我唔覺得我小朋友係資優

小曳人

好奇，點解你要請補習老師？有無試過唔請，俾仔自己發揮？

如果係我仔，首先佢唔會溫習，如果去陪佢溫習，佢初小時可能未識發脾氣，但肯定只係交個人坐响度，精神去遊雲

至於資優特質，係你頭嗰行：
但對於佢有興趣嘅嘢，佢可以好專心。

另外，資優兒好多時被誤會係過動，因為佢個腦轉得太快，佢有興趣嘅野吸得好快，吸完就無新鮮野聽，就會悶，搞下呢樣、搞下嗰樣，外人唔了解就話佢過動

不過，補習老師唔一定會講大話，如果讚下你仔叻，佢又真係叻到唔駛補習的話，佢就會無咗份工.... 家長，點解你聽到咁多人讚佢，但你自己唔信孩子嘅能力？ 仔好可憐呀~

btw 點解佢講極都唔明？
其實係你地大人唔明佢有自己一套諗法，一套唔係太容易改變嘅諗法(可以係超級硬頸)，家長有無問過佢諗乜？點解會咁諗？可能你有意外收獲！

小曳人

其實孩子係唔係資優，唔重要，反而係當家長發現佢有潛能，佢有興趣嘅野，可以點幫佢，點俾空間佢發展，而唔係幫佢定限制，只可以學習適齡嘅智識

其實孩子有無限可能！