學校欺凌

sexymami

有時候欺凌，唔一定係肉體上，即係「打」人。
學校就係社會的縮影，咩人都有。
好似我囡，班上有幾個同學好叻的，話晒事，好多小朋友都想同佢地玩。
但唔知點解，佢地會唔喜歡部分小朋友，唔同佢玩之餘仲要叫所有會聽佢講的小朋友都唔好同佢玩。

我囡最初同我講，有幾個小朋友唔可以同佢地玩，因為xxx話佢唔好。但點樣唔好？講唔出。

之後我同佢解釋，佢明白，當下次那幾個好叻的小朋友再講唔同邊個邊個玩，我囡反話佢地唔應該咁樣。

之後佢地就唔同我囡玩了。

我囡唔開心，也唔明白，唔太識表達，因為佢都唔知點解冇端端佢地唔同佢玩。

sexymami

還好小朋友仲細，我可以俾佢每日帶啲好得意的零食回校，請下其他同學仔。

佢都叫做搵到其他朋友仔。但其實感覺佢還是有點失落，希望放暑假後會好啲？

我想講，其實父母真係有責任了解小朋友在學校發生的事，給予適當的協助。學校亦然，唔能夠等發生事情時才把事情推在是旦一方身上。

責任在誰也好，已發生的已改變不了，不如我地把重點放在以後如何避免同類型事件發生？

sexymami

原帖由 alyk 於 15-07-28 發表
這可算是行為欺凌, 這情况我自己在讀小學時也遇過, 我覺這是精神上最嚴重的傷害, 連家長或學校也束手無策吧 ...

正確！社交問題！

但其實去到小學中學，我相信每間學校都有類似的小朋友，可避免嗎？不能！

又或者，原來自己小朋友正做緊類似的事情，根本可能佢地都冇想過會咁傷害人。

所以都請教導一下我們的小朋友，要懂得思考。人地叫你去做的，先想一想，真的對嗎？不對的話，要怎樣拒絕？

自己唔希望被人欺凌，請不要去欺凌他人。

將來小朋友出來社會做事，一樣會遇到各式各樣的人和事，我地唔能夠永遠將佢地放在溫室裹培養。什麼學校要重視問題，其他小朋友不對等等... 最重要，都係要令小朋友懂得如何面對，如果解決。

sexymami

原帖由 bennyeva 於 15-07-28 發表
路過。講到尾，呢個世界缺乏了「愛、同理」。教識仔女去愛人，了解人地感受，勇敢唔怕事，教小朋友積極面對 ...

是的！愛和同理心，都是重要的課題。

希望每個家長都會多教小朋友愛和同理心，當學校多啲哩類小朋友，相信氣氛只會更和諧！

小朋友只是一張白紙，尤其在佢地還小的時候，應該多幫助佢建立正面的人格，樂觀的態度，這比書本上知識更重要！