醫學院教授被追問點解收咁多非聯招生, 答完個個都靜曬無言

Ivymom

聽說最近係一個宴會上, 一位大學醫學院嘅教授, 被追問甚至可以說質問有關醫科收生嘅問題,  點解收咁多非聯招 IB, GCE A level . (其實同網上大家問嘅問題都係咁上下), 教授大約答收生有一啲既定嘅程序, 收生分數要求由一個委員會決定,都係答一般門面嘢啦.

其中有個人相信係呢個教授嘅長輩, 都幾大聲話 : 我細細個睇到你大, 你都係公屋出身㗎, 點解你哋而家收生就畀曬啲有錢人讀.  

教授面色一沉, 跟住就話 : 其實仲有個好重要嘅指標, 我哋唔係淨係睇學生公開試嘅成績, 仲要係睇以咁樣公開試成績嘅學生, 入讀醫學院之後嘅成績係點樣, 讀醫科究竟係得唔得. 醫科要求高,  每年都有人升唔到班, 重考, 要再讀, 最後甚至轉科.

非聯招學生通常超過九成的成績都係中上, 甚至最高分個 D佔一大半都係佢哋,  所以我哋收生會參考過往考到咁嘅成績嘅學生, 讀醫學院時嘅表現, 聽完之後個個都靜曬無言.

有人追問點解非聯招學生讀醫學院會考得高分, 教授答唔好問我點解會係咁, 總之收生成績最低嗰啲學生就真係會係入讀之後最大機會唔合格, 我哋只係以過往數據做收生嘅篩選, 決定收生所需要嘅分數, 你都唔想醫學院收到嘅學生, 佢哋最後讀唔掂嘥咗個位, 我哋淨係想收多啲好嘅學生, 如果你要我問點解, 我可以講可能非聯招嘅學生英文好D, 佢哋睇書上堂容易明白掛, 我真係唔知點解我淨係估啫