崇真vs禮賢vs培道

kufubaby

祟真是LOCAL還是國際班? 如國際又有繼續上去都係國際或出國打算既都係好好既預備.  本地我自己覺得學費較貴而相對過去升中資料唔算好出位.

禮賢學費比培道貴7-8百, 一個深水埗另一個九龍城網而且有BAND2中學BACK UP.  禮賢雖然係深水埗網但睇返佢全級少於90人, 可以有above 65%升到BAND1中學都唔惹小, 即係差唔多60人. 尤其女校上智係好多女生家長心儀既唔洗$ band 1a英中.  其他升讀的band1官津中學我見幾多都係跨網或他區位, 唔理係自行不受校網限制定係叩門入, 以至考到私校直資, 估計學生都有咁上下水準先入到.  

培道小學係男女校, 中學係女校, 排除頭果20%女生會博其他band1的中學, 剩餘的女生應該都夠入培道中學, 女仔又唔係真係好十分sharp既真係一個女唔錯既選擇.  坐住二線望一線, 上唔到最多咪留返係二線, 點都唔會諗跌band咁慘淡既

kufubaby

回覆 doll_fish 的帖子

前鄰居個女曾入讀兩年之後搬走, 但我又唔十分覺得佢英文特別好(可能人人吸收唔同), 禮貌都OK,  現時主流學費4千幾, 加埋拔尖補底要6千左右吧.
禮賢中小, 小一就普教中, 小四就開始加入英文教學為銜接中學做準備
培道都係中小, 好似唔係普教中, 其他教學課程都大致係咁.

我相信間間學校都有愛心既, 你再同老公傾下啦.
小朋友未夠成熟真係唔需要俾佢因為一粒糖扼左