眼科醫生證明有近視才可配" ,我就認為這不是事實.  因為如果真係事實既話, 唔好講話眼鏡8X, 就連理工大學視光診所入面的視光師,全部都違法/違規. 如果真係事實,我首先就會去投訴幫我仔配眼鏡那位視光師.
  

joyce1234

回覆 MyFairLady2014 的帖子

關於atropine,我没有忽略最重要的部份>>看近模糊. 我在回應中已寫了副作用是"看近模糊", 就是你所講,看近時不能聚焦所以會眼矇.

矯視鏡VS減慢近視加深的關係, 請看理大2012年公布的臨床研究

http://www.polyu.edu.hk/cpa/polyu/index.php?search=&press_section=&press_category=All&press_date=&mode=pressrelease&Itemid=223&option=com_content&page=10&order=desc&orderby=news_date&press_id=2222&lang=tc

你說"建議人用的眼科醫生或視光師，纯粹是龐大商業利益考慮，而不顧專業道德", 那麼,理工大學不就正是你所說純為龐大商業利益考慮,不顧道德囉?

至於你講到"任何一個有良知有見識的眼科醫生都不會建議使用這兩種方法", 我只想告訴你,向我建議用atropine的眼科醫生,是全港最有名研究兒童近視的眼科醫生之一,目前在港島某私家醫院診症. 行內應該無人不認識這位眼科醫生的.事實上,我認識atropine這個名都是因為那位眼科醫生的介紹,後來找資料後覺得副作用好大,於是我對這位醫生作出這建議感到很失望.

我對atropine及ok lens也有很多問題. 我期待這裡有建設性的討論.  

joyce1234

回覆 yiyiyima 的帖子

想問一問你小朋友多大了?滴了多久? 幾耐要去醫生那裡覆診一次?

joyce1234

scyauchris 發表於 14-4-15 17:47
其實大家只是分享資料，如果可以我都不想用OK鏡或atropine. 中大有新藥水，但唔知成效及副作用 ...

冇錯,大家只係分享資料,所以我只會睇各人留言裡有point有理據既言論,至於其他情緒化既形容詞,我一概唔會理會. 正如反對ortho-K又反對atropine既網友叫我唔好理視光師既意見(理工係本港視光師界別裡最權威既機構之一了吧),應該去問眼科醫生意見, 查實我就係問完眼科醫生而佢地叫我用atropine.

所以呢,平常心對待呢啲言論啦, 佢地都係出於善意(我assume 係咁)啫. 但至於自己小朋友既情況, 自己最清楚, 個案亦人人不同. 都係那句: 搵多啲資料, 聽多啲正反意見, 當然, 自己既判斷係最重要的.

joyce1234

回覆 scyauchris 的帖子

大部份眼科醫生建議atropine或什麼也不做,只注重戶外活動...
正路.
因為近視真係冇得搞. 其實若果近視唔係嚴重到視網膜/其他眼疾,眼科醫生確實好難處理. 唯一係佢地範圍內既係用atropine. 我見過那位在兒童近視很有研究的眼科醫生亦講過, 很多研究表明,要護眼,戶外活動很重要.雖然,很多家長也講過,即使有戶外活動,近視一樣深得好快.  但我們永遠唔知道,如果少咗戶外活動,近視係咪深得仲快. 呢方面,只有信權威,照做.

你看的另一位眼科醫生有其他方法嗎?(我不是指那些護眼常識,而是處理近視的方法)

joyce1234

原帖由 lawsonmoon 於 14-04-27 發表
the same old story here. 小朋友角膜變咗形,不是冇咗近視,只是方便咗日頭唔駛帶眼鏡。情况等如帶了一副合 ...

The same old story here,冇人話過戴咗ok lens可以減目前近視度數。

joyce1234

隔離帖有媽媽說女兒戴了八年期間近視只深75度喎

joyce1234

原帖由 lawsonmoon 於 14-04-29 發表
其實你係咪仲未明？調校壓力和弧度,度出來負75度都仲得！

唔係丫。期間加了75度是指個真正近視度數加咗75度，即係話戴之前eg 係100度，戴咗八年，之後唔戴既話，近視係175度。

joyce1234

係指事實上既近視度數，非受矯型鏡影響下既近視度數

joyce1234

MyFairLady2014 發表於 14-4-30 20:52
那又能代表甚麼呢？有何客觀証據或証明那個案在八年來近視只加深了75度與戴OK鏡有關呢？

大把個案近視去 ...

吓 !
講緊係由8歲到16歲,當然人人情況不同,但呢段期間係有兩段近視急速加深期...
那又能代表什麼? well...我其實很歡迎正反既討論,特別係提出質疑既論點, 但係如果冇論點/或者太離地, 我諗我真係無話可說,亦不會回應.

joyce1234

某著名眼科醫生2013年在信報的文章 : 近視兒童應否考慮使用角膜塑形鏡

近視兒童應否考慮使用角膜塑形鏡


　　現今社會兒童的近視問題日益嚴重，根據中大醫學院眼科及視覺科學學系調查發現，小學生患有近視的人數由十年前36%增加至44%，另外，幼稚園學生患有近視的人數也由2.3%上升至6.3%。由於近視患者患上其他眼疾(如視網膜脫落、青光眼及白內障)的機會較一般人高，並且容易發生致盲併發症，因此，家長十分關注是否有方法可以減慢近視加深。

　　目前研究顯示增加戶外活動對減慢近視有幫助。另外，度數深的近視兒童可以使用阿托品眼藥水，抑制鞏膜纖維組織的生長，從而防止眼球再延長，近視加深。但阿托品同時也有一些副作用，包括睫狀肌麻痺及瞳孔放大，使用此藥物需要遵從醫生指示。

　　而近年有研究報導角膜塑形治療（Orthokeratology，簡稱OrthoK）可以減慢近視加深，但亦有報導指出此治療對減慢近視并沒有幫助，到底角膜塑形治療作用如何？今期我們就來深入探討近視兒童是否值得使用角膜塑形治療來治療近視。

　　角膜塑形治療是否安全？

　　角膜塑形治療是一種矯正視力的非手術性治療，透過使用特製的角膜接觸鏡片（OrthoKlenses），即是俗稱的OK鏡（圖1），來改變角膜的弧度，讓近視患者視力得到矯正，目的是在摘除鏡片後可以無需佩戴眼鏡便能看得清楚。

　　與一般隱形眼鏡類似，OK鏡亦會存在潛在風險，主要包括以下四種：（1）角膜缺氧（Corneal Hypoxya）﹑（2）敏感（Allergy）﹑（3）角膜磨損（Corneal Abrasion）及（4）感染（Infection）。由於需要夜間睡眠時長時間接觸角膜，並且眼睛閉合會對角膜施加壓力以及增加角膜缺氧機會，佩戴OK鏡發生以上併發症的風險相對要更大。若處理不善，它們會導致更嚴重的併發症，甚至可能需要接受角膜移植手術。

　　然而，如今的OK鏡在物料、驗配、設計及護理等方面都有了很大的改進，因此，只要在使用期間加倍注意，做足鏡片的護理三部曲：清潔、消毒和除蛋白，OK鏡的整體安全性還是可接受的。
圖1：角膜塑形治療使用特製的隱形眼鏡鏡片。

　　矯視能力

　　角膜塑形治療理論上沒有年齡限制，通過塑形治療可以矯正低至中度近視（可矯正500度及以下近視，150度及以下散光），而研究發現，如使用專門的散光角膜矯視鏡片，可矯正散光度數多達275度。

　　治療原理

　　角膜塑形治療所使用的鏡片是一種中間平坦周邊陡的特殊設計的隱形眼鏡鏡片，配戴上該鏡片後，鏡片會輕輕接觸角膜，配合眼皮的眨眼動作而慢慢地改變角膜形狀，使角膜中央部份受壓而變得平坦，而令外界進入眼睛光線重新聚焦到視網膜上，從而達到降低近視度數或散光的效果（圖2）。
圖2：角膜塑形治療透過使用特別的鏡片改變角膜弧度而達到矯正近視、散光的目的。

　　OK鏡在2002年獲美國FDA批准用於治療近視，而現今的新型角膜塑形鏡片以新型高透氧物料，根據精密設計製造而成，分為多個不同弧度區，使中央角膜孤度及厚度改變，還可以在矯正近視同時減淺散光。鏡片中使用的高透氧（Gas-permeable）物料，可以幫助改善透氧量，減低角膜併發症的發生。

　　能否減慢近視加深？

　　OK鏡可以替代眼睛，暫時矯正近視和散光。有研究指出，OK鏡治療除可矯正近視、散光外，還可幫助減慢近視加深，使用OK鏡後，眼球增長速度減慢3至5成。而同時，亦有研究顯示，使用OK鏡對減慢近視加深並無幫助。

　　使用OK鏡是否能幫助減慢近視加深，至今尚未有定論，還需要更一步的臨床數據。不過由於在日間可以無需佩戴眼鏡，OK鏡在改善近視兒童的生活質素方面，是有正面作用的。

　　治療過程

　　患者接受角膜塑形治療前，眼科醫生或視光師會對其眼睛進行詳細檢查，包括視力、近視及散光度數、角膜弧度等指標，另外還需要檢查確定是否存在眼睛病變（例如角膜發炎、破損等）不適合進行治療。完成檢查後，視光師會依據個人眼球屈光度、角膜曲率和角膜特性而特殊訂製專門鏡片，患者需依指示於睡眠時佩戴鏡片，隨著佩戴時間的累積將逐漸降低近視度數。角膜形狀變化是漸進式的，矯正所需時間及效果依照角膜情況、近視度數和散光度數不同而不同，一般在頭兩週就可見矯正效果，而第一個月內矯正速度最快，接下來則降低速度變慢，完全達到目標矯正效果約需1至3個月。要注意的是，不要經常戴鏡片超過10小時以上，避免增加出現角膜缺氧及其他併發症的風險。而接受治療的患者必須在眼科醫生或專業視光師指導下使用鏡片，并需要定期覆診，以確保安全。治療期間只要發現眼睛有任何不適症狀，要立即除下鏡片，並覆診讓眼科醫生檢查。

　　結語

　　角膜塑形治療透過使用特別訂制的鏡片改變角膜弧度而達到矯正近視、散光的目的。無法適應框架眼鏡或者希望日間無需佩戴眼鏡的低至中度近視患者可以考慮使用。至於OK鏡能否減慢近視加深還有待進一步的研究。另外，佩戴鏡片治療有機會引致多種眼部併發症的發生，因此在佩戴鏡片期間必須做足鏡片護理三部曲，並且定期覆診，出現任何不適症狀，要立刻找眼科醫生診治。

joyce1234

原帖由 Winwinstar 於 14-05-07 發表
http://orientaldaily.on.cc/cnt/news/20140507/00176_100.html
內文所講的周邊離焦理論是甚麼？

呢個理論我問過，不過要畫圖（眼球個圖）才容易理解到，你試試google一下，有圖容易明啲。

joyce1234

討論還討論，你成日問我係咪仲未明，其實我一樣可以話你唔多明ok lens。例如你出此帖第一個發文，講咗4個你claim 既＂fact'， 其中三點都唔係fact喎。

1. 因為安全問題，冇眼科醫生會叫人用ok lens . (但有眼科名醫寫比信報篇文公開話ok lens 整體上係安全既.恕我刪去該醫生個名,以免變相替他賣廣告.）

2.香港法例不可讓視光師直接替七歲以下兒童配眼鏡,一定要有眼科Dr醫生紙證明有近視才可配.(呢個point之前已有網友引述行業規例證明事實並非如你所說）

3。近視成因係眼球過長, 屈你的Cornea而令你不用帶眼鏡,眼球一樣係過長,等同你每天帶住隱型眼鏡,不用帶眼鏡,算唔算冇近視,近視冇加深？？？？？？？？？？？（但從來冇人講過ok lens 會減近視、同埋會令近視唔再加深喎，理大班專家都冇咁講過）

本來我唔打算咁樣講，只係見你成日話我唔明，咁我想話其實大家都唔係幾明，因為我地都唔係專家，我都係因為個仔先周圍搵資料。我係呢度發文唔會吹得就吹，亦唔會好似樓上某位人兄咁大口氣到要叫人收聲。我同你都係路人，大家分享下睇法，back to basic, 回歸事實既討論先對大家有用。你叫人唔好用ok lens既立場我好明白，亦覺得你既提醒其他父母應該要睇，至少唔好係未明白個風險前就一窩蜂去戴ok lens.

joyce1234

Mighty 發表於 14-5-8 12:09
Joyce 我女女都有帯OK　LENS,亦完全明白OK　LENS不会減近視、但是日間不用帯眼鏡、確実好方便、如果好彩可 ...

多謝你的提醒. 我post那段醫生的文章,原意是: 因為很多人說眼科醫生都反對OK lens, 我想指出的是事實非如此.可能部份眼科醫生有此見解,但也有另一部份眼科醫生(包括城中名醫)認為OK lens是安全的.

不過我無想到post那文章或會幫了那位名醫做宣傳,所以我現已刪去那眼科名醫個名.

joyce1234

原帖由 lawsonmoon 於 14-05-13 發表
香港電台：中大研究,感染性角膜炎個案近四成涉「OK」鏡
https://hk.news.yahoo.com/%E7%A0%94%E7%A9%B6-%E6 ...

你咁質疑ok lens,其實亦應該質疑埋呢班中大專家推介既阿托品藥水，呢隻藥水好傷眼，中大專家如果以眼睛健康為大前題講ok lens風險，侷地無理由介紹人用阿托品時卻又對呢隻藥水既巨大副作用絕口不提。

同樣道理，而你咁關注小朋友既眼睛健康，亦無理由只反對ok lens而不反對atropine.

joyce1234

原帖由 lawsonmoon 於 14-05-14 發表
你又睇D唔睇D嘞,我係#69咪講咗唔好用,副作用超高囉！我係反對用入侵性或藥既方法用在小童不必要的治療。
尼 ...

今次我最同意你呢個回應嘞，bingo ！
我都心諗，搵小朋友做阿托品實驗？有冇搞錯！

joyce1234

lawsonmoon 發表於 14-5-14 19:23
我一直都好consistent,只係你不求甚解,睇D唔睇D。用OK鏡都係揾小朋友做實驗。

我都好想話你知D唔知D, 但我一直冇講到出口. 論壇討論貴在互相尊重和禮貌, 同你討論真係少啲EQ都唔得.